ياصحبات الفطاير فزعتكم

[جروح المشاعر

30-09-2022 - 04:56 pm

صباح و مساء الخير حبيباتي فراشات المنتدى كيفكم؟ ممكن طلب ودي بطريقة العجينه القطنيه وتكون سهله مافيها بيض تكفون ضروري زوجي طالب فطاير وماودي أقوله ماأعرف ولو سمحتوا طلب ثاني أدري ثقلت عليكم بس مالي غيركم أبغى طريقة صلصة البيتراء أذا ماعليكم أمر الله ينولكم اللي في بالكم مقدما

التعليقات (9)

[جروح المشاعر

30-09-2022 - 08:13 pm

بنات وين فزعتكم :(

[جروح المشاعر

30-09-2022 - 09:14 pm

أأأأأأأأأأأأأأأأأأأأأب

[جروح المشاعر

30-09-2022 - 10:15 pm

بنات تكفون

شجـggنـه

30-09-2022 - 11:16 pm

استخدمي عجينة العشر دقايق مرة حلوة
وفيه فطاير جاهزة تنباع في السوبر ماركت بس تقمرينها على قليل من الزيت
موفقه

قمر اليـــالي

01-10-2022 - 12:17 am

اختي
اشتري عجينة البف بستري واقطعيها ع الشكل الي تبينه
واهنيها بزيت ودخليها ع الفرن تحمر وطلعيها واحشيها بالحشوات الي ودك فيها
اذا كانت حلوه اقطعيها بالنص واحشيها نوتيلا اوامالحه بجبن سايل او تونه
ودعواتك

الدرة دانة

01-10-2022 - 01:18 am

اما انا عندي عجينه واعتمدتها لانها روعة
وتضبط لجميع انواع المعجنات
بتزا سينابون خلايا نحل كروسون واي شي ثاني تحبي
اهم شي ان الدقيق يكون كويتي متعدد الاستعمالات
تطلع معاك 100%
مقاديرها
3 اكواب دقيق
ملعقة اكل خميرة مع نص فنجان سكر
كاسة ونص موية
3 ملاعق حليب
ربع او اقل كاسة زيت
نص ملعقة بيكنج باودر
وتعجنينهم زين بالعجانة
افضل انك تخلي الزيت اخر شي
وممكن تضيفي ملعقتين دقيق اذا لاحظتي انها لينه
واتركيها تخمر نص ساعة
ملاحظة اذا تبغي تسويها بطريقة العشر دقايق اذا كنتي مستعجلة
نفس المقادير لكن الاختلاف في العجن
وهي انك تاخذي الخميرة والسكر وكوب واحد من الدقيق والماء
وتخلطينهم وتخلينها عشر دقايق
وبعدها تضيفي باقي المقادير اللي هي الحليب والبيكنج باودر والكوبين الدقيق اللي بقيت والزيت
وتستخدمينها وان شاء الله تعجبك
وبالهنا والعافية

خوية زوجها

01-10-2022 - 02:19 am

الدرة دانه ماقصرت
بس ماحبيت اطلع بدون مارد
صراحة هالعجينه روعه فوق ماتتصورين
كوبين دقيق
2 ملعقة كبيرة خميرة
1 ملعقة كبيررة بكينج بودر
3 ملعقة كبيرة. حليب بودرة
2 ملعقة كبيرة سكر
ذرة ملح
فنجال شاي زيت
تقريبا كوب ماء
اولا اخليطي الناشف مع بعض
بعدها اضيفي الزيت والماء
وابدأي اعجني مرة مرة لين تتماسك معك
واتركيها من نص ساعه الى ساعة الا ربع تختمر
ملاحظة بعض البنات يجهلونها بالذات اللي ماقد سوت عجينه
بعد ماتختمر
اذا جيتي تقطعينها وتحشينها لاترجعين تعجنينها
قطعيها كور وهي منتفشة
وابداي افردي كل عجينه لوحدها واحشيها
وفيه حركة جت معي بالصدفه بس خلت الفطاير جنان
بعد ماترصيها في الصينيه .. اتركيها تختمر من جديد .>>>> تطلع معك روعه . وبعدين دخليها الفرن

أم المفهين

01-10-2022 - 03:20 am

موفقه
اللهم صل على نبينا محمد

[جروح المشاعر

01-10-2022 - 04:21 am

مشكورين ياغلا وراح اجرب الطرق اللي عطتوني وراح اقولكم اي وحده اعجنتني
حبيباتي بس ماعطتوني طريقة الصلصه حقت البيزاء

شكل جديد للفطآئر←
طبخآت تجنن لآتفوتكم→