طرق الازالة شعر الجسم بالتفصيل

1. طرق لإزالة شعر الجسم بالتفصيل والأدله من الدين ...مع الصور للشرح


2. وأيضا" جمعت أدله من عهد الصحابه ..........


3. قال أوه من اوه:هذا دليل النعومه بعد الحلاوه

طرق لإزالة شعر الجسم بالتفصيل والأدله من الدين ...مع الصور للشرح

بالنسبه لإزالة الشعر من الجسم <الذراغين ,الساقين ,الظهر أو أي مكان آخر تريديه>جربي إستخدمي الشمع وليس الحلاوه يجي سائل تقريبا"ويوجد داخل علب حديديه مثل علب حليب النيدو والسيرلاك .. لازم تجيبي معاه قطع الأقمشه إللي تشيلي بيها الشمع تجي مستطيله وحجمها زي كفة اليد ينباع في محلات التجميل وتلاقيه كمان عند المحلات إللي تبيع أدوات وأغراض صالونات التجميل ..وفي آله تنباع لتسخين الشمع ((شوفي شكل الآله في الصوره ))لأنك لازم تسخني الشمع قبل الإستخدام في الآله تحطي العلبه داخل الآله إلين يسخن طبعا" سخونه تتحملها بشرتك يعني يكون دافي ..خذي شي زي عود الآيس كريم الخشبي بس يكون أعرض أو ممكن سكين الأكل وليس سكين التقطيع أو ملعقةالأكل <بس لازم تخصصيها لهذا الشي>وبعدين أفرديه على الساق أو الذراع أو المكان المراد وهو عشان ساخن حيفتح المسام والبصيلات وتخرج الشعره بسهوله وبدون ألم وما حتلقي شعره بقيت بعد ما تفردي الشمع مباشره ضعي عليها قطعة القماش وإعملي عليها زي مساج وبعدين شيلي بسرعه ماراح تحسي بألم لأن المسام مفتوحه والشغله حتكون بسرعه وممكن تعيدي على المكان مرتين إذا شفتي محتاج ..وكل مره تحطي شمع لما تجي تشيلي غيري قطعة القماش....إذا تبغي سيقانك أو المكان إللي شلتيه يلمع إدهنيه إدهنيه بكريم أولاي للجسم ينباع في أي سوبر ماركت كريم أولاي يتميز إنه مافيه أي عطور أو كحول تهيج البشره ويعطي نعومه ولمعه فظيعه وبدون ريحه ....بس إذا تبغي تحطي كريم على جسمك بعد الشيل لازم تستني على الأقل 12 ساعه عشان تكون البشره هدأت والمسام قفلت.........طبعا" هذي الطريقه أكيد تشوفوها في صالونات التجميل ....................
وومكن حركه بدل الشمع إذا خلص من عندك وتبغي تشيلي خذي حلاوة شهرزاد وسخنيها في الآله بس حطيها في علبه حديد إذ ما تبغي الآله تتوسخ وتتعبي في تنظيفها <علبه زي علبة حليب بودره أو سيرلاك بس تكون صغيره أنقلي الحلاوه للعلبه وحطي عليها شوي مويه يعني 3 إلى 5 ملاعق لأنه لازم تكون سميكه<ثقيله> شوي وسخنيها إلين تسخن إستخدميها بس لما تستخدمي الحلاوه لجسمك أدهنيه بهذي الخلطه <سكر+ماء +خميرة كيك باكنج باودر> طبعا" تعملي السكر والمويه زي الشيره وبعد ما تسخن ويذوب السكر حطي ملعه صغيره خميره أو ملعقتين لكل فنجان من الماء مع السكر وخليه يدفى وبعدين أدهني بيه المكان إللي تبغي تشيلي منه الشعر في جسمك وخليه إلين ينشف بعدين أفردي الحلاوه بعد ما تسخنيها وتكون دافيه طبعا" إنتي تتحكمي بدرجة سخونة الآله وبعدين أفردي عليها قطعة القماش وشيلي بسرعه <بالنسبه للقماش ممكن تجيبيه من عند خياطين الملابس الرجاليه هو قماش السراويل إللي تحت الثياب لأنه قطن قليله يعطيكي متر وإنتي قصيه في البيت قطع مستطيله طولها شبر وعرضها أربع أصابع يعني زي الكف وزي ما قلنا سابقا" إذا تبغي سيقانك تلمع أدهنيها بكريم أولاي للجسم مكتوب عليه خالي من العطور مرره روعه وعن تجربه بس بعد مرور 12 ساعه
ممكن كمان شرايح veet للأمانه مجربه كمان وكويسه بس إتبعي الطريقه المكتوبه على العلبه
بالنسبه لإزالة شعر الجسم<الذراع والساق> ممكن تخلي أختك أو قريبتك أو صحبتك تشيللك وإنتي شيلي لها كذا أسرع وتسليه إتفقو يوم خلوه للنزع الشعر بالعكس كذا تصير الشغله وناسه وأسرع....
بالنسبه لإزالة الشعر من المناطق الحساسه <الإبط والعانه>الأفضل الحلاوه بس قبل ما تشيلي من النصائح إللي ما سمعتها تذكر من قبل ...أدخلي غرفه تكون بارده لا تشيلي في الحمام هذا يساعد إن المنطقه تكون متهويه وما تعرق اشلحي ملابسك ولفي حولك منشفه وأدخلي الغرفه وأقفلي الباب ...غير كذا لما تاخذي قطعة الحلاوه عجنيها في يدك فتره ولازم تكون الحلاوه متماسكه مو من النوع إللي يسيح تعجنيها كم دقيقه إلين يتغير لونه ويفتح وبعدها شيلي بيها أفضل حلاوه جواهر تنباع في الصيدليات
بس الحلاوة تستني حتى يطول الشعر فإذا ما تبغي تستني .. ألة البراون لانة اول مايطلع الشعرتشيلية بسرعة
الأدله من الدين على أن نزع الشعر من المناطق الحساسه ليس له ضرر بإذن الله..............
أنا جمعت بعض الأدله على إستخدام الحلاوه و إستخدمت في عهد نبي الله سليمان ...

وأيضا" جمعت أدله من عهد الصحابه ..........

كان سليمان قد أمر ببناء صرح من زجاج وعمل في ممره ماء وجعل عليه سقفا من زجاج وجعل فيه من السمك وغيرها من دواب الماء وأمرت بلقيس ملكة اليمن بدخول الصرح وسليمان جالس على سريره فيه فلما رأته حسبته لجة وكشفت عن ساقيها قال إنه صرح ممرد من قوارير قالت ربي إني ظلمت نفسي وأسلمت مع سليمان لله رب العالمين وقد قيل إن الجن أرادوا أن يبشعوا منظرها عند سليمان وأن تبدي عن ساقيها ليرى ما عليها من الشعر فينفره ذلك منها وخشوا أن يتزوجها لأن أمها من الجان فتتسلط عليهم معه وذكر بعضهم أن حافرها كان كحافر الدابة وهذا ضعيف وفي الأول أيضا نظر والله أعلم الا أن سليمان قيل إنه لما أراد إزالته حين عزم على تزوجها سأل الإنس عن زواله فذكروا له الموسى فامتنعت من ذلك فسأل الجان فصنعوا له النورة ووضعوا له الحمام فكان أول من دخل الحمام فلما وجد مسه قال أوه من عذاب اوه أوه قبل أن لا ينفع اوه رواه الطبراني مرفوعا <منقول من كتاب البدايه والنهايه>الموسي : هي شفرات الحلاقه والنوره :هي الحلاوه

قال أوه من اوه:هذا دليل النعومه بعد الحلاوه

• السنة في الإبط ( النتف ) : لأنه أقل في إنبات الشَّعر ، ولأن النتف يُضعف إفراز الغدد العرقية والدهنية ، كما ذكره أهل الاختصاص .
• السنة في العانة ( الحلق ) . لكونه هو الأغلب والأسهل في الإزالة للموضع بعكس النتف .

ويقوم التنوُّر ( استعمال النورة ) مكان الحلق وكذلك النتف والقص وقد سئل أحمد عن أخذ العانة بالمقراض فقال أرجو أن يجزي ، قيل : فالنتف ؟ قال : وهل يقوى على هذا أحد ؟
( 102 )كتاب المغني فصل الطهاره: والاستحداد : حلق العانة . وهو مستحب ; لأنه من الفطرة , ويفحش بتركه , فاستحبت إزالته , وبأي شيء أزاله صاحبه فلا بأس ; لأن المقصود إزالته , قيل لأبي عبد الله : ترى أن يأخذ الرجل سفلته بالمقراض , وإن لم يستقص ؟ قال : أرجو أن يجزئ , إن شاء الله . قيل : يا أبا عبد الله , ما تقول في الرجل إذا نتف عانته ؟ قال : وهل يقوى على هذا أحد وإن اطلى بنورة فلا بأس , إلا أنه لا يدع أحدا يلي عورته , إلا من يحل له الاطلاع عليها ; من زوجة , أو أمة . قال أبو العباس النسائي : ضربت لأبي عبد الله نورة , ونورته بها , فلما بلغ إلى عانته نورها هو .
وروى الخلال , بإسناده عن نافع , قال : كنت أطلي ابن عمر , فإذا بلغ عانته نورها هو بيده . وقد روي ذلك عن النبي صلى الله عليه وسلم , قال المروذي : كان أبو عبد الله لا يدخل الحمام , وإذا احتاج إلى النورة تنور في البيت , وأصلحت له غير مرة نورة تنور بها , واشتريت له جلدا ليديه , فكان يدخل يديه فيه , وينور نفسه . والحلق أفضل لموافقته الخبر , وقد قال ابن عمر هو مما أحدثوا من النعيم , يعني : النوره.
منقو و و و و ل