طريقة المطبق

هلا اختي
طريقتي سهله جدا
اولا يقطع البقل ويغسل وينشف
ثانيا تقطع طماطه واحده مربعات صغيره
ونضع عليه بيضه وقليل من الفلفل الاسود
والملح
تخلط ثم تحشى بها شرائح المطبق
لذيذه اتمنى تعجبج

شوفي انا والله اشوف خواتي يسوونه ويطلع رهيب
اول شي الحشوه
اللي هي عباره عن بيض تقلينه وتحطين عليه فلفل اسود وطماطم يقطع مربعات وكراث يقطع صغار وبصل اخضر تقطعينه صغار وملح وبهار تخلطينها مع بعض
وبعدين تجيبين مراهيف السمبوسه بس انتبهي لاتصير المراهيف المقرمشه مثل سويتز ماتنفع ابد
اي نوع مراهيف
وتقطعين المراهيف بحيث انها ماتصير طويله مر ه
وتحطين وحده بالطول وحده بالعرض يعني يصير عندك شكل الزائد + وتحطين الحشوه بالوسط
وتصكرينها اول شي طول وعرض وطول وعرض وتسكرينها بعجينه ومويه وتقصين الزائد من الاطراف
وبعدين تحطين شوية زيت بالمقلى حق البيض وتحطينها واذا حمرت صكري عليها وبس
اتمنى اكون قدرت اوصلك المعلومه

انا طريقتى عاديه اسوى نفس حشوة السمبوسه احمس البصل بزيت والبهار واحركه ثم احط عليه الطماط مقشر ومقطع صغارثم اكب اللحم المفروم واحمسه يالين يتسبك بعدين احط عليه كراث واقطعه صغار
والعجينه تجيبين شرائح السبرنق رول الكبيرة وتحطينها على شكل ضرب وتحشين السمبوسه وتسكرينها وتدهنينها بالبيض وتحمرينها من فوق وتحت وبالعافيه

البنات ماقصرو

انا اسويها برقائق السنبوسه بس تكون الرقائق الخفيفه مثل رقائق الارياف
اسوي الخلطه اللي هي لحم مفروم وبصل وكراث وطماطم وبيض
ولك انتي بس هذا السر>>>>> احط معها جبن كرفت ابشره مع الخلطه
جيبي الرقائق وغمسيها بحليب السعوديه وحطي وحده بالطول والثانيه بالعرض
وصفيها بصحن مدهون بشوي زيت ودخليها الفرن
وعليك بالعافيه
اتمنى اني افدتك