عادات الامريكان VS عادات السعوديين في الزواج

1. ياهلا وغلا حبايبي...


2. المهم القصة الطويلة العريضة ما لأمها داعي..... فالزبدة ياحبايبي.....


3. 2. انا مكياجي سويتها عند مشغل فلانه...


4. 5- فزعتكم يابنات دلوني على خياطة .. زواج اخوي....

ياهلا وغلا حبايبي...

اكيد بتقولون وش فيها ذي عادات الامريكان Vs. عادات السعوديين في الزواج!!
اكيد معظمكم تعرفون اني ياحلوات مو سعودية صح؟؟ ((ماتصدقون)) انا بنات فتاة امريكية الجنسية ولي في السعودية ولله الحمد والمنا 10 سنين ولا عمري رجعت هناك لا للزيارة ولا هم يحزنون.. يعني جيت من يوم اني 8 سنين.. صغينونة.. ((قاعدين تحسبون عمري)) المهم يابنات... في بعضكم بتسأل مسلمة ولا ولا لا.!! ولله الحمد لي من يوم ما امي فكرت تحمل فيني مسلمة يعني من يوم ماولدت مسلمة والحمدلله!!! والسؤالكم الثاني وش جابكم للسعودية.؟؟ ((بتطرودنا)) والله يابنات حلم حياة امي انها تربي انا واخواتي بالذات هنا في السعودية وبعيده عن البلاوي!! ((الله لا يبلانا))... يعني جينا هجرة والحمدلله قعدنا.. السؤال الاخير وين تعلمتوا العربي؟؟ من عند الجيران ومن المدارس (( 24 ساعة عند الجيران)).... خلاص عرفتوا قصتي؟؟؟ المهم قبل شوي كنت في موضوع عرايس شهر 11-12 ((لأن زواجي بأذن الله 1/11)) فأكيد مو كل البنات يقرون الموضوع ذا علشان في بعضهم خلاص تزوجت ولا زواجها مو ذولا الاشهر.... فاللي خلتني انزل الموضوع هذا علشان الاخت نهر العشق سألتني مو صح العريس هو اللي يحجز كل شيء؟؟؟
وحنا الامريكان مو من عادتنا اصلا نسوي عرس كبير... بس علشاني انا متربية هنا في السعودية صار عاداتي عادات السعوديين.. حتى كلامي زي مانتم شايفين زيكم!!! وعلى قولة توته المخطوبة ((يسعدها)) قالت لي ((خلاص انتي صرتي بنت السعودية)) وفعلا صرت!!!

المهم القصة الطويلة العريضة ما لأمها داعي..... فالزبدة ياحبايبي.....

ابقولكم كيف اعراس امريكا... واحمد الله اني طلعت منه بسرعة .. والله لا يرجعني للمكان ذا... ((في الصيف الجاي لازم ارجع هناك الصيف كله علشان عندنا ضروف وبعدين علشان اشوف أهل زوجي.. انا من الحين شايلة هم كبير وخوف غير طبيعي... غير ابكي على الطائرة)) المهم شوفوا الفرق.. ونحمد الله على نعمتنا!!
1. انا عرسي حجزته بقاعة ....
وش تقولين انتي؟؟ اي قاعة ؟؟؟ لأن ياحبايبي في امريكا مافي قاعات .. اللي تسوي عرس يا ان عرسها بحديقة ولا في بيت احد..... بس مو مختلط

2. انا مكياجي سويتها عند مشغل فلانه...

نصابة اللي تقولك انها سوت مكياج عرسها في مشغل فلاني.. علشان ههه معظم الامريكان مايحطون ذاك المكياج اللي زي هنا في السعودية واذا كانوا بيحطون معظهم صار يعرفون يحطونه بنفسهم.. وبالنسبة للتسريحة .. على حسب اذا العروسة مو لابسة طرحه.. ((مسفع)) ولا تسوي شعرها ببكله ولا ترفعه يعني مو ذاك الشيء الكاشخ لأن مايقدرون يروحون المشاغل لأن في بعظهم مختلط ولا في الاساس مفتوح المكان..
3 . يله نقوم نرقص!!!
ياليت نقوم نرقص!! مافي دقاقات ولا في دي جيات... والا اذا جابوا اشرطة به اناشيد واصلا ههه ماهم عارفين اللي ينشد وش قاعد يقول.. اهم شيء في دف ويقومون يرقصون!!! ((تعلموا العربي ياناس تستفيدون ترى))
4 . حنوا العروسة حنوها..؟؟
مو كلهم يسوون ليلة حناء... نادرا يسوونه...
5. وفترة الملكة... اصلا من قال لكم في؟؟..
خلاص اذا الولد يبغى البنت 100% يروح لأهلها وينخطبون و(هاه) احيانا يستنون فترة على بال مايسألون عن الولد وبعدين يتزوجون على طول...
6. المهر وما ادراكم المهر.. حبايبي في امريكا المهر او.. والله الحمدلله على نعمة السعودية. .
في امريكا مو مايقدرون يدفعون زينا هنا 50000 ولا اكثر ولا اقل اصلا بالقوة الف ولا 500 علشان مو صح لازم يدفعون للدولة فحالتهم هنا يجيب الهم فالبنات هناك يطلبون كمهر ياطقم ذهب ولا اللي يخطر في بالهم من اجهزه واشياء..!!!!
7. التجهيزات... على بالكم في؟؟؟
مافي.. لمن خلاص تسكن مع زوجها تتجهز والا تشتري اشياء يعني قليلة على بال ماتسكن مع زوجها او تأخذ الهدايا اللي جتها...
8. الفستان الابيض...!!! شايله همه!!
من قال لكم يلبسونه!!اول شيء مايقدرون يجيبون فتسان ابيض علشان حالتهم مع الفلوس وبعدين على بالهم ان الفستان الابيض تلقيد الكفار.. فالعروسة تلبس ابيض او اي لون يعني سكري او كذا بس مو فتسان...
9. بعد الزواج على بالكم بعد يروحون على فندق.؟؟؟؟
لا السيارة ماعندها كلام على طول توديهم البيت!! ههه ويله العريس فيه خير اذا وداها شهر عسل...
0- ومو صح احيانا بعد الزواج مثلا لشهر اهل العريس والعروسة يرسلون لهم اكل؟؟
لا والله في امريكا مافي... انتي الحين تزوجتي علشان نرسل لك اكل؟؟ ولا انا علمتك كيف تطبخين علشان ارسلك اكل؟؟؟ والله من يومها في بيتها تقوم الاخت وتسوي الاكل!!!
1-. لمن تحمل مو صح في النفاس البنات على طول عند اهاليهم ؟؟
والله في امريكا مافي.. انزين اذا كان لك اهل اصلا!!!!
2-. تبون تعرفون وش يسوون في قسم الحريم؟؟؟. .
كلها عشى ولا سواليف حريم يعني من العصر لين اللهم العشاء وكل وحده على بيتها
3- جبت بطاقات من محل.... ووزعتهم..!!
اي بطاقة الله يهديك واي محل!! اصلا وش حقه توزعين بطاقات!! العرس في حديقة.. تحتاجين بطاقة علشان تدخلين حديقة ولا العرس في بيت فلانه مدريت لازم بطاقات!!!
4- والله ان البوفيه حق مطعم فلاني طعم!!! ((انا جوعانه ولله سامحوني ))
اذا بتجين عرسي اجل كل وحده تجيب معها طبقة اكل!!! والعصيرات على فلانه والملاعق على صاحب البيت والبطاطس من الجيران ((اذا كان مسلم))!!!

5- فزعتكم يابنات دلوني على خياطة .. زواج اخوي....

ههه... اي خياطه انتي وجهك!! في امريكا مافي شيء اسمه تلبسين فستان كاشخ ومن هالكلام.. كل وحده تجي بتنورة وبلوزة ولا بنطلان كذا كشخه وبلوزة ولا انها تقعد بعبايتها الملونة!!!
بالنسبة لزوجي لحد الحين متمسك بعادات الامريكان.. اما انا واهلي بعادات السعوديين... فأنا قلت له انا ابحجز كل شيء وانت بس عليك تدفع الفلوس.. علشان اول شيء مايعرف ولا شيء من التحجيزات وكذا.. وانا اول وحده من جماعتنا الامريكان اللي عايشين في السعودية تتزوج... فلازم عرسي جنان... وانتم عاد ادعوا لي بالتوفيق!!!
عاد اذا انا ناسية شيء من الزواج قولوا لي علشان اقولكم الفرق!!!!
ههه.. والله انهم مساكين هناك... ربي يرحم حالهم....
عاد انتم وش رأيكم؟؟؟