غرنآطة الحياة مول صحارى وبعدين

السلام عليكم ورحمة الله وبركاآآآآته
طبعا بعد السلام يحلى اكيد الكلآآآآآآآم
بنآآت أنا اكتب وانا دمي حآآآآآآآآآآآآآر من الاسوآآآآآآق
يعني تخيلوا صرت رحالة بين هالاسواق مغير ادوج واسوع على غير سنع
وكل يوم اروح مستانسة يعنني بلقى لبس للعيد واطلع من السوق مامعي غير
(سينبون وموكاآآ) وبس هذي حالتي
والله خلاقين الملابس قسم بالله عجزت اشتري شيء كلهن خايسات وتقل ملبوسات
مدري احس الملابس مغسولات
وكل مااقنع نفسي بلبس اهوّن والله يحومن الكبد مااقدر البس كذا للعيد فشلة
أنا تعبت من الروحات تحطمت من الملابس حتى اني من القهر قلت لأهلي خلاص ماابي اتعيد
وش البس ياناس لكن محد فاهمني من اهلي
يقول ابوي البسي من ملابسك اللي قبل دام السوق مو معجبك قلت لا
تخيلوا الناس تلبس جديد وانا من القديمات لالالالالا
وامي تقول الزين زين لو ايش بس بعد ابي لبس للعيد يمآ يعني الزين مايلبس ؟
عاد انا مرة جت ببالي فكرة عجيبة اني البس خلاقين بلوزة لون وتنورة لون وشبشب شبه مقطع واقول السوق فا ضي
الحين وش السواة والله الريال كثير على هالخلاقين
وش رايكم بنات ولا نكبر المخدة وننام بلا عيد بلا هم دامه مابه لبس جديد
من كثر ماافكر بلبس العيد شايلتن همه يحول احيانا اقول ليتني خياطة اخيط لي لبس
واحيانا اقول بلبس جلابية هادية وازين شعري واتكشخ واطلع حلوه
بس انا صغيرة واحس شكلي غلط بالجلابيات خاصة جسمي نحيف ولا يساعد
بنات شوفوا حل وش نسوي << مشتهيه ترفع قضية على الاسواق
يعني نخيط ولا نجلس بالبيت ومانتعيد ولا نلبس قمصان ولا نلبس ملابس قديمة
ولا وش السواة
ساعدوني تراني تعبت رمضان قرب وانا للحين ماشريت وتعرفون الاسواق برمضان صعبة الروحة لها
والله كل ماشفت مكتوب بالمنتدى باقي على رمضان 4 ايام و22 ساعة ...... الخ ... ارتاع اخاف يجي العيد وانا ماسويت شي ولا استعديت
ولو وحده تعرف محل مطلع بضاعة جديدة حلوه تدلني الله يوفقها لو ان شاء الله بأخر الدنيا
لان الصراحة اخر ماتوصلت له ميمي انها تطلع برا البلد وتتقضى ههه >>ماشاء الله عليك ماتعوقك الا عباتك
يلا بنات قولوا تجاربكم وحلولكم وانتم مثلي تعانون ولا معجبكم السوق وشريتوا لبس للعيد ولا بتخيطون ؟؟؟ >>>>>>الله يعينهم عليك مافيه فكة منك
اتمنى اشوف ردود يمكن نفسي تهدا
وكل عام وانتم بخير