عزيزاتي هذه مشكلتي

السلام عليكم ورحمة الله وبركاته
هذي اول مشاركه لي بمنتدى الفراشة ، كم راقني مارايت منتدى رائع وذا مجالات متنوعه واعجبني مارايت من عطاءاتكم ونصائحكم وتعاونكم مع بعض ,,,,,
وحبيت اطرح لكم مشكلتي ،،،
من فتره انفتح موضوع الحب بين الزوجين وقال زوجي ان الحب بين الزوجين مو مهم اهم شيء التفاهم والتقدير ، انا انصدمت يوم سمعتها يعني كيف يصير الحب من ثانوياته ، من وجهة نظري انا الحب هو الاساس
وامس صار فيه سوء فهم خفيف بعدها رحت لم اهلي زياره يوم رجعت وجلسنا وتكلمنا فتح معي موضوع سوء الفهم هذا وتبينت وجهت نظري ، بعدين قلت له اليوم حسيت اني ماحبك (في اثناء المشكله)
قال انا مبين لك وجهت نظري تجاه الموضوع هذا من قبل انه اهم شء التفاهم مو لازم الحب قلت يعني اهم شيء نصير متفاهمين وعادي نعيش بدون حب قال ايه ،
انصدمت وبقوه هذي المره ، يعني كيف ؟ كنت احسب هذي وجهت نظره للناس فقط موتنطبق علينا ،
الحب اهم شيء عندي
هالمره انفعلت وقمت قلت له دام هذي وجهة نظرك وش مجلسك معي للحين ودني لاهلي ،
قال تعوذي من الشيطان وكذا وتضايق
قلت له يعني مشاعري ماتقدرها اقول لك اني حسيت اني ماحبك اليوم تقول لي اهم شيء التفاهم كانك تقول مو لازم تحبيني اهم شيء التفاهم بالله هذا اسلوب انسان يحب
عمرك شفت احد يحب يقول للي يحبه هالكلام ؟ اللي يحب يتمنى يفوز بكل حب المحبوب
قال انتي تدرين شنو انتي بالنسبه لي وتدرين كيف احبك واني احبك بفعلي موبكلامي
وجتني كابه وظليت ابكي واقول له ابي اروح لابوي الرجال تضايق
واصريت بقوه قال طيب ولبست عبايتي بعدين عيا قال لي بكره اذا هديتي راح اوديك تريحين وتنامين عندهم
هذا يمكن الساعه ثلاث بالليل قال لي قومي خلينا نتوضا ونصلي وتوضينا وصلينا
المشكله انا ارحمه هو عنده ضغوط ماليه وعمليه ويختبر الحين
انا متزوجه حديثا من سبع شهور تقريبا والحمدلله
ماريده في نقاط ؟
زوجي لما كانت هذي وجهة نظره يعني مايحبني؟
يحق لي ازعل وعادي اني تضايقت منه بهذي الصورة؟
ودي اجرب اروح عند اهلي اشوف وش قد يحبني صح اوخطا ؟
المشكله الثانيه
زوجي مايبغاني احمل الحين ابدا
يقول اذا تمينا سنه ، ومره اصريت عليه قال لي مو حلو يجي الحين وحنا مو راغبين فيه الحين علما بان زوجي عنده ضغوط ،،
كيف اتصرف معاه واقنعه بالحمل (متشفقه صغير ) وبرايكم ايش الاسباب اللي تجعل الزوج مايبغى الحمل
لكم
اتمنى تساعدوني والله يوفقكم ويشرح صدوركم ويفرج همومكم تراني متضايقه