عزيمتي بالصور حياكم الله

يتبع ~ :ق1:

حلى قهوه
المقادير:
بسكويت اوريو
تشوكليت كيك امريكانا قالب
حليب نستله المركز المحلى
صوص هيرشي السائل
الطريقه:
نجيب الكيك ونفتته ونضيف له نستله عشان يتماسك بعدها نسويه على شكل كرات
نجيب ورق الحلى ونفتح قطعة بسكويت اوريو ونحطها بالورق نفتحها نصين يعني
نحط نص كقاعده بورق الحلى ونحط بعدها كره من كرات الكيك اللي سويناها
ونضغطها شوي عليه ونصب عليها شوي هيرشي ونزينها بأي شي نحبه
أنا حطيت ام اند امز
*****************
حلى قهوه
المقادير:
ثلاثه باكيتات بسكويت شاي أولكر
حليب نستله المكثف المحلى
فول سوداني
علبة قشطه
نوتيلا
الطريقه:
نكسر البسكويت وبعدها نضيف له علبة القشطه
وملعقتين فول سوداني كبيره
ونضيف عليه حليب نستله المقدار اللي يعجبنا
ونخلطهم سوا كويس لحد ما يتماسكون
نرص المقادير في صينية بايركس وندخلها الثلاجه عشان تتماسك مدة ساعه
نطلعها بعد كذا وندهنها بالنوتيلا بطريقه متجانسه ونرجع ندخلها بالثلاجه
ولما تجمد نطلعها ونقصها مربعات زي الصوره
*****************
يتبع ~ :ق1:

خبز بالثوم
المقادير:
جبن سائل
ثلاث فصوص ثوم كبار
خبز فرنسي
نعناع
الطريقه:
نقطع الخبز على شكل حلقات
نحط الجبن والنعناع والثوم بالخلاط ونضربهم خفيف
بعدها ندهن قطع الخبز فيها
وندخلها بالفرن عشان تتحمر من فوق شوي
عافيه على قلووبكم ~ :ق1:
*******************
سلطة سيزار
المقادير
خس أمريكي
صدور دجاج
ليمون
جبن بارميجان (بارميزان)
متبل رانش من قودي
بلو تشيز من قودي
طحينه سائله
الطريقه
نتبل صدور الدجاج ببهارات وملح وليمون وثوم
ونترك بالثلاجه عشان تمسك البهارات فيها وتروح ريحة الزفر منها
نقوم بعدها نشويها بالشوايه الكهربائيه
نقطع الخس شرايح ونضيف له نص ليمونه
ونحط ملعقتين صغار طحينه وملعقتين كبار بلو تشيز وثلاث ملاعق كبار رانش
ونحط معاها جبن البارميجان
الدجاج بيكون بعدها استوى خلاص نقطعه ونضيفه معهم
ونخلطهم سوا
آخر شي نضيف الخبز المحمص أي نوع انتوا تحبونه
وعافيه على قلوبكم ~ :ق1:

كاساديا
المقادير:
فطير مشلتت السنبله
صدور دجاج
فلفل أخضر بارد
بصل و ثوم
ملح
فلفل أسود
جبن موزاريلا مبشور
الطريقه:
نفرم البصل والثوم بالخلاط
نقطع الصدور قطع صغيره
نحطهم سوا على النار مع شوية زيت خفيف ونضيف الفلفل الأسود والملح
ونقلبهم لحد ما تتحمر
نجيب قلايه أو صاج ونمسحها مسحه خفيفه بالزيت
ونحمر فيها الفطير المشلتت تحمير بسيط لحد مايصير لونه أشقر ونشيله
بعدها نحط على الدجاج ملعقتين مايونيز كبار وملقة جبن سائل كبيره ونحركهم
ونبدا نحط الخلطه داخل الفطير ونحط معاها فلفل أخضر نكون قطعناه مكعبات
ونحط شوي جبن معاها المبشر ونقفلها وندخلها الفرن عشان تذوب الجبنه
بعد ماتذوب وتتحمر شوي نطلعها من الفرن ونقصها زي ما أنتوا شايفين
الصوص:
علبة زبادي
ملعقتين مايونيز
ملعقة جبن سائل
نعناع
واللي يحب الثوم يقدر يضيفه لهم أنا سويته بدون
وعافيه على قلوبكم ~ :ق1:
******************
وبالنهايه
أتمنى يكون الموضوع عجبكم
على خير ألقاكم
لكم >

ماشاء الله تبارك الرحمن ,,, لاقوة الا بالله ,,, روعة بجد ,,, ست بيت شاطرة نيال زوجك بيك ,,,,
حطي لنا بعض طرق الاطباق

قاتلة مأجورة
حياك الله منوره يالغلا
ودي ~ :ق1:

يعطيك العافية ,, موفقة ان شالله
لااله الا الله محمد رسول الله
استغفرالله واتوب الية

:ق1: واو وربي كلمه قليلقه في حقك :ق1:
يمي بصراحه تسلم الاياادي
مجهود رائع
وماشاءالله تبارك الله ولا حول ولا قوه الا بالله
نظاافه وتصوير وتصااميم الله عليكي

ماشاء الله تبارك الرحمن
روعه