فزعتكم يابنات غرب الرياض السويدي الشفا البديعه

السلام عليكم ورحمة الله وبركاته
الله يعافيكم يابنات .. أبغى فزعتكم وعارفه أنكم متعاونات وماتقصرون
صديقتي تبغى تسجل في برنامج رياضي لكن ماتعرف مراكز حولها
لأن توهم منتقلين للسكن في غرب الرياض ,, جديدين على هالمنطقة
و الأحياء المجاورة لهم : السويدي - الشفا – البديعة
وماتعرف أي شيء في هالمنطقة
وأنا مالي في هالمجال يعني ماأقدر أفيدها
فأتمنى يابنات أنكم تفزعون .. أي وحده تعرف مراكز في هالأحياء تكتبها
وياليت إذا لك تجربة فيها أو لوحدة تعرفينها .. تعطينا فكرة عن تفاصيل التسجيل عندهم
هل استفادت ؟ هل أسعارهم مناسبة ؟ هل تعاملهم جيد
هل هم مريحين ومكانهم مطمئن ؟ < وهذا أهم شيء
لأن فيه بعض المراكز الرياضية من أول ماتدخلينها تحسِّينها غير مريحه
مخيفه وأجواء مركزهم ماتريح .. بصراحه أكثر .. مثيره للشبهه
يعني .. ممكن يكون فيها بلاوي
مخدرات , تدخين , كاميرات مخفيه
عُري في اللبس وشذوذ جنسي – والعياذ بالله
وقد يوقعون البنت في مصيبة أو جريمة أو قضية أخلاقية رغماً عنها
وكل شيء طبعاً من تحت لتحت .. يعني بالخفاء ماتكتشفينه إلا بعد فترة من تواجدك معهم
في جده .. أغلق مركزين للرياضة .. لقوا فيهم مصايب تدار في الخفاء
بس الحمدلله ربي كشفهم وفضح مستورهم
لأن كل خيِّنه عليها من الله بيِّنه .. لابد يجي يوم وينفضح أمرها
عشان كذا صعب الوحده تروح أي مركز بدون ماتسأل
فأرجوا يابنات :ق1: أنكم تدلوننا على الأفضل
أنتظر ردودكم وتفاعلكم ,, مشكورات
..
... ...
.. .... ..... .... ..... .... ..
الله يجزاكم خير يابنات ،، أبي تفاعل
لحد يدخل ويطلع بدون رد
على الأقل ارفعوا الموضوع ,, ردوا لو بكلمه
الله يرفع قدركن