في اقل من اسبوعين خف التساقط جدا والشعر صار لونه يهبل وبدأ يطول

السلام عليكم حبيباتي الفراشات
حابه اعرض تجربتي الناجحة بقوة لزيت اخذته من اخت رائعه من المنتدى هينه لينه في التعامل اسمها
casuarina
هذا رابط موضوعها
http://alfrasha.maktoob.com/alfrasha10/thread1791657/
اولاً
اذكروا الله وصلوا عالنبي
شعري قبل مااستخدمه كان فيه تساقط رهيب لدرجة ان الفروة من قدام بدات تظهر
غير انه صارله اكثر من سنتين مايطول عن الكتف ابداً
من ناحيه النعومة الحمدلله هو حلو مايعتبر نافش او جاف
بس زيادة النعومة خير وبركة
استخدمت الزيت يومياً لمدة 5 او 6 ايام لمدة 6 ساعات كحد اقصى
وبعدها بدات بالتخفيف يوم ويوم
والان بسم الله ماشاء الله
التساقط - والله اللي لا اله الا هو - تقريباً سار معدوم
فرق عن اول وقت الاستحمام اشوف الشعر وشوي وابكي عليه
اليوم الحمدلله الحمدلله والله اللي اشوفها في البانيو كم حبه بس ماشالله
غير اني احس والله ان الشعره نفسها سارت مرتويه وقويه غير اول كانت بتموت من الفرد والصبغ
والشي الحلو اللي لاحظته كمان ان الشعر صار في تدريج الوان البني
والله حتى الكوفيره يوم قصت اطراف شعري
تقولي انتي صبغتيه اقلها لأ ،، تقولي طيب معناته الحنه مرة لونها حلو ؛)
ايش اقلها بالله
لانه من جد مرة واضح اللون ماشالله
وطول تقريباً قدر انمله عن الكتف اخيراً
وباذن الله بانزل النتيجه اول باول الى ان ينتهي الكورس
انصح كل بنوته وكل عروسه مقبله عالزواج انها تستخدمه
لان ريحته تعتبر نفااثة شويتين ؛) بس تنكتم بالنايلون وربطة الراس
وطبعاً تروح مع الغسيل والتعطير
اي استفسار انا حاضره