فطيره البسكويت بالليمون المحلاه بتجنن واكيد بالصور خطوه بخطوه

تولين(:

21-06-2022 - 08:36 pm

مرحبا صبايا
هاي تالت موضوع الي بهاي القسم
حبيت القسم كتير
اليوم جبتلكن فطيره البسكويت بالليمون المحلاه
بتجنن وبنحبها كتير وبعتقد طلباتها متوفره باغلب البيوت
بتمنى يعجبكم موضوعي
نحتاج الى............
2 بيض
عصير ليمون
بسكويت شاي
نص علبه كبيره حليب محلى مركز
قشر ليمون
سكر
وزبده **** ملاحظه انا صنيتي صغيره وكل ماكبرت الصنيه تزودي المقادير
الطريقه
نطحن البسكوت
نحط ربع كوب سكر مع البسكوت
مكعبين زبده نذوبها ومتل ماقل على حسب الصنيه وكميه البسكوت
بعد ماذوبناها بنحطها مع البسكوت
ونحطها بالصينيه وبندخلها الفرن 4 دقايق
بنقشر الليمون تقريبا 3 ليمونات
وبنجيب عصير الليمون تقريبا ربع كوب
وبيضتين
وبنحط قشر الليمون والعصير والبيضتين بالخلاط ونخلط
بعد ماخلطناهن بنحط نص علبه كبيره حليب محلى مركز وقليليه على حسب رغبتك للحلاوه
وبنخلط
وبعد الخلط نحط شوي قشر ليمون ونقلبو بالملعقه
ونصبها على البسكويت وبندخلها الفرن (( شوفو صنيتي كيف
وبعد ماتخرج من الفرن نقطعها
وبعدين نجيب كريمه مخفوقه للتزين ونرش شوي قشر ليمون فوق الكريمه
صوره تانيه
شو رايكم بعرف اشرح؟؟
يالله بستنى ردوركم وتجاربكم ورأيكم

التعليقات (8)

قنديل الامل

22-06-2022 - 12:12 am

هذا الي انا ادورله من ززمان كل ما بحثت يجي اشكال غريبه وبعدين كثير مقاديرها ابغى شي يكون مقاديرها قليله
يقولون ليه طيب قللي في المقادير اقولهم اخاف مايزبط معايه وتخرب كل شي
والله يسلمو ايدينك

فراشه الطائف

22-06-2022 - 01:13 am

الله يعطيك العافيه
وتسلم دياتك يآقمر
ودي ...}ْ~

Riyadh's beauty

22-06-2022 - 02:14 am

مشكورة يالغلا بجد شكله يشهي إن شاء الله نجربه
وصحن التقديم بعد روعة

bebo boob

22-06-2022 - 03:15 am

سلم ايدك

أم فـئ

22-06-2022 - 04:16 am

ماشاء الله الله يعطيك العافيه