طبخآت تجنن لآتفوتكم

بسم الله الرحمن الرحيم
التورتيلا البيتي
بما اني احب كل شي اسويه بالبيت
فسويت كل ابو المقادير حتى الخبز سويته بالبيت
صح انه طلع يهبل بس يختلف اكيد عن الي برا
بس للأحسن
المقادير
1 ونص كأس دقيق
1 ملعقه صغيره بكينج بودر
ذرة ملح
1 ملعقه زيت عافيه
1وثلاث ارباع او اقل مويه دافيه:::::
نعجنهم باليد جيداً
نتركها ترتاح
ونقطعها 8 قطع ونرشها بالدقيق
وبعدين نفردها بشكل دائري
ونخبزها على الصاج
لحد ما تنهي الكميه::::
الحشوه
بطاط مقلي
خيار مخلل
شرايح طماطم
خس
مايونيز +كاتشب
قطع دجاج:::
تلفها زي التورتيلا ونقدمها
كب كيك مالح
وهنا بعد
::::
المقادير
//
يمي
:: 2 ك دقيق ../.. 1 م ك خميره ../.. 1 م ك سكر ../..
1 ك بقدونس مفروم ../..
1 ونص ك جبنه مالحه او فلادلفيا
../.. ربع ك زيت ../..
ماء دافيء للعجن -ماله مقدار محدد -
اول شي نخلط الجافه سوا بعدين السوائل وتعجن زين وتترك تخمر مدة ساعه تقريبا
ودخليها الفرن لغاية ماتتحمر من تحت وحمريها شوي من فوق
بعد ماتطلعينها بتلقينها قاسيه كأنها حجر بس لا يضيق صدرك ، غطيها فورا بمنشفه واتركيها تبرد براحتها
بعدين ادهنيها من فوق بلبنه وزينيها بأوراق النعناع والزعتر او السماق وحطيها باوراق البليسيه
وقدميهم وبالعافيه
سلطة الاندومي
::
2 كيس اندومي
خس امريكي
علبة ذره
كأس بازلاء
ليمون وحده
ملح وفلفل اسود
علبة زبادي
مايونيز
بهارات الاندومي
الطريقه
نكسر الاندومي اربع كسر ونسلقها بمويه وملح وزيت اندومي
..
نقطع الخس ونحط عليها الذره والبازلاء والاندومي
الصوص
نعصر الليمون ونضع علبة الملح والفلفل الاسود وعلبة الزبادي +مايونيز >بهارات الاندومي ونصبها على السلطه ونقدمها
سلطة السيزر
خس امريكي
خس عادي
دجاج
ليمون
ملح
فلفل
زبادي
مايونيز
نقطع الخس قطع كبيره شوي ونخلطهم مع الصوص
ونضعه بصحن التقديم
طريقة الدجاج
نقطع الدجاج اصابع
ونحضر المقلاة ونضع عليها شوي زيت زيتون ثم نضع الدجاج
ونرش عليه ملح +فلفل+ماجي ابيض ونحركهم
ونظيف عليه ملعقه صغيره سماق
ونحرك الدجاج لحد ما تنشف المويه
نرش الدجاج فوق السلط ونرش عليها مكعبات التوست المحمص ونقدمها
انا حطيت بدال التوست .صاموني (قطعته قطع مربعه وحمصته بالفرن )
وبالعافيه
//
مكرونة امي
هذا عاد مكرونة امي تراه هي مسويه كل شي بس انا صورته وه بس فديت هالام<< لايفوتكم الخيار =تسمع بالزبرقه
المقادير
مكرونة اسباقيتي مسلوقه بمويه وملح وشوي زيت
وبعدين نصفيها
ونسوي الحشوه
الي هي :
قطع دجاج مكشنه ببصل وبهارات (كل الي تحبون)
وبقدونس
وبعدين نحطه فوق المكرونه بصينيه
وبعدين نجهز البيشاميل على طريقة الوالده
الي هي :بالقدر
كأس واحد حليب سايل
2 ملقعة طحين
بحرك يدوي (على قولة امي ..بالشوشه)
نحط عليه ملح +ربع مكعب ماجي+ربع اصبع زبده+رشة فلفل
ونتركها لين تثقل شوي
ونصبها فوق الحشوه
وندخلها للفرن تتحمر شوي
وبعدين نقدمها زي اي شكل تبون
//
توست نجومي
عاد هذا من اختراعاتي اللزز
توست مقطع اي شكل تبين
انا لقيت نجوم وكبستهم على التوست
حمصيهم بالفرن من فوق وتحت
وبعدين
اسلقي ربيان صغنون .
وبعدين كشنيه بشوي زيت وسماق عشان اللون
وبهاراتكم
::
الجبنة
جيبي جبنة فلادلفيا
وجبنة البقرات الثلاث
وبقدونس وشوي ملح
واخلطيهم
::
ادهني التوسته بالجبنه وبعدين حطي الربيان عليهم
وقدميه
وبالعافيه
حلى النوتيلا
هذا مره نزلته بموضوع وش اكلتو اليوم
وكثير سألوني عنه
اخق عليه مآآآآآآآآآآآآآره
المقادير:
كأسْ ونصْ سمّيد
كأسْ حليبْ بُودره
كأسْ سُكر ( مشْ مطحونْ )
ملعقة كبيرة ونصْ كآكاووُ بودرة
ملعقة صغيرة نسكآفية
علبة قشطة
علبة نوتيلا
::
نضع السميد + الحليبْ + السكر
بمقلاة حتىْ يصير لونهمْ أشقر
ثمْ نرفعة من النآر ونضع الكآكآوُ والنسكآفية ونقلبهمْ بعيدْ عن النآر طبعاً
ثمْ نضع علبة القشطة ونعجنهمْ لينْ يصير معانا عجينة طرية
نبدأ
الأنْ بالتشكيلْ تقدرينْ تأخذينْ مقدآر صغير
بيدكْ وتكورينها وتسوينْ مثلْ الفجوةْ من دآخلْ
::
بعد كذا نجهز للخطوةْ الثآنية ونبدأ نمسح على كل حبه نوتيلا
بالملعقه الصغنونه ونضع عليها ام اند امز
وبالعافيه
::
حلى الريفايلو
حليب بودره نص كاس
قشطه نص علبه
بسكوت شاهي 1 باكيت
حليب نستله 1 علبه
جوز هند 2 كأس
فول سوداني 3 ملاعق
بندق حسب الرغبه
الطريقه
نطحن البسكوت لحد ما يصير مجروش
بعدين نحمس الحليب لحد مايصير لونه ذهبي
وبعدين نظيف القشطه+الفول السوداني +نص حليب نستله على البسكوت والحليب
بعدين نعجنهم لحد ما تتكون عندنا عجينه متماسكه
بعدين نكورهم ونجوفه من الداخل شوي ونضع البندق ونكورها
بعدين نغمسها بالحليب النستله بعدين الجوز
ونضعها بالبليسيه بمناقيش ملونه
وندخلها بالثلاجه لين وقت التقديم
وبالعافيه
//
سينابون
المقادير 3 كاسات طحين
كاسين مويه دافيه
2 ملعقه متوسطه خميره
6 ملاعق حليب باودر
نص كاس سكر
نص كاس زيت
::
الطريقه
نخلط الطحين والزيت لحالهم ..
لحد ما يتجانسون
ونتركم على جنب
::
بعدين نخلط المويه الدافيه +الخميره+السكر بالخلاط الكهربائي الكأس احسن من خلاط الكيك
(لمدة 3 دقاايق )
::
و بعد مانخلطهم 3 دقايق نضيفهم للطحين الي خلطناه مع الزيت
::
اخر شيء لما يتجانسون مع بعض نضيف 6 ملاعق حليب البودرة
::
ونزيد شوي طحين لحد ما نحس انها تماسكت وصارت لينه
ونخليها تتخمر ساعة إلا ربع او نص ساعة
::
ونبدا بفردها
ونضع الحشوه المكونه من قرفه وسكر
ونحشيها ونلفها رولات
::
وندخلها للفرن لحد ما تستوي
من تحت ونحمرها شوي من فووق
وبالعافيه
حلى السلال
هذا تبع اخيتي الله لا يخلينا منه يارب
نقطع اطراف التوست
ونحطه بصينية الكب كيك
وندخله للفرن
لحد ماتتحمر من تحت
وبعدين نحمرها من فوق شوي
بعدين نجهز المهلبيه
الي هي::
فنجالين سكر
وفنجالين حليب
وفنجال نشا كاسترد
وكأسين مويه دافيه
نحرك فيهم
ونحرك فيهم على نار هاديه لحد يثقل الخليط شوي
::
بعدين نتركه يبرد شوي
ونصبه داخل السلال ونثبت احد اطراف التوست
حتى يصير زي شكل السله الي بالصوره.. ونرش فوقها الفستق
.. ونتركها لحد وقت التقديم
وبالعافيه
///
حلى البرقر
صراحه هذا خقق
مدري من الي سوته بالاقلاع
بس بجد الله يجزاه خير
الكل خقو عليه واخذوا طريقته
نفس كلام البنوته هنا
تجيبين قطعه البف باستري وتقطعينها بالبياله 4 دوائر
تصفين الدوائر بالصينية
تدهنينها بالبيض وتنثرين عليها سمسم وتخبزينها
بعد الخبز تفكينها من الوسط كنها خبز البرقر
ونبدا بالحشوة
تدهنين القاعدة بالمايونيز
اللي هو عبارة عن
قشطه + جبن فلادلفيا +نستله
تحطين قطعه اللحم اللي هو عبارة عن
بسكوت اوريو مطحون +بسكوت شاي مطحون ومعجون بقشطة وشوي نستله<<<على الذوق
لين تصير عندك عجينة تقدرين تشكلينها
وشكليها عاد على شكل اقراص والافضل خليها رقيقه
حطي عليها شريحه كيوي على اساس انه خس
وادهنية بالمربى على اساس الكاتشب<<<ممكن تستبدلين المربى بشريحة فراوله
بعدين ادهني طبقة البف باستري العلوية <<طبعآ من جوا
قشطه + ظرف كريم كراميل<<<على اساس انه جبن
وبس بالعافية على قلبك
///
كيك
الكيكه الساده
كأس ماء واحد كأس
كأس زيت ثلاث ارباع كأس
واحد كأس سكر
واحد ملعقه صغيره فانيلا
3 ملاعق كبيره حليب بودره
3 ملاعق كبيره كاكاو مر
2 بيضضه
1كأس طحين كويتي
1 ملعقه كبيره بيكينج بودر
:::
نخلط جميع المقادير ماعدا الطحين والبيكنج بودر
::
نترك الخليط بالخلاط لمدة 3 دقاائق ونحطهم بزبديه
:
ننخلط الطحين +البيكنج بودر .. مرتين ونخلطهم بخلاط الكيك مع الخليط السابق
ندخلها بالفرن لمدة 45 دقيقه او لحد ما تستوي
ونقدمها ونزينها على اي شكل نبيه
::
الشابوره
هذا اختي الصغيره الي بالمتوسط مسويته وه ياحبيل سومه
ينفع مع المغربيه اذا كنتي طفشانه
المقادير
3 كوب سكر
كوبين دقيق اسمر او ابيض
نص كوب زيت
3 بيضات
ملعقة يانسون
ملعقه صغيره حبة البركه
ملعقتين بيكنج بودر
ذرة ملح
:::
الطريقه
يخلط السكر والزيت مع بعض بالخلاط اليدوي
ونضيف له البيض ونخلطه مع بعض
بعدين نضيف حبة البركه عليهم مع اليانسون
//
ننخل الدقيق والبيكنج بودر ... ونضيف للخليط السابق
لين يصير عجينه متماسكه
نفرد العجينه بصينيه وندخله للفرن لمدة 20_30 دقيقه
ونحمرها من فوق شوي
ونقطعها
ونضيف فوقها عسل والا الي تبون
بالعافيه
//
تارت
العجينه
علبة بسكوت شاهي
3 بيضات
نص كوب زيت
ثلاث ارباع كوب حليب سايل
ملعقة كبيره بكينج بودر
3 ملاعق كبيره بينت بيتر (فول سوداني)
الحشوه
6 حبات جبن كيري
علبه كبيره حليب نستله
نص فنجال سكر
علبة قشطه
2 حبه سنكيرز المتوسط
::::
العجينه
نخلطها مع بعض باالملعقه لحد ما تتماسك
ونصبها بقالب التارت
:::
ندخلها بالفرن لحد ما تستوي .. نص ساعه تقريباً
:::
في الخلاط ..نحط الحشوه
6 حبات كيري+علبة حليب نستله ونصبه على التارت بالوسط
::
نحط السكر+القشطه ةنحركها على النار لحد ما تصير توفي
ونصبها بشكل عشوائي بالوسط
ونقطع السنكرز على الاطراف
ونقدمها بارده او الي تبون
, . بالعافيه على قلوبكم . ,