عيال عمتك ولا عيال خالتك

يسعدنني اكوون اول مين يرد على موضووعك
اولا:بعضهم يفكرون الله يهديهم ان الاقاب عقارب معا هذا غلط اويخافون من الامراض الوراثيه
ثانيا:تكوون تتشرط تبي وحده فيها جمال او معلمه ومن هالكلام معا اهم شي التوفيق كثير تزوجو من غير اقاربهم وانفصلو
لاكن هم نقول نصيب..
اسئل الله لي ولك واخواتي المسلمات الازواج الصاالحين

تسلمين يالغلا
الله يوفق جميع بنات المسلمين بالازواج الصالحين
وانا مؤمنه وموقنه كل شي نصيب
بس فعلا احيانا هالمواقف تقهرك
دام فعلا تحبون وتتمنون لي الخير ليش مااحد يفكر فيني
وبس اذا جد الجد وبتزوجون عيالكم رحت للاغراب

وعليكم السلام ورحة الله وبركاته
أولاً معهم حق يختارون بنات من غير القرايب< وعلى قولة امي خلينا حبايب احسن
والله هذا الشئ في صلاح للطرفين مثلا لاسمح الله صارت مشكله بين الزوجه وزوجته كل وحده بتصف جمب ولدها ولا بنتها حتى لوغلطانين ومحد راح يعرف الحق من الباطل واذا صارت مشاكل راح تاثر على علاقتهم الاسريه ويخسرون بعضهم لاسمح الله < ومافي شي يدوم على حاله
ثانياً يمكن الولد في بنت حاطها براسه وبهيك امه ماراح توقف ضد سعادته
ثالثاً يمكن الولد يعتبر بنت خالته او بنت عمته او بنت خاله او بنت عمه .......الخ زي اخته يعني بعمره مافكر بيوم تصير زوجته صعبه حيل يتزوج وحد من قرايبه و يتعود على الوضع
رابعاً كل شئ قسمه ونصيب ومكتوب ومقدر
خامساً الامراض الوراثيه ينتج من زواج الاقارب وبهيك من غير الاقراب افضل اوسلم
وانا ماايد زواج الاقراب با المره احسهم زي اخواني ولا اتخيل واحد منهم يكون بيوم زوجي ربي لا يقدر ان شاء الله
الله يرزقني ويرزق كل بنت تبي الستر والحلال

ليتك قربي بس هم نادرا مايتزوجون من برى يعني حنا دارج عندنا زواج الاقارب وبقووه
وماعندنا الولد يحط البنت براسه امه تخطب له
على العموم وجهة نظرك صح وانا معها
وانا ماايد زواج الاقارب ودايم ادعو الله بالزوج التقي النقي الخفي التقي الغني الشاب الاعزب الغريب اللذي ليس من دمي ولا من نسبي
بس بجد يبقى الموضوع يحز بالخاطر يوم الي يحبونك يخطبون لعيالهم غيرك وبنات اقل منك

ههه
تصدقين انا ماعندي لا اعمام ولا خيلان
ومن البديهي يكون ماعندي لا عيال عم ولا عيال خاال
بس صح اا اسمع كثير مقوله الاقارب عقارب وام واتوقع انها صحيحه
يسلموو

يابنت الناس احسن لك
وعلى فكرة مقزلة الاقارب عقارب مش صحيحه دايما
انا عندي 3 اخوان متزوجين 2 بنات عمي وحده عقربة والثانيه عسل
زاحد متزوج وحده غريبه عنا كليا وعقربة بعد
يعني ملنقدر نعمم الاشياء على شخصية الانسان اولا واخيرا

..
يا كثرها هالحركة تصير هالأيام
لأنه شيء يقهر وبقوة بعد
يعني تلقينهم يحبونك ويعزونك ويمدحون اخلاقك ويشوفنك شيء قدام عيونهم (ما شاء الله تبارك الله )
و اذا جيتي للواقع يخطبون لعيالهم أحد غيرك
وتصيرين انتي كأنك مو موجودة في هالوجود ولا يعرفونك ولا كأنهم شافوك ولا اي شيء >> شيء يقهر صح
هالحركة صايره لي كثير و تحز في خاطري وتجرحني واتحطم
اقول في نفسي ليش هم كذا ...؟ ليش يخطبون لعيالهم بنات غريبات وانا يالقريبه مايخطبوني ..؟
المفروض انهم يفضلون لعايلهم اللي يعرفونه و يحبونه مهب الغريب ......!!!!
الله ينصرني ،، الله ينصرني عليهم يارب وآخذ واحد يعزني ويكون رجل صالح وطيب - قولوا آمين من قلوبكم
..
..

هلا اختي
رأيي بهالموضوع ان الواحد ينظر للجانب الي فيه خير له دنيا واخرة يعني مثلا وحدة تقدم لها قريب وكل شي فيه زين ؟ اخلاق ورجال ومحترم ودين ’’’
ليش ترفضه ؟؟ مو الرسول عليه الصلاة والسلام يقول بمامعنى الحديث اذا جائكم من ترضون دينه وخلقه فزوجوه
فأتباعا لهذي النصيحة المفترض ان الوحدة اذا استخارت وارتاحت وكان واحد يعينها وتعينه على امور دينها ودنياها توكل امرها لربي وكل شي فدنيا خيرة سواء اخذت الغريب ولاالقريب ومافي شي مضمون ان القريب مو توفيق وان الغريب تتوفق معه
ولاتنسين العمر يمشي بالبنت اما الولد لو تأخر فالزواج عادي مايضره بس البنت تكفيك نظرة الاقارب والمجتمع خاصة لما يكونون كل صديقاتها والي بعمرها تزوجوا
وصراحة قريبي مستحيل اعتبره زي اخوي لو زي اخوي اجل ليش اتغطى عنه ؟؟؟
لااتكلم معه ولااطلع معه يوديني مشوار مثلا زي اخوي ولاشي !! اذن وين وجه الشبه بينهم ؟؟
بس عشان اعرف اهله ! مهما عرفتهم ماراح اعرفه هو زين
وبالنسبة للامراض الوراثية معك حق فيها بس الحين الحمدلله فيه الفحص الي قبل الزواج يعني يعطيك صورة واضحة مبدئيا والعلم عند رب العالمين
مع العلم اني اعرف وحدة تزوجت بعيد وجتها بنت فيها اعاقة وتوفت الله يرحمها
الي بوصله مافي شي مضمون
العمر الواحد بيعيشه مرة
اهم شي التوفيق وراحة البال الي الحين الكثير يفقدها ربي يريح بالنا بما يسرنا
وانا معك فأنه لو جاء بعيد فالوقت المناسب واخلاق ودين ومقتدر توافق عليه الوحدة
لكن لو ماجاء وانتظرت سنوات مثلا وتقدم لها قريب ومشهود له بالخير مااشوف اي منطق يدعي لرفضها
بالاخير هي وجهة نظر ,, حبيت اطرح وجهة نظري ممكن القى متوافقين معي وممن القى معارضين
وارجع اقول كلها ارزاق من رب العالمين
ونصيب واسأل الله ان يرزقنا من فضله فالدنيا والاخرة ,,,

ليتك قربي
هلا اختي ربي يرزقك من اوسع ابوابه بلي يسعدك ويهنيك العمر كله اتمنى تقرين ردي على الموضوع بتمعن وشكرا,,