فهيدان ومدرس الرياضيات

1. السلام عليكم ورحمت الله وبركاته


2. اليوم موضوع قصتنا: ( فهيدان ومدرس الرياضيات ؟ )

السلام عليكم ورحمت الله وبركاته

اليوم موضوع قصتنا: ( فهيدان ومدرس الرياضيات ؟ )

هذي عبارة عن مواقف مرتبطة مع بعض بس في أول القصة مقدمة تصف الجو العام للقصة: كنت دايم ملقوفة أسال أخواني اسئلة لوأني محررة في صحيفة كان صرت مشهورة المهم قاعدة ماسكة المشط مسوية نيكول تنوري والا سهير القيسي ( مذيعات في mbc ) أسوي لقاءات مع أخواني قاعدة اتدرب عليهم المهم أسألهم عن أفضل مادة و المادة اللي تكرهها
أهم شيء قعدت أسالهم أهم شيء اللي قال ولا مادة الحمدلله واللي قال العلوم واللي قال الإملاء أهم شيء وصلت عند فهوودي ( فهيدان : سابقا ) كان وقتها في صف ثلاث إبتدائي( وكان قبلها صاير له حادث ومنكسرة رجله)جاوبني قال : كل المواد عندي حلوة وأحبها الا مادة الرياضيات قلت ليه وش فيها قال : أكرهها وأكره مدرس المادة بعد المهم حاولت استفسر منه وش السالفة قال لي وش صار : (1 ) قال : كنت نايم عشان المدرسة قومتني امي من النوم عشان المدرسة رحت ألبس بعدين رحت أتوضأ وأصلي الفجر بعدين أفطرت وبعدين دخلت دورة المياة بعدين طلعت وأنا مسوي هذي الأشياء وأنا نص نايم أهم شيء أمشي للمدرسة وأحس أني ثقيل في المشي ولا أدري عن السالفة كنت أمشي وأنا نص نايم المهم وصلت عند باب المدرسة لين الطلاب يضحكون علي وأنا ما اهتم منهم المهم زاد الضحك ما عطيتهم وجه ولا علي منهم أهم شيء أوصل للطابور عشان أجلس الطلاب يلحقوني ويضحكون قال أخوي الصغير( كان سابقه للمدرسة ما شاء الله عليه دافور ) يا فهيدان ناظر تحت قال وش تبي قال شف تحتك وش أنت لابس فهيدان قال : اكيد نعال قال أخوي الصغير : تأكد ناظر تحت المهم يوم يناظر تحت يلقى نفسه لابس زنوبة الثقيلة ( الله يكرمكم ) يوم شافها قاعد يمسح عيونه يتأكد منها أنها زنوبة ثم تفشل الولد وراح يغيرها بسرعة وبعدين صاروا يعيرونه في المدرسة ( أبو زنوبة ) وتعقد الولد منها لين صار يطق الطلاب اللي يقولونها له
(2) هذا الزبدة : كان مدرس الرياضيات معطيهم الواجب حفظ جدول 3 ، 4، 5 المهم أخونا في الله حفظهم عشان المدرس متوعدهم يطقهم ( فلكة ) المهم راح من بكره وجاءت حصة الرياضيات ودخل مدرس المادة ( مصري الجنسية) دخل المدرس ومعاه العصا فهيدان شافه داخل بلع العافية أهم شيء بدأ يسمع على الطلاب الجدول فهد ضاعت علومه نسى جدول الضرب وش يسوي بدأ المدرس يسأله صاحبنا ساكت ولا كلمة ما عرف وش يقول ولا جواب المهم جاء المصري ومعاه العصا وضربهم اللفلكة للي ما حفظوا وضربهم ضرب مبرح يعني يوجع مرة وهو جاءنا من المدرسة مطنقر ما يبي يروح مرة ثانية أهم شيء أبوي الله يرحمة أقنعه أنه يروحه وراح بس هذي المرة ما راح حافظ كان مسوي تخطيط أنه يلعب على المدرسة بجميع اللي فيها من مدير ووكيل ومدرسين دخل المدرسة يوم جاءت الفسحة الأول كانت الحصة اللي بعدها رياضيات راح فهد عند المدير وهو يعرج ( يعني أن رجله توجعه ) وراح يصيح عنده أنا رجلي توجعني وطلع له كم دمعة عشان يبدأ يصدقه ( الدموع الكذابة لعبة فهد )صدقوه وراح يودونه للبيت بعد ما أنتهت المدرسة جاء المدرسين والمدير يتطمنون على أخوي عشان أبوي الله يرحمه كان زميلهم بعد ما جلسوا في المجلس شافوا فهد قاعد يلعب كورة ويركض قالوا له وش فيك تلعب مو رجلك توجعك قال : والله أنا ما ابي المدرس المصري يطقني عشان كذا لعبت عليكم تصدقون عاقبوه اليوم الثاني على كذبته وسوو له أعلان كذب وصار عندهم في القائمة السوداء
(3 )الانتقام من المدرس يوم من الايام كان خالي جاي وجايب معاه ضبان كان عددهم عشرة فهد خذا أكبر واحد فيهم وجاب كرتون وحطه فيه وراح حطه في كرتون بعدين وهو رايح الصباح للمدرسة خذاه معاه للمدرسة وقام بوضع الضب في طاولة المدرس المصري ( وحنا نعرف خوف المصريين من الضبان ) كل هذا صار في وقت الصباح يعني المدرسة فاضية بعد ما وضعه طلع وصف في الطابور بريء ما سووا شيء أبد المهم بدأ الطابور وراحوا الطلاب للفصول وهم في الحصة الأولى سمعوا صراخ المصري من الضب ومتعلق في الدريشة من قوة الخوف
ههه راحوا الرجاجيل يخافون من ضب المهم الآن المدرسة تبحث عن الجاني لم يجدوه وشكوا في أخوي بس هو بكل دهاء ومكر أثبت أنه لم يكن الفاعل ( شرير كعادته )
أرجو انها تكون أعجبتكم