عايشه في غرفة بناتي جالسة في المقعد اللي ورا مستحيل ناكل سوا

1. حبيباتي


2. كلو عشان مايتنكد

السلام عليكم حبوبات
انا نونا متزوجة ليه 5 سنينن وعمري 30 وعندي بنتين الله يخليهم ليه

حبيباتي

زواجي كان تقليدي بس حبينا بعض بجنون في الملكة الين دخلت القفص وحملت على طول ماشاء الله وبعدها .. الحمدلله على كل حال
انا ماانكر انو اللي اخدني انسان طيب بس احس انا اطيب منو بكتير واعطي ولا الاقي احد يديني؟؟؟ دايما علية حقوق لكن ماليا حقوق على اي احد انا ليه 3 سنوات ما انام في غرفة نومي زي اي زوجين بس وقت مابدو يقرب مني وبس.
والسبب هوه يتضايق من صوت بنتي يتأفف كتير . دائما ابعد عنو الازعاج لكن مافي فايدة على طول والع مايعجبو اي تصرف انا اعملو حتى الاكل ما آكل معاه اغديه اول بعدين انا وبناتي

كلو عشان مايتنكد

على فكره عندي شغالة يعني يمديني اخلي بناتي معاها بس فترة الغدا او العشا لكن مايبغى مايتطمن للشغالة لأني انا ماكنت ابغاى الشغالة تلمسهم فا هوه اتعود على كدا رغم اني كل شي اعملو انا لبناتي الشغالة ماتمسكهم ابدا فاضطر اجلس معاهم حتى لو كانو نايمات ولو عندي هرجة وهوه يتغدى قوليها لكن أوجزيها في ربع ساعة عشان اشرب الشاي وابغى اطلع
اجيكم للروتين الثابت والممل عشان تتعايشو مع قصتي الله لا يكتبها على مسلمة
في الصباح طبعا عندو دوام والعصر الغدا وزي ما قلت ماعندو وقت ليه عشان حيروح لأهلو وبعدين يجيب يوميا مقاضي البيت والعشا يرجع يتعشى ويشرب الشاي ويشوف التلفزيون وبعدها نوم الى تاني يوم بالنسبة لأهلو علاقتي فيهم اشد واقوى من علاقتو هوه بيهم وبالنسبة للتلفزيون ماعمري تابعت معاه اي فلم او مسلسل او اخبار والسبب بناتي هوه مايقول اخرجي بس صريخو وكلامو مع نفسو بصوت عالي يخرجني من عندو والله اللي يسمعني حيقول بناتها مايسكتو مره شقاويات يالطيف وربي انهم اقل اطفال الدنيا شقاوة الكبيره دلوعة ومجغة وتخاف على نفسها من النطنطه والصغيره لسه عمرها 5 شهور تبكي بس لمن تجوع بسم الله ماشاء الله عليهم
ههه نسيت اقول حتى في السياره انا اجلس ورا مع بناتي عشان هوه يزعل لمن بنتو تلمس ثوبو بيداتها خايف توسخو اش يقولوا عليه الناس بعدين
آآآآآآآآآآآآآآآآآآآآآآه والله والله والله انا اكتب وانا قلبي متعبي وكل مره انفجر فيه واطلع اللي جواتي عليه وللأسف يرجع في نفس اللحظه اللي فرغت كل اللي فقلبي يتعبى ويغلي من جديد والسبب ما لقينا حل
يا اخواتي بالعربي الفصيح زوجي مثالي ويبحث عن المثالية اللا واقعيه فيا ومع كل الناس
يعني مثلا مافي شارع ماعداه الا وانتقدو مافي انسان عجبو صعب المزاج مره دائما هوه الصح لا احد يغالطو..
اهملني كتير وكل محاولاتي فاشله سويت كل طريقة رومنسيه تعرفوها وماتعرفوها عشان اردو زي ماكان يرجع يومين وسنين يستمر على نفس الحال واخس من قبل
عصبي على كل شي يعصب من الشنطة اللي اشيلها من الجو ازبرد عصب وازا حر سبسب ولعن هذا وهوه في الثلاثينات اجل لو اتقاعد وشيب اش حيسوي