فراخ مشوية تجنن من مطبخي بالصور

السلام عليكم
ازيكم يا بنات
النهاردة بقي عملت فراخ مشوية بطريقة سهلة و لذيذة جدا
ياللا علي طول
طبعا أهم المكونات الفراخ ههه
مقادير التتبيلة
1 زبادي
3 ملاعق بقدونس
1/2 راس ثوم مفروم
1 ليمونة كبيرة
ملح
فلفل
و بس
الطريقة:
في طبق نخلط مكونات التتبيلة
انا قطعت اوراك الدجاج كل ورك قسمين عشان يتشرب التتبيلة و يستوي أسرع و كمان عملت في الجزء العريض نغزات بالسكين لتتشرب التتبيلة
نحط التتبيلة علي الفراخ و ندلكها بيها كويس جدا عشان تتشربها
بعد كده نسيبها فيالتتبيلة دي أطول فترة ممكنة انا سبتها 3 ساعات و أحيانا بأسيبها طول الليل في الثلاجة طبعا
بعد ما تخرج نزود لها في الصينية حوالي ربع كوب ماء و هوب علي الفرن بس نخلي الجلد لتحت لنصف الوقت ثم نقلبها و نراعي ان البداية تكون و الجلد لتحت عشان لما نقلبها يتحمر الجلد
و هنا بقي بعد ما خرجت
و بالهنا و الشفا
يا رب تعجبكم