عفت الزواج عفته

بسم الله الرحمن الرحيم . . .
السلام عليكم جميعا . .
مثل ما قريتوا العنوان
خلاص عفت الزواج ...بنات انا عمري الحين 25 سنه من عمري 18 يخطبوني ناس وهااللي يتقدمون لي
ولا واحد يصلح للزواج ....
1- اللي ماعنده جنسيه وها طبعا صعبه اوافق عليه ..لأن عيالي بتعبون في المستقبل
2 - اللي مريض بمرض السكري اسال الله ان يشفيه ويعافيه وجميع مرضى المسلمين
3- ارمل وعنده 3 اطفال يبي وحده تربيهم وتجابلهم صح فيه اجر عظيم..بس صعبه بداية زواجي
اربي 3 اطفال مره وحده وعلما ان هالشخص من معارفنا وبنتهم بعد من معارفنا وبتصير حساسيه
4 - بخيل
و....الخ
الحمدلله على كل حال ...
والله انا مب ناقصني شي عن باقي البنات المتزوجات ...دايما اقول ليش جيه حظي احس اني بصييح
يعني يقولون لي شي واحد خاطبج هو كذ1 وكذا لكن فيه هالشي ...يعني ليش كلمة لكن في الموضوع
وغير اشوف اللي حولي يعني اللي خاطبها ولد عمها ولي ولد خالتها ولي واحد الكل يتمناه ماشاء االله
تبارك الله . . . قلت حق امي خلاص مابي اتزوج اذا هذا حظي (الحمدلله)
في البدايه يقولون لي في ناس خاطبينج والله استانس بعدين انصدم والحين خلاص صار الموضوع عادي
عندي من يقولون لي ناس خاطبينج ابتسم ابتسامه يأس واقول انزين شو مشكلته؟
تعودت اللي يتقدمون لي فيهم شي يخليني ارفضهم
بختصار محد يخطبني كامل والكامل الله لاتفهموني غلط مابي شخص كامل اعرف محد كامل ولازم
كل واحد فيه عيووب الدنيا بس على الاقل اييني واحد ما يقولون لكن كذا مشكلته ..مشكله تصعب علي
اوافق...يعني مثلا مرض السكري معقوله بوافق؟ ولي ماعنده جواز بوافق؟ صعبه والله
الله يعين يارب ولا تلوموني على كلامي ...حبيت افضفض اللي في قلبي وسامحوني اذا طولت عليكم
الحمدلله على كل حال الحمدلله