طريقة سليمة للتبخير

حرصت اني اضع لكم الطريقه السليمه لتبخير البيت ويمكن انه مكرر بس مايمنع للتذكير وانا احس اني عندي اضافات لانها من افكاري الا اذا صادف واحد تفكيره مثلي عاد هذا شي ثاني المهم ماطول عليكم وهذي هي الطريقه:
1- امسحي الارضيه زين وكمان الابواب يعني اهم شي تكون رطبه
2- تهوية المكان وانتي تمسحين بعدين اغلقي كل النوافذ والابواب الخارجيه بس ابواب الغرف والحمامات اتركيها مفتوحه كلها
3- اشعلي فحم جيد النوعيه والان اصبحت متوفره ومفعولها زي الطبيعي بس هي سعرها اغلى من الفحم العادي ولاتتركيها كثيرا على النار حتى ماترمد بسرعه ويفشل مفعولها
4-استخدمي العود الصافي الغير مصبوغ وهو نادر جدا بالاسواق نوعيته جاوي بس ورخيص بس هو احسن شي للبيت ويدوم مفعولها
قبل ماتضعين كسرة البخور بلليها شوي بلعابك ثم ضعيها مباشره على الجمر ولاتحركينها ابدا لانها اذا تحركت فسدت الرائحه وتغير طيبها
5- بعد ماتبخرين البيت وتدورين في كل زاويه منه حتى مرورا بالابواب والخزانات رشي عطر جيد الرائحه ويفضل يكون فرنسي ومعه قليل من المخلط عشان تثبت الرائحه بإذن الله وهذي الطريقه هي افضل شي لرائحه تدوم
وانا اعتقد ان الكثيرين يستخدمون نفس الطريقه بس مفعولها غير لما تكون الارضيه والابواب الخشبيه مبلوله لانها راح تمسك فيها الريحه لمدة اسبوع تقريبا
اتمنى اني افدتكم