عشائي المميز مع الغالي بالصور

1. ولاحلى الحلوين ..

السلام عليكم ورحمة الله وبركاته
انا لي فتره مقطوعه عنكم بمواضيعي اليوم قررت انزل لكم شئ خاص من عندي

ولاحلى الحلوين ..

وكانت هذه الليله للغالي في رمضان بعد صلاة التروايح قفلت نور الغرفة وشغلت جها ليزر يطلع فراشات وجهت النور على السقف وشغلت نور الكاسات ...
ورجع تعبان بعد الصلاه وجايب معها عيش باللحم قربته له وقلت انا بروح الغرفه الثانيه لا تجي معي ورحت وقفلت الباب هو استغرب افتكر اني زعلانه وفتح باب المجلس وجلس يطالع مفجووع قال خذي عيش اللحم لك انتي انا بأكل هذا الاكل >>> ههه سولفت قصه حياتي
وعجينة البرجر كانت عجينة العشر دقائق
والحشوة لحم مفروم مخلوط مع بصل مفروم وكاتشب وفتات الخبز "البقسماط"وبهارات
انا اتبعت مقادير معينة واخذت منها دوائر وعملتها بالصاج مع شوي زيت
وحطيت في البرجر مايونيز وخيار وبطاطس وبس
وطلع مره لذيذ
وعجينة البيتزا وخليه النحل ....
2 كأس دقيق
ونص كأس به ملعقتين حليب وملعقة كبيرة خميره بس ماتكون مليانه
ونص كأسه زيت
وملعقة او معقتين سكر حسب الرغبة
وذرة ملح
وتعجيني واذ احتاج ماء تزيدي وتترك من ربع الى نص ساعه
البيتزا مايحتاج اكيد الكل يعرف طريقتها انا حطيت صلصه البيتزا والمشورم الشرائح
وزيتون وفلفل رومي وجبن شيدر وبس
وأما خليه النحل حشيتها بجبن مالح ورشيتها شيرة وعملتها بالصينة الي تنفك الجوانب
علشان تطلع شكلها احلى
والعصير >>>> تانج بالبرتقال مع السكر ماغيره
سفرتي الثانية
وهذه سفرتي الثانية كانت عشاء بعد الدوام كان لي فتره مااطبخ ونأكل من الاكل الجاهز
قفلت النور ولعت الشموع والكاسات المضيئة ووزعت في الصاله الشموع الامنه
طبقات الارز....
انا شفت دة طرق من فترات طويله واستنتجت هذه الطريقة
1_رز ابيض تقريبا كاس ونص او كاستين عملته بالطريقة المعروفه
2_لحم مفروم مع بصل وكزبره وشبت وبهارات وفي الاخير لم تبدا الحم تنشف مويته نضيف طماطم معصور مع صلصه ونخليه لما مويته تنشف
3_ الخضار على حسب ماعندك او تفضلي بصل جوانح جزر مبشور فاصوليا قطع صغيره كوسه او بطاطس مثلي ماتحبي
تحطي البصل في شوي زيت وتضيفي الخضار تقلبي وتضيفي الماء شوي وشوي حتى يستوي تضيفي نص ماجي وبهارات وصلصله
" الفاصوليا الافضل تكون مسلوقه من قبل لانها تاخذ وقت "
خلاص تجيبي الصينية الي بتعملي الطبقات فيها تحطي تقريبا نص كمية الارز
وبعدين تخلطي اللحم المفروم مع الخضار وتحطيها كطبقة ثانية
والطبقة الثالثة باقي كمية الارز
تلاحظي عند وضع الارز تحاولي تضغطي بالمعلقه علشان يتماسك ويطلع شكله حلو لما تقلبي الطبق
اخيرا الطبقة الرابعه ماونيز وجبنة سائله وقشطه تخلطيها مع بعض وتحطيها على الوجه بالكامل
ينحط في الفرن من تحت شوي بس لانه الرز يتعبر مستوي "واذ بطولي تخلي الرز ناقص استوى "
وتفتحي وجه الفرن بس يحمر ويتماسك وانتبهي لا ينحرق
وخلاص تقلبيه وتزيني بالطريقة الي تحبي زبيب او جزر مبشور او بصل مشوي او مكسرات
الحلا هذا من ابتكاري دخلت المطبخ وشفت الكونات الي عندي وعملت حلا سهل جدا ولذيذ ..
الطبقة الاولى ..
بسكوت مطحون
الطبقة الثانية..
2ملعقة كبيرة دقيق
2ملعقة كبيرة حليب بودرة
7 ملاعق كبيرة سكرناعم خشن مايفرق
نص اصبع زبدة
بيضه
تخلط بالخلاط اولا وبعدين نحطها على النار مع التقليب دقيقتين بعدين نرجع نخلها بالخلاط ثاني ونوزعها بالكاسات
الطبقة الثالثه ..
تيكس نسيحه على النار بزبدة ونأخذ ملعقه من خليط الطبقة الرابعه ونقلبه
ونوزعه على الكاسات
الطبقة الرابعه...
قشطه - دريب ويب - قليل من حليب النستله ونوزعه على الكاسات
توفي عملت فيه خطوط على الوجه ان عندي التوفي الجاهز بس انتي ممكن تعملي توفي بالبيت وممكن تستغني عنه بسائل شوكلاته هيرشي
وزينته ايضا بربع بسكوت كليجا بالتوفي ونص اصبع كتكات
بس بصراحه الحركات الحلوه هذه بسيطه بس تعمل تغير بي الزوجين وجو جديد نزلتها علشان مره حلو نتبادل الحركات الحلوه
حتى البنوتات ممكن كذا يعملو مع اخواتهم انا قبل لا اتزوج عملت سفر برمضان وفي العيد لاهلي ونزلتها هنا
لانها بصفه عامه الحركات هذه تعمل تغير بين الاهل والزوجين حتى الصديقات
والله يوفقكم الله الله بالردود