عمليتي يوم السبت وانا بين رحت ربي

1. وجلست اسبوعين استناه يطلع الولد مرا مو راضي ينزل >>> يحب مامتو

السلام عليكم ورحمه الله وبركاته
كيفكم بنات يارب تكونوا مناح
المهم بحكيلكم اش حصل معايا وبليز بسرعه تردو لان مافي وقت
المهم
انا عمري 18 سنه ومتزوجه من 4 شهور الحمد لله
طبعا الزواجه دي جت بمصايب يلا معلينا هو محسير لنا الا المكتوب
وحملت ومات البيبي وهو بالشهر التاني
وميت لو شهر وما نزل مني لساتو جوات الرحم
رحت كشفت قالو لي حينزل زي الدوره وانتو بكرامه لانو صغير تمام وكنت مرا خايفه
ماما الله يخليها لي ويخلي ماماتكم لكم يارب
قالت بنروح لطبيبه شعبيه شاطره ممكن ينزل بسهوله قولت طيب
رحت وعملت ليا مساج واعطتني دوا اكلو ينزلو استمريت ع الدوا اسبوع او اقل لان كانت طعمتو مو حلوه تركتو من دون ما اخبر احد

وجلست اسبوعين استناه يطلع الولد مرا مو راضي ينزل >>> يحب مامتو

ورحت اليوم للدكتوره امل بمستشفى الاحمدي بالمدينه >>> مرا شاطره دي الدكتوره >> دعايه
وكشفت ع تقول لساتو زي ماهو مانزل ولا شي منو ودا مرا خطير عليكي وقالت روحي سوي تحاليل دم بسرعه وتعالي انا استناكي وبشوف نتايج دمك ازا كانت سليمه نأجل العمليه للسبت الجاي وازا الوضع متازم حأجلس واسوي لكي عمليت تنظيف انا شكلي سار كدا
رحت وسويت تحاليل واستنيت النتايج وكلي توتر وحزن
طلعت النتايج بعد نص ساعه ورحت لامل وقال لا الحمد لله سليم
وسوت لي موعد السبت الساعه 9الصبح عشان العمليه
وقالت لي ياطويلت العمر حقولك اش حتساوي قبل العمليه انا جلست كدا اتسمع ههه
قالت تجي صايمه وحنعطيكي تحاميل لتوسيع الرحم وبعد 4 ساعات حنسوي لكي بنج والعمليه وتخرجي بالليل
بنات
مرا خايفه انا خرجت ع السياره وجلست ابكي
ولمن رجعت البيت كلمت مامتي وخبرتها وجلست ابكي قامت تدعيلي
وارجع للغرفه والا ابو الشباب خارج قلت لو ع فين قال واللهي معزوم ومدري ايه
المهم قلت لو بوجهو واللهي ماتوقعتك وحش للدرجه دي تخرج وتسيبني وانا ع دي الحال >> مرا قويه البنت
وجلست ابكي منو ومن تصرفاتو ع العموم انا مالي الا الي خلقني
انا دحين ابغي اعرف ازا وحده جربتها او تعرف وحده جربتها تقولي اش صار
وبليز بليز بنات الله يخليكم ادعولي بصلاتكم وربي مرا مرعوبه بنت وبيلعبو في وبيدخلو يدهم وتحاميل توسيع مرا صعبه
دعواتكم لي بنات انا دحين ما اقدر اصلي بدعي وانتو بليز ماتنسوني
وازا عملتها حخبركم اش صار معايا