في الحرم سألتهآ عن سبب بكآئهآ فكآن ردهآ قصة أبكتني

1. بس انا ظليت احن وحن الين وافق


2. وفجاه الا الولد يمد ايده بيلعب بالفحم اللي بالدوة ومن ناري وغيرتي

$$
قصة حقيقيه أثرت فيني نقلتهآ لكم كمآ قرأتهآ
..}
في وحده راحت للعمره وهي تصلي بالحرم شافت لها حرمه تصلي وتبكي
وتبكي بحرقه وتدعي وهي بنوبة بكاء ونحيب شديد
المراة استغربت منها وقالت اكيد لها سالفه وكان كل مابين فتره يأتيها ولد شاب يكلمها ويروح
الحاجه اخذها الفضول وعزمت على سؤالها فجلست بجانبها وسألتها ليش تبكين عسى ماشر
فردت وقالت لها والله من العذاب اللي فيني
وليش؟ شنو سالفتك؟؟!!
قالتلها اقولك قصتي وبعدين احكمي
كنت متزوجه من زوج ونعم الازواج يحبني ويحترمني ويعزني
بس كان فيني عيب اني ماأجيب عيال وانا حاولت بس الله مارزقني فشرت عليه انه يتزوج ثانيه هو موراضى أبد لأنه يحبني

بس انا ظليت احن وحن الين وافق

فدورت له على حرمه وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها
وماتمينا فتره الا والمراه حامل زادت غيرتي المهم جابت له ولد الزوج استانس وفرح وزاد إهتمامه بها وبولده أما أنا فأصبحت أو هكذا لعب الشيطان برأسي مهمله وأخذت ألوم نفسي لوم شديد بأني أنا اللي جبته لنفسي زكما قيل بالمثل القديم طبخن طبختيه كوليه وظليت انا افكر بروحي وصار أي مصدر ضحكه لزوجي كأنه خنجر يطعن بقلبي
في يوم أتاني زوجي وقال لي بأني أبي أسافر مع مرتي الثانيه وبنخلي الولد عندك
ووافقت طبعا لانه مافيه احد يمسك الولد غيري
سافروا وخلو الولد عندي وكان الوقت شتاء وكنت شابه الدوه(فحم)
والولد عمره تقريبا بين السنه وكم شهر وهو يلعب ويطامر أمامي
وانا بقلبي نار تشتعل مثل جمر الدوه اشلون ياخذها ويسافر ولا !!ويخلي الولد عندي الخ من هالكلام والقهر يغلبني والشيطان تبا" للشيطان ومكايده

وفجاه الا الولد يمد ايده بيلعب بالفحم اللي بالدوة ومن ناري وغيرتي

مسكت ايديه وحطيتها اكثر بالفحم اللين ذابت ايده ولم أسمع صراخ الولد من الغيره التي أدمت قلبي وبعد ثواني أفقت من سكرة الغيره وبداء رشدي يعود لي وبسرعه شلت أيده من الجمر الملتهب شلتها بعدها مايحتاج اقولك اشلون صارت ايد الولد
وهنا حسيت ان ناري طفت اشوي نمنا ذيك الليله الا وأتانا خبر وفاة زوجي مع زوجته وهم في طريق العوده بحادث
وظليت ابروحي عايشه مالي احد غير ربي
ومن ثم الولد اللي تشوفينه وصار اكثر من ولدي وأعز ويدور راحتي ويرعاني ومالي ظل غيره
وهو اللي يشوف طلباتي وطلبات البيت ومو مقصر معاي بشي
بس انا كل ماشفته ايده يتقطع قلبي على اللي سويته فيه وهو يناديني بيمه
بس ألى الان ماقلتله اني انا اللي شوهت ايده
ولازلت اعاني من العذاب وتانيب الضمير وادعي ربي يغفرلي ذنبي
سبحان الله اشلون حكمة ربي بأن من أردت أذيته بدون جريره أصبح إبني وصار هالولد خير لي لولا هالولد كان حالتي حاله في هذا العمر
وفي هذه اللحضات يأتي
و الولد واهو مخبي إيده ويحب راسها ويسالها هاه يمة نروح الحين؟؟؟
وعسى ان تكرهوا شيئا وهو خير لكم
$$