فطور للمدلعين اتحداك اذا ما نقطت سعبولتك

شيخة الزين ندووو

07-09-2022 - 11:05 pm

استغر الله واتوب اليه
لي وللمؤمنين والمؤمنات
والمسلمين والمسلمات
الأحياء منهم والأموات
السلام عليكم ورحمة الله وبركاته
الكل يعرف أهمية وجبة الفطور بالنسبه للجسم ..
وخصوصآ للطلاب والموظفين .. اما الي قاعدين في البيت ماعليهم ضيق متى ماقاموا ياكلون شابوره مع قلاص جاي
عشان جذي لازم نركز عليها أكثر من العشا ..
وبعض الناس مايحبون الفطور لانهم حاطين في بالهم انه خبز مع جبن قلاص جاي بس
تلقينها تقول اتصبر لين الغداء احسن ..
غلط .. واكبر غلط تفوتون وجبة الفطور ..
ومن ناحية الرشاقه ..وجبة الفطور تعتبر الوجبه الأساسيه لتحرك عضلات البطن في الهضم .. لانها وجبه بعد الأستيقاظ من النوم .. فالجسم بيتحرك بدون كسل ..
معلومات بسيطه حبيت أطرحها واتمنى تستفيدون منها ..
نشوف مع بعض أنواع وجبات للفطور ..
وتقدرين تغيرين بالمقادير .. الي يبون دجاج بدل اللحم او تونه ..
::
::
بيض بالمرتديلا
نقطع المرتديلا + فلفل بارد وندهن القلاصات بزيت ونحط الفلفل البارد ثم المرتديلا ثم الجبن ..
نخفق البيض مع ملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه .. او بالمكرويف 3 دقايق ..
وتكون جاهزة
وبجذي تكون وجبه متكاملة .. بروتين + كالسيوم + فيتامين من الفلفل البارد
وقدموها مع خبز وزيتون وقلاص قهوة ..
يتبع __________________

التعليقات (7)

شيخة الزين ندووو

08-09-2022 - 02:02 am

فطاير الجبن
علبه جبن
او حلوم حسب رغبتك + 2 بيضه + 1\3 قلاص صحين + فانيليا + سكر
نفصل صفار البيض عن البياض .. ونلخط الصفار مع 2 ملعقه صغيره سكر وملعقه صغيره فانيليا .. ثم نضيف الطحين والجبنه بعد تفتيتها ..
بياض البيض نخفقه لحاله حتى ينفش ..
ثم نضيفه على العجينه .. ونبدا نصبه بالتاوه بعد دهنها بالزبده ..
دقيقه ثم نقلبها ..
وتقدم مع العسل او المربى ..
لو عندكم فراوله طبيعي او مجمد ( او توت ) حطوا لكم مقدار استكانة مع 1\2ملعقه شكر ونص ملعقه خل .. ثم اهرسوهم وحطوهم على الوجه ..
ومع قلاص حليب بتكون وجبه مثاليه ..
يتبع

شيخة الزين ندووو

08-09-2022 - 03:03 am

ميني بان كيك
الخليط هذا سريع ولا يحتاج بيض ولا زيت ولا حليب .. فقط ماء ..
جهزوه وجيبوا قوالب أشكال .. وأبدوا الشغل . .
حطيوهم على التاوه وصبوا الخليط فيها ..
وقدموهاا بطريقتكم ..
فطور جيمي أوليفر
2 بيضه مخفوقه مع استكانة حليب .. ونقليها
نقانق مشويه بالفرن مع حبه طماط بالفلفل الأسود والملح ..
تقدم مع الخبز الأسمر المحمص ..
أضفت لها زيتون وقلاص الجاي يعدل المزاج ..
يتبع

شيخة الزين ندووو

08-09-2022 - 04:04 am

توست هولندي
توست أسمر محمص ومقطعه أطرافه ..
ندهنه بزبده وهو حار ثم نرشه بسكر بودره .. ونقطع حبات فراوله ونحطها فوقه ..
قدموه مع قلاص عصير برتقال طازج وقلاص كابتشينو . .
::
توست فرنسي
توست مقصوصه أطرافه + بيضه مخفوقه + استكانة كريمه خفق او حليب + نص ملعقه صغيره فانيليا نخلطهم مع بعض ..
نغطس التوست بالخلطه ثم نحمرها على تاوه مدهونه بالزبده ..
ثم نقصها من النص ونقلبها في سكر باودر ..
وقدموه مع قلاص نسكافيه ..
ولو حبيتوا أضيفوا لها جبنه وطبقيها ..
يتبع

شيخة الزين ندووو

08-09-2022 - 05:05 am

الكريب
2 بيضه + نص قلاص حليب + ملعقه صغيره سكر + نص ملعقه صغيره ملح .. نخفقهم ثم نضيف لهم نص قلاص طحين ..
ونتركهم نص ساعه يتخمرون ..
نجهز القلايه وندهنها بشوي زبده او زيت ونبدا نصب الكريب مقدار استكانة..
حوالي 30 ثانيه ثم نقلبه ..
انتو وذوقكم .. شحابين تحشونه .. ؟
نوتيلا وفراوله ؟
مربى وزبده الفول السوداني ؟
جبن وعسل ؟
انا حشيتها .. زبده الفول السوداني + مربى مشمش حلواني
لفوها رول وقصيوها من النص وقدموها ..
وبالعافية
.. منقول..

๘like m00n๘

08-09-2022 - 06:06 am

ياي جد فطور دلع ..
يسلمو ياقمر جوعتيني ههه ..

آنثى كلاسيكية

08-09-2022 - 07:07 am

تسلم ايديك

قمر الدجى 2005

08-09-2022 - 10:10 am

روعه يسلموو على النقل

الله يرزق من تدخل ويخلى لها زوجها واولادها يارب←
ماش بوتاتو متل البوبايز→