فرقاه موت وجيته مستحيلة

مراحب فيكم معي من جديد ..بصراحه انا قريت هالكلام الرائع وحبيت انكم تقرونه معاي وتعطووني رايكم فيه وبختياري انا اعجبني ,,اخليكم واستنى الردوود....
انا لوقصيتي تكتب ويقراها طفل مولود
يحس بحسرتي ويكره زمان فيه ميلاده...!!
وتقول:
والهموم اللي دعتني من بعد سن الطفولة
كلها من تحت راس العشق ملعون الصلايب..!!
هم اثنين حبوا بعض حب عذري برىء وهم صغار ويسعون لتحقيقه كبار
يقول فيها:
انا وانت وش اوصفلك عجز عن وصفنا تعبير
مثل مدري؟ مثل وشو؟ ولكن صعب تصويرة
انا وانت؟؟ بلااش انت؟؟انا لو بفقدك شيصير
مجرد طاري الفرقا علي ياصعب تأثيرة
أحبك ايه احبك ذي بعد يبغالها تفكير
يخلف الله على عقل ملكتي كل تفكيره
ولما صارح ولد العم عمه اللي بعمره انه يبي يتزوج بنت عمه وانه طول عمره يحبها والحين جا الوقت اللي يعلن عن حبه ويتقدم لخطبتها
قال عمه اللي بعمرة انه مايقدر لان؟؟!!
((( الرضاعة تمنعك))) انت رضعت معي يعني انت عمها بالرضاع!!! فشلون تزوجها؟؟؟؟؟؟؟؟؟!!!!
طبعا راح يتاكد ولما تاكد انصدم!!
على طول راح لبنت عمه اللي يحبها وقال لها:
مدي يمينك لاتقولين وش صار
واذا حصل مني خطا سامحيني
يابنت ممشاي على كف الاقدار
واللي ينكتب لي لازم انه يجيني
حل الفراق وعادة الوقت غدار
والله على حكم الليالي يعني
اوصيك انا بوصيك في حفظ الاسرار
وخلك على ماكنت بوسط عيني
ولاتعتذر ماحصل منك مقصار
بس امسحي دمعك ترى تحرجيني
طبعا لما درت البنت الكل اكيد يقدر يتصور موقفها وفوق هذا تزوج الانسان اللي تعشقه للجنون
تقول:
هلت دموع السما عند الوداع
وارسلت بغيومها شوق وحنين
قال ودع مايفيد الامتناع
الشقا مقسوم بس الله يعين
ياحسايف وقتنا والعمر ضاع
لسمع الصوت يوم الفرقا سنين
وبعد سنة الله رزقة بولد وصارت تحب الولد اكثر من نفسها لان غلا الولد من غلاا((((((ابوه))))))
لدرجة ان كل الناس لاحظوا وانتبهوا عليها وانها المسكينه ماتقدر تكتم مشاعرها والخنقه اللي فيها فضحتها
لين جا الوقت اللي قال لها ولد عمها فيه لها
لاتجين ولدي وعامليني كابن عمك فقط ولاتكشفين قدامي!!!!!!!!!
تقول:
ياويله من الله ماهقيت اني ولاشي
وانا اللي احسبني احلى مقاديره
البنت ماتدري ان ولد عمها للحين ميت عليهاا وانه ما قال لها هالكلام الا عشان يخليها ((((تكره))) وتكمل حياتها وهو من حبه لها يبيها تكمل حياتها وتهتم بنفسها وتزوج!!!
وفعلا بعد فترة تزوجت البنت وبليلة عرسها جا ولد عمهاا يزفها لزوجها بحكم انه عمها بالرضاع
مسك يدها ويناظرها بعين تخنقها العبرة
يقول:
يهل دمعي واقهره داخل العين
اخاف من حولي يقولوا هزيمة
لاوالذي والف قلوب المحبين
ماصدرت دمعات عيني ظليمة
انا بكيت من الوفا والوفا دين
لاجل الغلا والذكريات القديمة
وفي نهاية قصتي احب اختصارها بهالبيتين:
وش حيلت اللي هام بحب مخلوق فرقاه موت وجيته مستحيلة