فضائح الهيئه اقروها كامله وانشروها

1. فصدقوه)) و((من ستر على مسلم ستره الله فالدنيا والاخره))

بسم الله الرحمن الرحيم
ابدأ ايميلي بقول حسبي الله ونعم الوكيل
فالبدايه انا وحده مظلومه من الهيئه الله لايوفقهم طبعا" ماادعي عليهم كلهم بس اللي ظلمونا واللي على شاكلتهم يظلمون الناس ويتبلوا على بنات خلق الله المستورين..
انا كنت من منصارين الهيئه بشده وكنت اعجب بأي شي يسوونه لأنهم يمسكون المغازلين ويحمون البنات وكنت اكره العلمانيين لأنهم دايما"
ضد الهيئه وكنت اكره مسلسل طاش ماطاش اذا اتريقوا عالهيئه وينقدوهم لكن اليوم بس تأكدت ان طاش ما طاش صادقين وكل اللي مثلوه
عن الهيئه صحيح 100%
تبدأ قصتي يوم رحنا انا وقريباتي بنات خالتي وبنات عمتي حديقة الملك فهد اللي بالطائف ومعانا اهلنا كلهم طبعا" كنا ماشين في امان الله انا
وبنت خالتي وبنت عمتي بعدين احنا والله الشاهد بنات محترمين لا عبايات مخصره ولا مكياج ولا عدسات شوي واحد بزر يلحق ورانا قال
خذوا الرقم قلنا انقلع مانبي ولحق ورانا لين قربنا من اللعبه عشان نبي نلعب ووقف قدامنا قال تبغون الرقم مامدانا اصلا" نسب إلا الهيئه
محوطين علينا 3 مطاوعه وعسكري مسكوا الولد والله العليم وش سوو فيه ماعلينا.. لمن جو عندنا هاتك صياح ماتخافون الله مو عيب عليكم
اتقوا الله وش سوينا اقلهم اش سوينا ؟؟؟ فراسي استفهام كبير قال انتم منتم مضبوطين جينا بنمشي قال ولا وحده تتحرك ولا بتركبون فالجيب
وش سوينا؟ زنينا ؟سرقنا ؟حسبي الله عليكم قال هاتو جوالاتكم اعطيناهم و كلنا ثقه اول شي فتح جوال بنت خالتي قالت لا تفتح فيه صوري
ولا كأنها تتكلم يفتح ويتفرج وفتح الاسماء وهيه بنت خالتي حاطه اسمائها انجليزي وكلها زخارف ودلع تعرفون البنات تدرون اش قال
قال: ماشاالله كلهم ذولا اصحابك شوفوا ياناس الوقاحه لفين وصلت واخذ جوالي يفتش وفيه اسم اخويه مدلعته باسمه قال هذا خويك ومدلعته بعد ؟؟واحنا بس شفناهم نبكي لأنه اول مره يسير لنا شي كذا المهم وسألنا عن قلبيلتناوقلناله احنا حرث وجهه انقلب تدرون ليه لأننا طلعنا من نفس قبيلته الوسخ قام لمن عرف يحلف والله العظيم انكم منتم حارثيات ويعيد ويحلف بالله كذب طيب فرضا" كذبنا ليه يحلف على شي ماله علم فيه!!
قالتله بنت خالتي تحلف كذب وانت مطوع قام انكشم وسكت وقال يالله اتصلي انتي وياها على ولي امركم والله لأجرجركم تخيلوا ياناس ياللي
فيكم نخوه وشهامه وش ذنبنا تستدعي اولياء امورنا وش سوينا قال انتم وسخات اسكتوا بس واحنا نبكي من الصدمه كل بنت تحط نفسها مكاننا
وكل شخص يتخيل انه اخته ولا بنته فهذا الموقف بيرضى بالله عليكم والناس اللي فالحديقه كلهم مجتمعين علينا اللي يضحك واللي محزن
تعرفوا الشعب السعودي يحب الفضايح وسرنا فرجه للناس لا وقالوا احنا نستر مانفضح قلناله الدين النصيحه مو الفضيحه وانقهر من هذي
الكلمه نا نرد مانسكت اظنه يبغانا زي البساس ساكتين واحنا قهرناه زياده لأنوبنت خالتي مااشاالله عليها ترد ولا سكتت لهم اما انا كنت خايفه
من اهلي ومن ابويه لا يدري يسير فيه شي والسبب ولا شي لا وواحد معاهم الله لايوفقه المطوع قال انا اشهد عليهم فالمحكة ؟؟؟؟
صراحة لاتعليق ....اخذت بنت خالتي الجوال قالت الحين بدق على اخويه ويجي ويوريكم قال تضحكين علينا بتجيبين واحد من اصحابك وتقولين اخوكي
ومن الخوف والقهر اترجى فيه الله يسترك استرنا خلنا نروح اعتبرنا زي بناتك الله يخليك ارحمنا الله يرحمك شوي ابوس رجله وانا اقولها
واشهق من البكا وكل الناس سمعونا تدرون اش رد والله لو تحركتي لتركبين الجيب ولا اجيبلك عبده من السجن تعطيكي كف عشان تسكتين
تكفى يالمطوع ياابوعيون طويله تجيب عبده تضرب مسوي ملتزم ماتقدر تعطي كف لاكن تقدر تمسك يدي وانت تاخذ الجوال !!وعيونك مبققه الله لا يوفقك
ياابراهيم الحارثي ياأبو انس وربي دعيت عليك من قلب..
شوي مروا من جنبنا بنت عمتي الثانيه وبنت خالتي قالوا اشفيكم ومسكوهم معانا وهاتك تحقيق
طيب احنا مسكتونا وهذولا اللي مالهم شغل ليه تمسكونهم؟! انا ماادري انتوا تاخذون فلوس على كل قضيه ولا تحبون الشهره
وتجميع الناس ولا طفشانين تتسلون على خلق الله!!
الله اعلم لكن ربي شايفكم ومطلع على كل شي الله لا يوفقكم
لا ونحلف بالله وايمان مغلظه مانسمع الا انتم كذابين كذابين كذابين وينكم عن حديث الرسول اللي يقول ((من حلف بالله

فصدقوه)) و((من ستر على مسلم ستره الله فالدنيا والاخره))

المهم بعد مامسحو فينا البلاط دقينا على امهاتنا وجوا أول ماجوا قالوا لهم بنتاكم مو مضبوطات لقيناهم فخلوه غير شرعيه والولد اللي معاهم مسك يدها ؟؟؟ قامت بنت خالتي من القهر صاحت باعلى صوت كيف خلوه وسط الحديقه حرام عليك
بس الحمدلله امهاتنا متفهمات وواثقين فينا وسكتوهم بكم كلمه لين انقلعوا
حسبي الله ونعم الوكيل ..حسبي الله ونعم الوكيل ..حسبي الله ونعم الوكيل ...ياابراهيم الحارثي يارئيس هيئة نخب
بالطائف... جبت اسمك بطريقتي وبإذن الله امحيك من الهيئه كمان ياوسخ انا بنت ناس وعاالم محترمين بنات قبايل تسوي فينا كذا ليه عندنا
البنت مضطهده ليه مالنا حق نشتكي نبغا ندافع عن انفسنا اذا انظلمنا وبس آآه يالقهر امريكا الدوله الكافره تدافع عن المظلوم وتعطي الناس
حقوقهم ..الحين بس اتمنى اني امريكيه واشتكي على حقوق الانسان وربي ليدفنوك تحت الأرض
ليه احنا مو كذا والله اعزنا بالأسلام
بس ربي اقوى منهم ومنك قادر على كل شي
الله لايوفقك كرهتنا فالهيئه ووسخت سمعتها بعد ماكنت احترمهم واقدرهم واحطهم فوق راسي انا مااحب
الفضايح ودايم استر عالناس لكن انت الستر ماتستاهله ..
وربي يابنات وياشباب كل حرف قلته انه صدق ابغا الكلام يوصل للمسؤولين وربي انحرمنا من
الطلعه وثقة اهلنا فينا وانفضحنا عند كل الناس وهم السبب وهذي الاحداث سارت فصيفية 1431ه شهر 8
اتمنى من أي مسؤول اول صاحب سلطه يقدر يساعدني اننا نمنع هذا الظالم من مواصلة عمله ان يتواصل معي عالايميل
(تم حذف الإيميل لأن عرضه مخالف لشروط المنتدى)