طريقة التدريس و المدارس للي يبي يجي يدرس في قطر

بالنسبة للسعوديين اعتقد ان السعودية فيها عدد كبير من الجامعات والمعاهد والكليات المعتمده عالميا
اهمها جامعه الملك سعود اللي ربي يوفقني ان شالله وادخلها فيها اقسام كثيرة وكليات كثيرة
وجامعة الملك عبد العزيز بجده جامعة متكاملة
جامعة الملك خالد بابها
جامعة الامام محمد بن سعود لها فروع في انحاء العالم
والجامعة الاسلامية بالمدينه يجونن الطلبة المسلمين من جميع انحاء العالم عشان يدرسون فيها
وجامعة الملك فيصل بالشرقيه
جامعة الملك فهد البترول والمعادن هذي خاصه للاولاد مافيها دراسه للبنات لانها تعتمد على الطاقه والبترول وهذي الاشياءوتعتبر مركز قيدي للطاقه في الشرق الاوسط
وغيرها الكثثيير من الجامعات والكليات
وفيه الجامعة العربية والكلية الجامعيه بالجبيل وينبع على مستوى عالي يدرسون فيها اللغه الانجليزية والحاسب والاقسام العلمية الدراسه فيها باللغة الانجليزية فقط
وقريبا ان شالله بتفتح فرع من فروع جامعة هارفرد في بلدنا بلد الرخاء والعز دار ابو متعب الله يحفظه
وبالاخير الله يوفقني واجيب نسبة عالية عشان اقدر اكمل دراستي بالقسم والجامعة اللي اتمناها

انا معاك المملكه فيها جامعات بس بصراحه انواع التعقيد
يعني توقف النسب على 92 % علمي ومايقبلوهم كم يبغونهم يجيبوا مثلا 100%
والله عندنا بالعربي الفصيح ادفع تد رس ماتدفع الله يستر عليك
لا واللي يدفع شوفي انواع الظلم ترسيب وكلام فاضي ... انا عن نفسي انصح بالدراسه برا خصوصا الاولاد
... مو ضروري برا المملوكه شايفين البلاوي اللي تصير بس دول الخليج مثلا
صدق تعليم ... زي قطر ما شاء الله دوله محافظه وتعليمها جيد ... وبالتوفيق للكل اللي بيروح يتعلم هناك
سعوديين او اهل الدوله نفسهم ....

النسب يختلف من سنه لسنه يعني انتي شوفي اعداد اللي تجي للجامعة فيه مقاعد محدده وكل سنه يزيدون عددها ومع هذا بالمقابل يسجلون الاف والاف فعشان عندهم مقاعد محدوده ياخذون افضل النسب بعدد المقاعد يعني يمكن السنه هذي نسب القبول توقف على 96 والعام 94 على حسب الدفعه والاعداد
واعتقد ان كل جامعات العالم فيها اساتذه ظلمه ومايخافون ربهم وبالنسبة للدفع عندنا جامعة سلطان ليش تقبل نسب لانها جامعه خاصه وبرسوم مو اي احد يقدر يتكفل فيها عشان كذا تقبل نسب ممكن تكون اقل وعلى فكره ترى تعطي كل سنه منح دراسية للطلبة المتفوقين والدراسه فيها ولا اروع رقي وتقدم
صحيح انصح وبقوه دراسه برى بس بفائده يعني الواحد دامه متغرب وتارك بلده يدرس تخصص مو موجود ببلده عشان يقدر ينفع فيه وبصراحه انا اايد الواحد لما يجي يدرس يروح دول مثل استراليا هذي السنه فاتحين فيها الابتعاث