فطور كشخه ومفيد000لايفووتكم جونان الجزء الثاني

بنت بن طراخم

22-09-2022 - 06:59 pm

علبة فول بالخلطه اللبانيه + فص ثوم + صلصه طماط منزليه + معجون طماط بقدونس مفروم +
خمس ملاعق زيت زيتون .
نهرس الثوم ونحركه مع زيت الزيتون .. ونقلبه على النار ثواني يطلع طعمه ..
نفرغ علبة الفول في قدر مع ملعقه كبيره معجون طماط و3 ملاعق صلصه منزليه ونضيف الثوم ..
نهرس الفول بالشوكه ونتركه يطبخ 5 دقائق ثم نضيف البقدونس ..
نقدمه بعد مانزينه بالزيت والشبت والطماط ..
مع الخبز العربي واللبنه والزيتون ..

حبتين كروسان نحشيهم جبنه هولنديه مع خس ..
ونقدمها مع طماط وشرايح لحم ببروني وكاس قهوه ..

بيض مسلوق + جبن سايل
نقطع البيض بالنص ونطلع القلب الاصفر .. نخلطه مع جبن سايل ..
ثم نرجع للبيضه بواسطة القمع ..
نقدمه مع لبنه كور وطماط صفير وزيتون بالأسياخ ..
والخبز . مع كاس قهوه وكاس عصير تفاح ..

زيتون اخضر بدون نوا + لبنه
بالقمع نحشي الزيتون ونقدمه على بساط من الخس ..

بصل مقطع صغير + نقانق شرايح + ملعقه صغيره صلصه صويا + جبن سايل + فلفل بارد احمر
نحمس البصل مع الزيت ونضيف الفلفل البارد والنقانق .. ونتبلها بالملح والفلفل والصويا ..
نتركه دقيقتين ثم نضيف 3 ملاعق صغيره جبن .. ونتركه ع النار دقيقه ثم نقدمها..
مع البيض المسلوق - جبن - مرتديلا - خبز محمص ..

بيض مخفوق مع حليب .. نضيف عليه طماط وبصل وبقدونس .. نتبله بالملح والفلفل الاسود ونصبه بصينيه دائريه مدهونه بالزيت ..
نحطه على النار حتى ينضج ثم نلفه رول ونقطعه حلقات ..
نقدمه مع خبز بشرايح الجبن - زبادي - طماط وزيتون - كاس قهوه - عصير تفاح

خبز تورتيلا بالشطه + بيض + طماط + بقدونس + جبن
نسلق بيضه .. وبيضه نخفقها مع نص بياله حليب ونتبلها بالملح والفلفل الاسود ونصلحها ع القلايه ..
نحطها على خبز التورتيلا وندهنها بالجبن .. ثم نقطع البيض مع الطماط والبقدونس ونرشه عليها ..
ونطويها من النص ..
نقدمها ..

جبن هولندي ..
جبن تشيدر مدخن ..
نقدمه مع الخبز المحمص والمربى ..

بيض + فطر + بابريكا + فلفل بارد + شريحتين رومي مدخن
نقطع الفطر المعلب مع الفلفل البارد ونحطه بالقالب .. ثم نضيف رومي مدخن مقطع شرايح ..
نخفق بيضه مع حليب ونتبلها بالملح والفلفل الاسود .. ونصبها على الفطر .. ثم نرشها بالبابريكا
نحطها بحمام مائي وندخلها الفرن .. 20 دقيقه ..
نقدمها مع الخبز ..
وبالهناء والعافيه

التعليقات (7)