كاسر خاطري

1. بديت اكرهه


2. قسم بالله مو قل خاتمه ولا نذاله


3. بديت ازهق منه ومن تقصيره مخليني احس اني مع انسان عمره فوق ال50!!!!


4. لاني الحين انا المتعافيه الحمد لله ومحرمه نفسي كثير عشانه هو


5. ماابي اكرهه بس غصب عني زاحس هالشي بدا يزيد


6. وش اسوي<<<<< اول مره اقولها في حياتي واحس اني اعنيها بجد للاسف والله

السلام عليكم
صباحكم عسل كثير اقرا مواضيع بهالقسم
يضيق صدري مع اللي متضايقه من زوجها وادعي لها
وافرح وانبسط من اللي مبسوطه معه وتسولف لنا عنه وادعي لها بعد ان ربي يتمم عليهم
بس هالمره انا بنزل موضوعي على امل القى احد يشاركني ويشور علي
زوجي يابنات <<< صاحت
زوجي انسان طيب وقلبه زي القشطه واموت عليه ومو مقصر معي في شي يقدر عليه الصدق ينقال
لكن الادمي مشاكله صحيه!!!
لا مشكله ولا ثنتين
بليز خلكم معي للاخير
يعني اكبر مشكله معاه انزلاق في ظهره مره قديم ومأثر عليه كثير لدرجه انه الحين مايقدر يصلي الا وهو جالس ع السرير على فكره عمره33 يعني مو كبير
الارض مانعه الدكتور يجلس عليها.. السواقه تتعبه المشي الكثير يتعبه الشيل والحط لو شوي يتعبه وبين فتره والثانيه تجيه الام غير طبيعيه فيه لدرجه انه يبكي منه
طيب!!!!
وحده من عيونه ماكان يشوف بها ابد وسوا عمليه زرع قرنيه من 3 سنين والى يومكم وهي مثل قلتها صح صار يشوف فيها بس نور وبس مو واضح شي ودايم تتعبه
طيب!!
القولون عنده دايم موديه في ستين داهيه يعني فالشهر الواحد 3..4 مرات لازم يثور عليه ويتعب معدته
طيب!
وربي ماابالغ ولا اكذب بحرف برضو حلقه دايم احتقان ودايم زكام بشرته لو يتعطر باي شي من العطورات الشرقيه او يقرب منها تولع فيه الحساسيه اسنانه متعبته مره .. و و و الخ..
انا وين من هاذا كله؟!؟
وربي فيهم كلهم مو مقصره من يوم اخذته لنا الحين 4 سنين وانا متقبله وضعه الصحي ومعتنيه فيه بالمره وواقفه معه
بس وش المشكله الحين

بديت اكرهه

قسم بالله مو قل خاتمه ولا نذاله

بس الادمي صار غير طبيعي صار يأئس من نفسه ومجرد ماتطزه شوكه قام واكتئب. انا فيني وفيني وفيني!!! انا دايم تعبان انا وانا صار مهمل نفسه مره يمر تلاسبوع ماحلق لحيته اسنانه معد يفرشها لبسه معد يهتم فيه معد له نفس لاي شي دايم زهقان من نفسه احس حتى الحياه معد لها طعم عنده بنات قبل اسبوعين صار موقف بايخ بس احسه اثر فيني بشكل مو طبيعي لليوم مو قادره انساه نومت بناتي وهو فالصاله دخلت تروشت وتمكيجت وكشخت ولبست قميص كاشف اكثر مما هو ساتر وطلعت عليه وربي التفت لفته!!!! ليته مالتفت!! تعرفون شلون ناظرني بس كنه مناظر مين اللي دخل!!!! ورجع يناظر التلفزيون!!!!!!!!!!!!!!!يعني مافيه اي شي شده!!!!!!! ولاحتى دقيقه على طول نزل عينه!!!بغيت انفجر رجعت ولبست بجامه طويله وضقت منه بشكل!!
حتى في نومه معي مقصر جدا جدا يخاف يعور ظهره
وقت مانطلع نتمشى سوا. مااخذ راحتي اخلص المشوار وانا ماخلصت كله ماابيه يتعب ولا ابين له
بنات مااقدر اولع شموع ريحتها تتعبه!!!
الادمي وضعه مو مزري لهالدرجه بس هو اللي متعب نفسه بنفسه هو اللي مكبر كل شي لدرجه كره كل شي ومل من كل شي
بنات لو يجيه زكام راح يركض للدكتور العلاجات في غرفتي اكثر من عطوراتي وكريماتي!!

بديت ازهق منه ومن تقصيره مخليني احس اني مع انسان عمره فوق ال50!!!!

معقول شاب زوجته معه مثل الورده لنا الحين 20 يوم مالمسني وقت النوم!! ادري مافيه سبب بتاتا البته الا انه متعب نفسه بنفسه كان ظهره متعبه وخف وبعدين تعبه قولونه وراح والحين له اسبوع والدنيا سودا في وجهه لان حلقه فيه احتقان ومزكم!!!!!!!!!!!!!!!!وربي الحين مو متقبله ابد انه يقرب مني ولاابي معد اشتهيه ومدري شلون راح ارده
انا مابي اتغير عليه ولا ابي اكرهه والادمي حاس وكل شوي يقولي انتي زهقتي مني؟ واقوله لا!!
تعبت كثير وانا افهمه ان حاله احسن من غيره وانه مأجور وانه وانه بس لاحياه لمن تنادي احيانا يسوي نفسه عادي ومو مهتم بس قدامي وهو من داخل بينفجر واعرفه ويبان عليه
الحين صرت اتمنى اني انا اللي تعبانه وفيني هاذا كله مو فيه هو عشان اعيش حياتي بحدود امطانياتي الصحيه ومن غير مااحرم نفسي اشيا كثيره عشانه

لاني الحين انا المتعافيه الحمد لله ومحرمه نفسي كثير عشانه هو

ماابي اكرهه بس غصب عني زاحس هالشي بدا يزيد

امس سافر ( الاربعاء) وبيرجع ان شاءالله الجمعه قلت له الله يخليك لاتكلمني لين ترجع مانبي مكالمات ابد ولاحتى رسايل من جد ماعاد ابي اكلمه قالي ليش قلت عشان نشتاق لبعض وانا اكذب عليه وعيّا وانا عارفه انه حاس وش فيني

وش اسوي<<<<< اول مره اقولها في حياتي واحس اني اعنيها بجد للاسف والله

وعلى فكره العنوان( كاسر خاطري) مو لانه تعبان. كاسر خاطري لانه قاعد يخرب حياته ويضيع شبابه ع الفاضي ولانه مايستاهل اكرهه وبديت اكرهه. غصب عني قسم بالله انا مقدره وربي اللي هو فيه وقلبي يتقطع عشانه بس مافيه شي فعلا يستاهل انه يتضايق عشانه الا ظهره ومليون مره قلت له هالكلام بس........( لا اصيح الحين)
شوروا علي تكفون
اروح لاهلي فتره ابعد عنه يمكن ارتاح شوي! ولا اصارحع اني بجد زهقت ولا وش اسوي