مو راضي يحط لي حفله زواج ساعدوني

الله يتمم لك على خير
وبصراحه شي غريب اللي اعرف العرس على اهل الزوج؟!ومو من واجب اهلك يسوون عرس ارجعي كلمي ابوك بحزه رايقه او الوالده تكلمه عساه يحن عليك والله يبارك لك مقدما

يابنت الحلال ربي يجعل لك فيها خيره ماتدرين يمكن لو سويت هيصه وزواج والناس شافوك صكوك بعين ويالله عاد حليني
يا تتأخرين في الحمل بسم الله عليك ولا تطقيني بعيد عنك يا اختي أرضي باليسير يقول الرسول أقلهن مأونه اكثرهن بركه
غيرك تتمنى لو قطعه رجال مو طايلين وانت تتدلعين خلي عنك الدلع وقومي جهزي روحك لزوجك وعيشي الدنيا بطولها وعرضها اهم شئ هو يشوفك وتشوفيه لا تسوين من الحبه قبه انت بتخربين على نفسك الفرحه كذا ربي ييسر أمرك ويسخر لك أبوك
اللهم امين
عيون ألماس

والله مدري وش اقول لك بس التوفيق من الله مو من البهرجه والطقطقة والزواج زوجك مكلف فيه ودامه ما يقدر خلاص ابوك مو مسؤل
وع قولة امي ماهان تبارك
تعوذي من الشيطان وفكري فمستقبلك وبس
بالتوفيق

يا اختي الله يوفقك يارب
انا اعرف وحده هي اللي ماتبغى عرسها يكون فيه احد
مع انه صغيره وماتبي فستان ابيض نفاش او له ذيل >> تخيلي بس المهم حطيت براسي انا واختها فكره ونفذناها قبل زواجها ب 3 ايام بس
مره استانست وبكيت وتدعي لنا بالخير كل ماشافت حفلة زواجها
المهم
انا جبت اغراض الكوشه من ......الى صلحتها انا واختها كنت كل يوم انا عندهم تربط ونفك طلعت مره خوقاقيه رغم ان صالتهم مره صغيره
المهم لونها ذهبي بعسلي
ومرت خالها كانت لابسه يوم زفافها فستان سكري مره ناعم وفخم في نفس الوقت ماشيه مره مع لون الكوشه
المهم عملنالها زفه محترمه حلوه بدايه بشعر بعدين اغنيه مره رومنسيه زفيناها من درجتهم رغم انها بسيطه لكن صلحنالها ممر طويل عريض عشان تحس انها ملكه
كنت انا اصورها فديوا وصور فوتغرافيه صورتها وهي تنقش وهي تاكل قبل ماتطلع للزفه وهي تصلح تسريحتها الكوافيره كل شي يخطر في بالك حتى وهي تلبس الفستان... (((كانت رافضه فكرة المصوره مدري شفيها عقده هالبنت بس الحمد لله انفكت ههه (((
المهم نثرنا عليها حبات الؤلؤ والورد الطبيعي وهي تنزف وماكان احد موجود غير امها واخواتها وانا واهل زوجها بس امه واخواته ورقصنا عندها عشان يخف التوتر اللي عندها تخيلي قامت ترقص معنا وهيصت مره جنان وكل هذا مصورتها
تصدقين حتى زوجها انبسط من هالحركه البسيطه وخلينا الصاله كلها شمعات وغير مكلفه وايضا صورنا زوجها من دخل حتىركبوا السياره وراحوا الله يوفقهم واللحين اذا شافت الفديوا والصور ضمتني حيل تقول لو ماكنتي موجوده ماكان لي ذكرا
انتي يا اختي موشرط عرس خليها ليله مره رايقه المهم انك انتي وزوجك اخر انبساط واخر حركات الناس وش ينفعونك وحبيت ابسط لك هالقصه لانه للحين عالقه للذكريات الحلوه
خصوصا انه الكل يحسب الكوشه من محل مره انخقيت ههه والحفل مصور والعروس ورته اعز صديقاتها واهلها ومعارفها والكل انبسط عليه والحمد لله
والله يوفقك يارب
عيشي ببساطه تعيشي مرتاحه
والله يخليكم لبعض يارب
ياكثر قرقي بعد خ

غلاتي بتسوين زواج ومارح يعجب احد
اهم شي تكوني مبسوطه مع زوجك
الله يتمم عليك
ولاتهتمي بشكليات

الله يكون بعونك بس صعبه كذا سكيتي مافيه فرحه والحفله اللي اعرفه على المعرس مو اهلك وحاولي بزوجك لو شي بسيط اهم شي تستانسي وموفقه

الله يعينك
أنا ركبت راسي لين سوى لي أبوي حفلة
مع إن أهل زوجي أغنياء بس ما فكروا يدفعون ريال

صح نسيت أقول الله يجزى والديني الفردوس بعد عمر طويل
وعماتي وبناتهم ماقصروا الله يسعدهم

عادي طيب لاتكبرين الساالفه ياقلبي
صحيح كلنا نبي حفلات ووناسه وكل شئ بس اذا مافيه خلاص مو مشكله
وياستي خلك من وجع الراس والله شيلة هم
ولاتفكرين والله انتي وقتها بتقولين اريح ياشيخه لاهيه بعمرك واهلك منشغلين معاك وكل شئ
وترا السالفه عادي والله وكثير ناس مالهم الا هالبنت وتزوجو سكاتي على قولتهم
وسعي صدرك وسافري وانبسطي بس يالغلا
وماتدرين يمكن بعد زواجك سوي عزيمه باسترااحه وفليها
الله يوفقك ويتمم عليك على خير ويرزق بنات المسلمين
لااله الا الله محمد رسول الله