فزعتكم يابنات الحمايل

شوفي في حاجة مهمة جداً ولازم لازم تنتبهين لها
اللي هي النظافة العميقة للبشرة وراح اقولك طريقة بإذن الله شهر او أقل وراح تتغيرين بس لازم المداومة
روحي للمحلات اللي تبيع مسلتزمات المشاغل واشتري
غرفة بخار السونا
صابون مغربي الأصلي
وحنا
وكريم جليسوليد او زيت الجلسرين
واسكينول الليمون
حاولي تشترين الطين المغربي الأصلي
وطبعاً ليفه مغربيه
وملح اليوكو
وصابون البابايا 3x1
وزيت بيبي اويل او المعروف بزيت الأطفال
وقطن مقاس كبير
في البدايه اخلطي زيت الجلسرين او الجلوسليد مع ليمون وخليه على جسمك اقل شي ساعة وادخلي في غرفة البخار اقل شي نصف ساعة وبعدها راح تشوفين الجسم بدأ يتهيأ لعمل حمام وبدأ يلين الجلد شوي وراح تعرفين كيف عن طريق حك جلدك بطريقة خفيفة بالإظفر تشوفين يطلع على اظفرك جلد ميت وتحسين جلدك حار وبعدها اطلعي وحطي صابون مغربي على جسمك كامل واقعدي 10 دقايق بعدها غسليه زين زين وبعدها حطي الحنا المخلوط بالمويه وطبعاً تكونين خالطته قبل الحمام وحطيه على جسمك كامل بعد واجلسي حدود الخمس دقايق بعدها غسلين تمام وحاولي ما يكون في جسمك لا بقايا صابون ولا حنا بعدين جيبي الليفه وهالله هالله بالفرك والله بتشوفين العجب العجاب من الخلايا والجلد الميت اللي بيطلع والله بتشوفين بنفسك بعدها على طول حطي الطين المغربي وخليه حدود الخمس دقايق وبكذا نقول حمام الهنا ياعروسة انا هاذي طريقتي يطلع جلدي خرافي لكن للأمانة ما لقيت الطين المغربي لكن أسالي عنه اكيد بتلاقيه خصوصاً عند تاجرات الفراشة لأن اللي في السوق مو زين وأكيد بتسألين كيف عرفتيه بقولك عن طريق مشغل معروف في العليا صراحة حمامهم خرافة لكن انا طبقته وشفت النتيجة لكن النتيجة ما راح تكمل إلا بوجود الطين المغربي وترى لونه يجي فاتح كذا على بيج ويجي من المغرب
وهذا الحمام تطبقينه مره بالإسبوع
اما باقي الإسبوع فتتحمين بصابون بابايا وبعدها تحطين ملح اليوكو واكيد تعرفين طريقت وهو بيحرق جلدك بس عادي لاتخافين ولما تخلصين ادهني جسمك بزيت الأطفال عشان الترطيب
وطبعاً إسكينول الليمون تمررينه على كل جسمك بالقطن يوم ورى يوم خصوصاً الوجه واليدين والأرجل والمنطقة الحساسة
والمنطقة الحساسة لازم تهتمين فيها في الحمام وخلال الإستحمام اليومي
وطبعاً لاتنسين العنايه بالأظافر لليدين والأرجل ترى والله العناية بتشيل عنك حمل كبير إذا جا وقت الزواج
وشوفي ترى ام شي إنك تشتغلين بدون ما تتفقدين يعني مو كل شوي تناظرين انا تغيرت او لا انا تحسنت او لا ترى هذا الإهتمام هو اللي بيوديك بداهيه اشتغلي ولا تفكري ابد واشغلي تفكيرك والله كلها فترة بسيطة ويجيلك احد ويقولك ماشاءالله تغيرت انا كذا اسوي واطنش وبعدها بفترة والله امي اقرب الناس لي تلاحظ إني تغيرت حتى بوزني كنت كل شوي اقيس واحس إني ازيد ولما طنشت والله العظيم نزل وزني وبان إني نحفت وبشهادة الجميع
فأنتي اشتغلي وتوكلي عى ربك وبس ولاتهتمين ولاتعطين الشي اكبر من حجمه اهتمي وسوي كل شي بوقته وعلى اتم وجه وبس
هذا اللي أقدر افيدك فيه واكيد راح اتابع موضوعك واللي اتذكره راح اذكره هنا

بالنسبه للشعر
انصحك بزيت السمسم
تدفينه على حمام مائي
وتخلينه بشعرك ساعتين بعدين تسبحي
استمري عليه فتره وحتشوفين النتيجه باذن الله
اوما البشره ماعندي فكره
بس اسمع كثير عن خلطة عبدالباسط
بس ما اعرف مكوناتها

دهني شعرج بزيت عافيه منقوع فيه على قد ايدج حلبه لمده 10 ايام وبعدها استخدميه وشوفي العجب هذا اللي انا جربته بنفسي غيره ماقدر افيدج

ندو فديت روحك يالغاليه وربي تستاهلين بوسه على راسك الله لايخليني منك ولا من القلوب الطيبه ويرزقك ويسعدقلبك وين ماتكونين وربي دعيتلك من قلبي ابي وقفتك وقفة بنات الحمايل لاني بجد محتاجه لكل اللي تعرفونه ومجرب
وماقول الا يالبى قليبك بس يالغاليه والله يجزاك عني كل خير

((دلوعة مجودي))الله يسعدك يالغاليه ماقصرتي واذا سمعتي عن خلطة نكتار تقولينلي بخاطري اجربها وزيديني بكل ماجربيتيه والله يجزاك خير
ويخليلك مجودي وكل الغالين

سفيرة الهيلا تسلمين على المرور

ناقده بفكري الله يسلمك ويجزاك خير والله هالخلطه جربتها بزمناتي ومانفعت معي والله يجزاك خير ويسعدك

البشرة لا تلعبين فيها بالخلطات ترا البشرة كارثة ما ينلعب فيها
نصيحة روحي لطبيبة متخصصة في احدى المراكز الكبيرة وعلميها وش
تبين بالضبط وظبطك صح تعطيك كريمات وغسول وحبوب فتامين خاص للبشرة
يخليها نظرة وصحية
تمنياتي لك بالتوفيق