فلت شعرها وألتف وألتف قلبي يوم فلت شعرها البنات اللي يحبون الحنا حياكن هنا

1. وكتبت هالموضوع عشان نتحمس مع بعض وكل وحده تحني شعرها تجي هنا وتكتب

السلام عليكم ورحمة الله وبركاته
أخباركن يافراشات عاملين ايه ياخواتي
طبعا كلنا نعرف وش فوايد الحنا مايحتاج من طول وكثافه ولمعان وصحه
وكيف كانت شعورنا لما كنا صغار بأيدي امهاتنا الله يجزاهن عنا خير اذكر كل اربعاء لما اجي من المدرسه القى ميمتي مجهزه الحنا وتقضبني مع شوشتي وتطلخ فيني
ومااغسله الا اليوم الثاني والكل كان يسألني وانا صغيره طبعا امتس وش تحط على شعرتس عاد انشر الغسل واقولهم مو مثل الحين محد يعلم
وكبرت وبديت اعتني بنفسي > امحق عنايه والله وبديت اشوف البنات انواع الصبغات والقصقصه عاد قعدت بيني وبين نفسي قلت يابنت وش فيهن زود عنتس > حركات البنات
وابتدت رحلتي مع الصبغ مره عنابي ومشى حاله بعدها بفتره صبغة هايلات وهنا
(البلا) الكوافيره الله يسامحها كثرت الاكسجين
ماامداني افرح باللون ويبدا التساقط الفضيع والحكه واللمعان راح صار اشهب الهب وقليل مره تقولين ذيل عنز بس استاهل > يعني غصب اصير سوريه
المهم بعدها امي حلفت علي ماعاد اصبغ مالومها والله قربت اصلع والحين قررت ارجع لحبيب قلبي الحنا

وكتبت هالموضوع عشان نتحمس مع بعض وكل وحده تحني شعرها تجي هنا وتكتب

الحين بقولكم على الطريقه الافضل بالنسبه لي...وكل وحده تشوف اللي يناسبها

• وهو ان اعجن الحنا بمنقوع أي شيء مفيد مثل ((شاي-ميراميه-قهوه محروقه-زبادي-قهوة نوى تمر محمص-موية بصل.....الخ من سوائل العجن المفيده....بدون زيت عشان نستفيد اكبر فائده من الحنا((والأفضل مثل ماسمعت اني اعجنه بالليل عشن يخمر....ولاتحطون معاه بيض عشان مايفسد ولو حابه موضوع البيض مثلا خليه قبل وضعه في الشعر على طول عشان تكون فرش))
• وسمي بالله وحني شعرك وخليه من الفجر اذا كنتي متزوجه((هذا الكلام للي زوجها يداوم الفجريه)) عشان تستفيدين اطول مده ممكنه بدون وجود المحروس والليله اللي قبلها حاولي تنامين بدري عشان تقومين نشيطه خ..................وا نتبهي تغسلينه قبل ال6 ساعات وعن تجربه وخلوكم من الخرط الفاضي قال ساعتين قال..... الساعتين مايمديني امسح اللمتسايل على رقبتي هع هع هع......يعني كل ماطولتي كان افضل
• بعد ماتغسلينه بمويا فقط هاتي افضل الزيوت عندك ودهني شعرك وخليه ساعتين ثلاث او اكثر مايضر ثم اغسليه وانعمي بأحلى شعر بأذن الله
• وبالنسبه للي شعورهم جافه جدا وخايفين من الحنا اقولهم اعجنو الحنا بزبادي +زيت يناسبكم بدون مويه وكذلك صفار البيض كل هذا مفيد للجفاف ولاتضيفي مويه............وبعد ماتغسلينه حطي عليه (كريم )مناسب للشعر
• النظام راح يكون اسبوعي.....انا راح اختار يوم الاربعاء او الخميس اشوفه مناسب لي((الا اذا صار عندي ظرف طاريء ممكن اغير))........لانو عادةً اهاليومين يكون فيه بريك لاروحه ولاجيه فهو مناسب جدا

وانتي اختاري يومك المفضل

• اتمنى منكم تسجيل اسبوعياتكم ....عشان نستمر متحمسين

لحد ماتتنفس شعورنا وترجع لها الحياة من جديد

• حاليا اقول اللي اقدر عليه وهو الاستمرار لمدة شهر .........واذا استمريتو هالشهر منضبطين نقدر نمدد شهرين لو حبيتو

يلاحبيباتي انتظر تعليقاتكن وحماسكم معي
فلت شعرها وألتف وألتف قلبي يوم فلت شعرها