غمض عيونك واتخيل فراقي

لعنونكم خاطره من كتاباتي يارب تعجبكم واشوف الردود
تعال بقربي وخلني اقولك كلمتين
اشوف في عيونك ضيقات تشكيني
تناديني باسم الحبيبه وتقول دخيلك تشفيني
اجي من اقصاي اركض لبيه بضيقاتك يابعد عمري
لبيه بالي اغليه على كل ناسي
هات ضيقاتك وخذ كل ايام فرحي
وعطني يدينك خلها تلمس يديني وبحاول اشيل عنك همومك
ولا جات عيني في عينك خلها ترمي سهامك في فؤادي
وانا بكل خجل واحساس الحبيبه برخي عيوني مستحيه
بتناديني وتقول حياتي شوفي الدنيا ماعاد تنصفني
شوفي قلبي تخاوت جروح الالم في داخله
ارفع عيني بذهول وخوف واقول
لا باسم الله عليك يابعد عمري
دامني بقربك اطوي ليالي الالم وذوقني كااسها
ولاتذوق الكاس وانسى همها وكدرها
واهمس لك بحب واقول تدري حبيبي تعال نلعب لعبة العشاق
ونرسم خيال يحتوي اللحظات
غمض عيونك وانسى الدنيا وانسى الناس
واتخيل اني من دون هالعالم فقدتني
تخيل انك لو تفتح عيونك ماتلاقيني
تدورني بكل مدينه ويقولوا فلانه عن العين غابت
تشوف الارض جفت عروقها في غيابي
تشوف الناس بمنظار سحابة الغيم
ومن وين ماتروح تتبعك الضيقه والاسيه
وترسم على شفاتك ضحكه يتيمه عاديه
وينها حبيبتي لاشعل الدنيا طرب سامريه
صرت غريب الدار من عقبها بداري
وتنحني للارض وترسل دموع عيونك شلاليه
يسمع فيك احساسي ويقولك خلاص افتح عيونك
وامسك يدينك واقول هاه ويش رايك
نكمل اللعبه واخليك تكمل خيال فراقي
تصيح بصوتك وتقول لا
دخيلك ماعاد اقوى غيابك
ابتسم لك ابتسامه عسليه وترسم عيوني لعيونك خيالات ورديه
واقول شفت حالك في غيابي
هذا هو حالي وقت ضيقاتك
بقمي ودمتم بوود