عشانا اليوم حياكم دلع وسنع بالصور والطريقه بالتفصيل

مرحباا ياحلوين
اليوم سويت لنا 3 اطبااق وصورتهم بالتفصيل الممل .. يعني جيبي الورقه والقلم واكتبي
قولو ماشاء الله ..ويا بنات ارجووكم الي حابه تنقل موضوعي ياليت تكتب اسمي لأنه الموضوع متعوب عليه جداً .. ولا احلل الي ينقل الموضوع وينسبه لأسم غير اسمي ..!
هذا صورة عشانا كاامل ... تاكو دجاج ... فتة رمان .. صينية الشاورما
يالله بسم الله نبدأ ..
الخبز ..!
2 كااس دقيق ..
نص ملعقة بيكنج بودر ..
مااي للعجين
ملح
الطريقة ..!
حطي الدقيق والبيكنج بودر واخليطهم عشان يمتزجون مع بعض وبعدها صبي نص كاس ماي واخليطهم
واذا شفتي انه احتاج ماي زيدي يعني ضيفي ماي لحد ماتصير عندك العجينه تمام التمام
وبعدها جيبي صينية او صحن كبير وحطي فيه رشة طحين عشان مايلزقك فيها وقسميها وسويها كورات صغاار مثل الصورة ..
وبعدها غطيهم واتركيها نص ساعه ..!
وبعد ماتمر النص ساعه افرديها وخليها رقيقه جداً
ولما تفرديها كوويس جيبي زيت في باديه صغيرة وجيبي الفرشاه الي راح تدهنين فيها وامسحي على العجينه من وجه واحد بس
وبعدها جيبي مقلاة تيفال احسن شي .. امسحي عليها زيت بالفراشه وخليها تسخن اشوي وحطي العجينه على الوجه الي ماحطيتي فيه زيت
وبعدها اقلبيها ويصيرلك الوجه الي قلبتيه مثل هالصورة << وتراهاماتطول يعني خلك واقفه على راس الفرن
وأخيراً هذا الشكل النهائي ...!
الحشوة ..!
صدور دجاج بدون عظم مقطع صغاار
بصل
فليفله
ملح
بهاراتك المفضله
بهار بابركا
علبة جبن تشيدر مبشور
خس تقطعينه على شكل طوالي
الطريقة ..!
تحمسين البصل والفليفله لحد مايذوبون ويصر لون البصل ذهبي ..!
وبعدها تحطين الدجاج والبهارات
وبعد ماتنضج تصير لك مثل هالون
وبعدها حطي جبن تشيدر شوي خليه يذوب فوقه اشوي وشيليه
وبكذا خلصنا الحشوة الحين طريقة الصف في الخبز
تحطيين فوق الخبز اول طبقة خس وبعدها الدجاج وبعدها حطي جبن تشيدر
وبعدها لفيها من الجنبين وحطي بينهم عود خلخال عشان يمسك الخبز عن لاينفتح
اخيراً ....
صفيهم في صينيه ممسوحه بزيت قليل ودخليهم في الفرن عشان يذوب الجبن تقريبا خليهم 10 دقايق
وهذا النتيجة النهاائيه ..!
صينية الشاورماا ..!
صدور دجاج بدون عظم مقطع صغار
بصل
فليفله
بهاراتك المفضله
بهار بابركا
ثوم مطحون
ملح
مخلل صغار
نص ليمونه
طحينيه
ملعقتين زبادي
بطاطس للقلي سواء مثلج او تقطعينه مو مشكله
خس مقطع شكل طوالي
الطريقة ..!
تقلين البطاطس اول حاجه وبعدها
تحمسين البصل والفليفله لحالهم وتشيلهم على جنب
تجيبين مقلاة ثانيه وتحطين الدجاج و ملعقتين روب و الثوم المطحون و بهاراتك المفضله و الباربكا والملح
و نص ليمونه
وتخلطينهم لحد مايتكون عندك هالمزيج
وبعدها نخليه لحد ماينشف ويمتزج ..!
تجيبين صينية بايركس او اي صينيه عندك بس انا افضل البايركس عشان مايلزق فيه
تدهنين الصينيه بزيت وبعدها
اول طبقه تحطين الخس المقطع ..
ثاني طبقه البطاطس الي قليتيه
ثالث طبقه حطي فوقه البصل والفليفله الي حمسيتيهم لحلهم
رابع طبقه حطي الدجاج الي سويته
خامس طبقه المخلل قطعيه
وبعدها ححطيه فوق الدجاج ويطلع لك الشكل كذا
الحين نجي للخلطه الي راح نخليها فوق الشاورما ..!
تحطين 3 ملاعق زبادي + ملعقتين طحينية + ملح + ليمونه كامله
تخلطينهم كويس وبعدها كبيه على الشاورما وتصير لك بهالطريقه
وأخيراً
تدخلينها الفرن وتتركينها 5 دقايق بس وطلعيها وزينيها وقدميها حاارة
وهذا الشكل النهاائي ..!
انا زينته بالسماق والمخلل .. وانتي لك الحريه في التزين
يتبع رجاءً لاحد يرد