في شوؤارع روؤوما

انتظروا البارت الثاني

لي عوده ان شاء الله
دخول على السريع

وين الردود
كل عام وانتم بخيير

آسفه على التاخير{...
لاني ما نزلت البارت بوقته فلذلك راح انزل بارتين بيوم واحد

((الجزء الثاني))
كان الكل جالس بالصاله حتى ابوهم كان موجود
مازن وهو يفتخ باب الصاله : يآآآآآآآآآآآآآآآآآآهوه ...ياعالم مازن وصل
شادن وهي منسدحه على الكنب : عاد اي بلله وزير الخارجيه ولا وزير الداخليه
حصه وهي تقوم من مكانها : حي الله وليدي.. الحمد الله على السلامه ..شلونك يمه؟؟ شخبارك؟؟متى وصلت ؟؟ومتى مشيت البارح ؟؟
عبد العزيز : ههه على هونك على الولد شوي شوي ..تعال يا وليدي اقعد معنا
حصه : وش عليك مشتاقتن له موت هاه ما قلت لي شلونك
مازن : الحمد الله بخير ..
غيداء : شخبارك مازن؟؟ اشتاقنا لك
مازن : بخير ، تشتاق لك العافيه
كادي : الحمد الله على السلامه
مازن : الله يسلمك
شادن : شلون جده وجوه واسواقه
مازن : بدل ما تقولين لي شلونك تقولين لي شلون جده
شادن : خلاص ادري وشلونك كلهم اسالوك وقلت طيب ارجع اسالك مره ثانيه ، قلي وشلون جده وجوه واسواقه طبعا هذا اهم شيء
مازن : جده تسلم عليك وجوه زي ما تعرفين حر ورطوبه بس وناسه واسواقه الله يرحم حالي ما اروح للاسواق
ثرى وهي تغمز بعينه : يعني تبي تفهمنا انك ما ترقم ولا تروح لاسواق صح
مازن بصوت واطي : قصري حسك لا يسمعك ابوي ويفضحن
ثرى : يعني تروح
مازن وهو مطير عيونه ومقصر صوته : ايه اروح وارقم بس مو وقته هاللحين اسكتي ترى اذا ما سكتن مافيه هدايا
شادن بصوت عالي وهي تضم مازن :هلا وغلا باخوي الغالي الحمد الله على سلامتك توه نور البيت
مازن بابتسامة خبث : هلا ...هلا ...النور نورك
ثرى : ابعدي عني خليني اخم اخوي ياربي شكثر مشتاقه لك يامازن
مهند : انا ابي افهم هو وش قال لكن عشان تنقلبن 180 درجه
شادن : حنا انقلبنا اصلا هذا حنا ماتغيرنا
مهند : لا لا الاسلوب غير طريقة الترحيب غير يعني اول ما دخل تقولين له اي بلله وزير الداخليه وهاللحين اخوي الغالي وش السالفه ترى حتى انا اخوكم
عبدالعزيز : عادي يامهند بنات ومشتاقات لاخونهن بس بالبدايه ما كانن مستوعبات
ثرى : صح ..صح عليك يبه ما استوعبنا ان اخونا الغالي جاء ونور البيت صح ياشادن
شادن : صح كلامك كله درر بدرر
كادي : الله واكبروش عندكم متعاشرين اليوم
حصه : اسكتي بس يتعاشرون اشوى من انهم يتخانقون
عبد العزيز : اي والله انتم اسكتوا لا ننحتهم
حصه : اي والله الله يتم هالعشره
مازن : الا غيود بنتك وينها ؟؟
غيداء : ياحياتي هي نايمه بالغرفه
مازن : متى تصحى ؟؟
غيداء : على المغرب كذا
مازن : يعني بعد شوي
غيداء : ايه تقريبا
مازن : اجل ننطر البنوته
*****************************
في بيت شذى
شذى : متعب عادي وش فيك انت ما تدري ان الطب كل يوم يتطور
متعب : لا يا شذى اذا انتي تبين عيال قولي لي عشان اطلقك وتشوفين نصيبك
شذى : متعب انت ليش كذا وليش تفكيرك كذا انا اذا ابي عيال فابيهم منك انت وبس طيب قلي هاللحين وين المشكله اذا رحنا لم دكتور شاطر ويفهم بالامور هذي
متعب : لنا ست سنين وحنا من دكتور الى دكتور تعبت ياشذى خلاص افهمي ما فيه امل الدكاتره كلهم كلامهم واحد مافي امل يعني مافي امل
شذى : "ولا تقنطوا من رحمة الله " وبعدين تفال بالخير تلقاه انت ليش يأس لهدرجه
متعب : الى متى ياشذى
شذى : شف انا وحده من صديقاتي له ثمان سنين متزوجه وما حملة الا هالسنه يعني فيه امل
متعب بعصبيه شوي : بس حالة زوجه مثل حالتي
شذى : وانت ياحياتي وش به حالتك
متعب باستهتار : يعني للحين يادكتوره شذى ما شخصتي حالتي
شذى : لكل داء دواء
متعب بعصبيه : "ويجعل من يشاء عقيما" هذا كلام الله ياشذى
شذى وهي تحط يدها على راسه : متعب حياتي انا معك بكل كلمه قلته بس لازم ندور علاج لو اطفال انابيب
متعب وهو يبعد يدها ويقوم من مكانه : اطفال انابيب لا
شذى وهي تقوم وراه : ليش لا
متعب : انتي عارفه رايي بالموضوع هذا وقايل لك لا عاد تفتحينه معي فاهمه
شذى : يا متعب ياحياتي ....
متعب وهو يقطع كلامها : شذى انا ما يهمني عيال انا كل اللي يهمني انتي وبس واذا راحتك بالعيال عادي اظحي عشانك واطلقك وتتزوجين وتجيبين عيال
شذى وهي خانقتها العبره : متعب لا انا ابغى عيال منك انت وبس وانا وياك لازم نتعالج مهما كان ثمن
متعب : خلاص ولا يهمك نتعالج انتي بس هدي نفسك
شذى : ادري انت تبي تاخذني على قد عقلي
متعب وهو يخمها : لا ياحياتي انتي الله يخلك لي ويرزقك الذريه الصالحه
شذى وهو لازالت بحضنه : لا قصدك يرزقنا الذريه الصالحه
متعب بابتسامه : ولا يهمك يرزقنا انتي بس وش تبين آمري تدللي
شذى وهي تضغط عليه بقوة : ابيك انت لاهنت
متعب : ههه ياحظي
***************************
في بيت ابو مؤيد
حصه : غيداء شوفي لعيالك ازعجوني ما خلوني اعرف اصلي
غيداء وهي تسوي نفسها انها معصبه : مشاري ، مشعل ، انتوا مزعلين جده حصه ؟؟
مشاري : نبي حلاو
غيداء : ماعند ماما حصه حلاو وش شايفها بقاله
مشعل : الا جده حصه عندها كيس كبير كله حلاو شفته بعيوني
غيداء : وانت متى شفته ؟؟
مشعل : ام يوم تعطينا امس حلاو شفنا وين غيبته
غيداء : يعني تجسسون على جده حصه
مشاري : لا يمه بس نبي حلاو حنا ماحنا حراميه
غيداء : والله العظيم اذا ازعجتوا جده حصه او قالت لي مشعل ومشاري غثوني والله لااويدكم لماما نورة
مشعل وهو مرعوب : لا لا الا ماما نورة ما نبغاها
مشاري :لا لانبي هينأ
حصه : ههه يحول يانورة صارت خرعه لعيالك
غيداء : بعذرهم ..خلاص اخر مرة تزعجون جده حصه
مشعل ومشاري : آخر مره
مشاري : بس نبي حلاو
غيداء وهي تضمه : ههه ياحيي يمه كان عندك حلاو عطيهم
حصه : انا ما ني قايلتن شيء ابي اعطيهم بس لايزعجوني مرتن ثانيه
غيداء : ولا يهمك انا اظمنهم لك
**********************
في غرفة البنات
كادي : ثرى تخيلي مهند يتزوج شجن
ثرى وهي لاهيه بالنت : عادي
كادي : وش اللي عادي ياخيي ردي زين
ثرى : ايه عادي يتزوجون وين المشكله
كادي : ادري مافيه مشكله بس ما اتخيله تصير مرت اخوي
ثرى : عادي تخيلي
كادي : اوف منك كل شيء عادي
وتطلع شادن من الحمام وفطوتها على راسها : وش فيك كادي معصبه ماهي عادتك
كادي : واخيرا طلعتي متت من الطفش
شادن : ما ثرى عندك
كادي : عندي بس ماهي لمي لاهيتن بهالنت
شادن : اهاا قولي لي كذا ما دام حصل له النت ماتبي غيره اختي وانا اعرفه زين
كادي : ليش وش تسوي به
ثرى : اسولف
كادي : الله مصل على النبي كل هذي سوالف والله لو عندي عشرين صديقه قضن سوالفي من كثر ما انا ما قابلته لعن ابو حيك ليل ونهار ولا تشبعين
شادن : اكيد ماراح تشبع هذي سوالف من نوع آخر
كادي : شلون من نوع آخر
ثرى وهي مرتبكه :لا لا ولاشيء شادن ما تقصد شيء
كادي : والله مانتي مغنطسه الا على بلاء
ثرى وهي مرتبكه: ع ع ع على بلاء زي ايش مثلا
كادي : والله انتي ادرى بهالخرابيط
ثرى : انا اختك تربيتنا وحده تشكين بي
كادي : والله اللي على راسه بطحاء يتحسسه وانا ما قلت اشك بك
ثرى : صحيح انتي ما قلتي بس هذا اللي فهمته من كلامك
كادي : كلامي عادي جدا بس انتي وراك بلاء واذا ما عرفته اليوم اعرفه بكرا ...باي انا طالعه
ثرى وهي تطالع لشادن ومعصبه : وانتي ماتعرفين تقضبين لسانك وتسكتين
شادن وهي تنشف شعرها : عادي اختنا وما المفروض نخبي عليه شيء
وتفتح كادي الباب : شفتي ان وراك بلاء قولي لي انتي احسن من اني ادري من شخص ثاني
ثرى معصبه : وانتي جالسه تصنتين علينا
كادي : انا ما تصنت
ثرى : اجل وش افسر رجوعك مرة ثانيه وقفتك عند الباب
كادي : انا جايه اخذ جوالي بعدين مو انا اللي اتصنت ياثرى ولا نسيتي
ثرى : كادي
كادي بعصبيه : نعم
ثرى : تعالي ابي اقولك على كل شيء
قعدت كادي على طرف السرير وقامت ثرى تسرد عليها القصه كلها من اولها لاخرها
كادي وهي مطيره عيونها : وويلي دردشه مرة وحده الله يهديك ياثرى
ثرى : عاد ما ادري شلون تجرأت ودخلت
كادي : ياليت وقفت على الدخله وبس ما انتي تعرفين هذا فيصل حبيبك ما ادري خويك
شادن : هو حبيبه وبس ياليت
كادي : وش بعد لايكون فيه شيء من وراي بعد
شادن : انا احس انه يلعب عليها بس هي مي مصدقه تقول فيصل غير يحبني لذاتي ويبي يتزوجني
ثرى بصوت عالي : انا ما اسمح لك تقولين يلعب فيصل جاد وهو مو صغير عشان يسوي حركات المراهقين حقتكم
شادن : الله واكبر هاللحين حنا مراهقين وانتي عاقله
كادي : اوص قصرن اصواتكن لا تسمعكن امي
شادن : قولي له
كادي : ثراوي حياتي انتي من جدك تصدقين واحد مثل فيصل كل العيال اللي يدخلون دردشه داخلين عشان يتسلون بس
ثرى : بس فيصل غير
كادي : بايش غير
ثرى : كل شيء فيه غير مو مثل باقي العيال
كادي : طيب انتي تعرفين كل شيء عنه
ثرى : ايه
كادي : يعني ولد من موظف ولا لا
ثرى : لا الامور هذي ماتهمن
كادي : اجل وش اللي يهمك
ثرى : اللي يهمني اننا نكون انا وفيصل تحت سقف واحد
شادن وهي تحب يدها وجه وقفا : حمد الله والشكر ، انتي ما تابعين مسلسلات ماتشوفين وش يصير آخر شيء للبنت ترى نهايتك راح تصير مثل نهاياتهم ، سقف واحد اموت على الرومانسيه انا
ثرى : انتي بالله انثبري ما ابي اسمع صوتك
كادي : انتي مصدقه انه يبي يتزوجك ولا يفكر اصلا يخطبك تدرين ليش ، لانه راح يقول هذي خانت امانة اهله ماهي بعيده عنه تخونن مع واحد ثاني و زي ما حبتن تحب غيري
ثرى : بس فيصل غير....
كادي وهي تقطع كلامها : اي غير ولي يسلمك ليش هو مو ولد ولا يفكر نفس تفكير العيال قولي لي ليش سكتي شوفي ياثرى انا ماراح اعلم احد ولا حتى غيداء ....
ثرى وهي تقطع كلامها : الا غيداء ولي يسلمك
كادي : خليني اكمل كلامي ، انا ما راح اعلم احد بس كل اللي راح اسويه راح احرمك من النت انتي وشادن وراح اشوف آخرته معك
شادن : وانا وش دخلني
كادي : هاللحين طلع وش دخلك له سنه كامله وهي تعرفه وانتي تسترين عليه وتقولين وش دخلك
شادن : هي اللي تكلمه وبعدين انتي لا تصبخين سلمى باجا
كادي : انا ما علي من خرابيطكن انا هاللحين راح آخذ الابتوبات والجولات عشان ما تدخلن نت ابد وبعدين لي تصرف ثاني معكن
صبخت كادي الباب واللبتوبات والجولات على يده وراحت لغرفته وخلت خواتها يتحاسبون
شادن : انا ما ادري وش دخل جوالي ولابتوبي بالسالفه
ثرى : ولي يعافيك اسكتي ترى مالي خلقك اللي فيني مكفيني
شادن : هاللحين نموت من الطفش والسبه انتي
ثرى : شادن وبعدين معك
شادن : انا اطلع من هنا واروح تحت اصرف لي باي
ثرى : شادن ...شادن
شادن وهي ترجع : نعم
ثرى : توقعين فيصل يدق على جوالي اذا ما لقاني اليوم
شادن : وانتي شلون راحت عن بالك هذي ليش ماقلتي ليه لا تسوي لك سالفه
ثرى : لا ياحيي لا تخرعيني وبعدين توي اتذكر انه ممكن يدق او يرسل قولي لي وش اسوي
شادن : روحي قولي ليه انك معطيته رقم جوالك
ثرى : لا والله عشان تفضحن
شادن : وقفت على هذي روحي لمه وقولي ان اكلمه ترى الجحاده ماهي زينه لاتطحين بالسالفه اكبر
ثرى : يعني وش تبي تسوي بعد
شادن : يالخبلا كل اللي راح تسويه كادي من مصلحتك تدرين ليش لان فيصل هذا ممكن انه يعرف اسمك من جوالك يعني قصدي يعرف اسم ابوك واهلك ويلفق عليك تهمه انتي بريئه منها
ثرى : لا فيصل مو من هالنوع فيصل انسان حضاري دارس برى ومتفتح مو مثل عقول الذيابه اللي عندنا ما يفرحون على الله بنت تعطيهم وجهه عشان يحطون عليه النون ومايعلمون
شادن : وانتي وش اللي مخليك متاكده هالكثر منه يمكن يكذب يمكن يحلم انه يسافر برى ويدرس هناك يمكن حتى اسمه مو الصدقي
ثرى : شادن انتي على بالك فيصل وشو فيصل انسان ثاني تدرين وش يقول لي ؟؟يقول احسن شيء ان الواحد يتعرف على شريك حياته قبل لا يصير اي شيء يعني فترة تعارف قبل الخطبه تناسبنا كان بها ما تناسبنا كل واحد بسبيله
شادن : يعني هالنظريه من زود الثقافه
ثرى : اكيد اجل وين تلقين ولد نظرته كذا
شادن : انتي هاللحين فكري شلون تخلصين نفسك من اللي انتي فيه قبل لا تسوي لك كادي مشكله وخلي فيصل على جنب
ثرى : قولي يارب
شادن : ليش
ثرى : انتي قولي
شادن : يارب
ثرى : انه تقفل الجولات ولا تفتحهن لانه هي ماهي محتاجه لهن صح
شادن : والله انتي ما تدرين عن كادي يمكن تنيذل لك وتقفل جوالي وتخلي جوالك
ثرى بتامل : واللهي كل شيء جايز
شادن : بسرعه اخلصي تبين شيء ولا لا
ثرى : ليش وين تبين ؟؟
شادن : ابي انزل تحت
ثرى : لا روحي بسلامتك
طلعت شادن وخلت ثرى غرقانه بافكارها ولا تدري وش تسوي وثرى ما اقتنعت ابد بكلام كادي وشادن وكل اللي شايله همه فيصل وبس
********************************
في بيت ميساء وبالتحديد في الصاله
عثمان : ميساء قومي صلحي لي شاهي
ميساء : ان شاء الله ، شيء ثاني
عثمان : ايه ياليت تشوفين لي اذا المطبخ ناقصه شيء عشان اسمي رايح اجيب لبيت اهلي اجيب لكم
ميساء : اوكي بس انت مانت ملزوم بيت اهلك
عثمان : طيب احد طلب رايك _رفع صوته_ روحي صلحي شاهي وانتي ساكته
ميساء بغصه : حاضر من عيوني
عثمان بصوت عالي : ابد يالحريم ما تنعطون وجهه ابد ما تنفع معكم الا العين الحمراء
كانوا ريان وجوري بالصاله الفوقيه وسمعوا الكلام اللي دار بين امهم وابوهم
ريان : ياربي ليش ابوي مو زي الابوان الثانين
جوري : اي والله بس يخانق
ريان : ياليت بس يخانق يضرب بعد
جوري : ما عندك فكره نخلي ابوي ابو زي الابوان
ريان : مثل وشو
جوري : انا اسالك هاللحين ترجع تسالن
ريان وهو يفكر : شوفي اذا راحت امي لخوالي نجلس انا وياك بالبيت وانتي تسوين نفسك مريضه وكانك تبي تموتين وتصحين عاد انتوا يالبنات مايحتاج خبره وحنا بس نبي نشوف ردة فعل ابوي هل هو يهتم ولا لا
جوري : يعني وش راح يسوي لا لا ما تنفع
ريان : صدقيني
جوري :لا راح يتصل على امي يقول لها ارجعي شوفي عيالك وتصير امي لاهي اللي استانست عند خوالي ولا هي اللي قعدت بالبيت
ريان : اجل وش نسوي
جوري : يبي لنا جلسه مطوله لمين نخلي ابوي زي الابوان
ريان : شوفي اول شيء نحاول نكسر الحاجز اللي بيننا وبينه
جوري : لا هذي خله اخر شيء صعبه
ريان : شوفي نحاول نكسب ابوي بالبال الزين والكلام المعسول وانتي ما تقصرين تكفين عن اهل البيت كلهم
جوري : لا يا ريان ابوي من هالنوعيه من الرجال ابوي رجال قديم فاهم شلون قديم
ريان بتنكيت: عادي نجدده ههه
جوري بستحقار : هههاهاهي ضحكتن هاللحين انا متمصعه افكر وانت تنكت
ريان : عادي الطف الجو
جوري : حنا لو نسلم من تنكيتك يكون احسن
ريان : كيفك ترى ما انكت مره ثانيه
جوري : ماهو لازم ،،،تصدق
ريان : وشو
جوري : انا وياك لازم نروح لخوالي
ريان : طيب ما هذا حنا نروح لهم دايم
جوري : بس هالمره عندنا مهمه
ريان : عاد ليش ببيت خوالي الخطه
جوري : شف انا وياك لازم نشكي على خالتي ثرى وخالتي شادن وخالتي كادي هم الناس الوحيدين اللي يقدرون يساعدوننا
ريان : بايش
جوري : نقول لهم عن امي وابوي ونخليهم يفكرون معنا
ريان : بس البيوت اسرار
جوري : وهذولي خلاتي
ريان : بس ياجوري اذا تبي امي قالت لهم
جوري : انت ما عليك خل كل شيء علي طبعا انا ما استغني عنك
ريان : طبعا...طبعا
*****************************
كانت غيداء تكلم اري بالجوال
غيداء وهي متنرفزه : انا ابي افهم متى راح اشوفك يعني خلاص صرت نفساء معناتها ان مالي حق عليك ياخيي لي كم وانا والده وما شفتك الا مرة وحده ياخي انت ما تحس
ضاري : ياحياتي ياغيود انتي عارفه امي زين كل لاجيت اجي لمك تطلع لي بشغلة ولا تقول ابي اروح معك وانا ماودي كل لاجيتك تجي امي معي تقل بزر
غيداء : من كثر جياتك عشان تفشل من امك ميخالف جبه معك ، وبعدين مالت علي انا وحظي ولا وحده من حمياتي رفعت سماعة التلفون وهنتني بالسلامه عادي انا ما ابيهم يجون لمي بس ابيهم يتذكرون ان عندهم مرة اخوهم والده
ضاري: يا غيداء يا عمري انتي يعني ما تعرفين خواتي
وتقاطعه غيداء : الا اعرفهم بس مشعل ومشاري كلموني وباركولي وش معنى مايا لا
ضاري : انتي لا تاخذين الامور بحساسيه انتي ليش كذا كانك اول مرة تعرفين خواتي
غيداء : يعني هذي تسميه حساسيه
ضاري : اجل وشو
غيداء : اسمه ياضاري اهلك على عيني وعلى راسي بس اني ارجع اسكن مع امك بعد ما اطلع لا تحلم
ضاري : وش معنى كلامك
غيداء : انا تعبت من امك وخواتك يكفي كل هالسنين وانا ساكته وبالعه واقول بكرا ياغيداء تعودين وتحبينهم ويصيرون مثل اهلك بس ماش تعبت وصبرت وللصبر حدود ياضاري
ضاري : معناة كلامك تبين بيت لحالك صح
غيداء : ايه ابي بيت لحالي يمكن احس بالاستقرار
ضاري : يعني بيت امي ما انتي حاسه بالاستقرار
غيداء : الاستقرار وين وبيت امك وين وخواتك هذي طالعه وهذي داخله وعاد ليتهم وحده ثنتين اتحملهم لا اربع ثنتين بهالديره وثنتين برى ولا جاء العطله ثلاث شهور دق عندنا بالبيت وانا اطبخ لهن واكرف ليش انا خدامه لهن وعاد ليتهن يحترمنن او يقدرنن حتى مكالمة بتلفون متكاثرته علي وبعدين ليش التفرقه بيني وبين حريم اخوانك ليش هن كل وحده بيت معززه مكرمه وانا لا ليش؟؟
ضاري : انتي وش فيك حستي الدنيا وش دخل بيت لحالك بمكالمة خواتي لك
غيداء : اسمع ياضاري انا ماراح اطلع من بيت اهلي الا ببيت لحالي
ضاري : طيب واذا قلت لك ما فيه بيت لحالك وش تبي تسوين
غيداء : اخذ عيالي ونقعد بيت اهلي
ضاري : هذا اخر كلام عندك
غيداء : ايه هذا اخر كلام
ضاري : اجل تدرين طابت علومك مع السلامه
سكر ضاري السماعة
غيداء : وجع ما نطرني لمين اقوله مع السلامه اكيد خواته مشيشاته علي
حصه وهي توها داخله لغرفة غيداء : من كنتي تكلمين ؟؟
غيداء وهي معصبه : ضاري الزفت
حصه وهي مطيره عيونها : افا يذا العلم ضاري زفت ليش يمه ؟؟
غيداء : يمه اسالك بالله هذي سوات يسويها فيني
حصه : ليش ابن الحلال وش سوى معك
غيداء : يمه لي كم والده اكثر من خمس عشرين يوم ولا مرة زارني الا يوم جاب عياله وخواته بعد ولا وحده باركت لي غير كذا ما جب لي هديه زي عيالي القبلين
حصه : الله يهداك ياغيداء عادي اصبري وهدي نفسك ماصار شيء يمكن ظروف
غيداء : ايه ظروف اللي تمنعه يتطمن عن مرته وعياله
حصه : عاد انتي ما تدرين
غيداء : لاوالله قولي خواته تجمعن وكل يوم باستراحه وجمعات وناسات ولاهين و ضاري معهن جبنا ادنا
حصه : يمكن الا وشنوحه سكر السماعه بوجهك
غيداء : وانا وش دراني
حصه بجديه: غيداء يا حياتي اذا ما فتحتي قلبك لي لمين راح تفتحينه واذا قلتي اللي بقلبك لغيري ماراح يفهمك كثري ولا راح يحن قلبه عليك كثري وانتي تدرين بغلا الظنا قولي لي وش فيك ؟؟
غيداء وهي تتنهت :آآآآآه قولي وش مافيني
حصه : سلامتك من الآه يا بنتي وش فيك ؟؟
غيداء بضيقة صدر : يمه انا طلبت من ضاري يطلعني بيت لحالي غير بيت امه
حصه وهي تحط يدها على راسها : وويلي ليش
غيداء : يمه مليت من آوامر امه وخواته زهقت طلعت روحي يكفي
حصه : لا لا ياغيداء هذا شرط هم شارطينه بالعقد وحنا وافقنا لازم نتقيد به
غيداء : بس يمه انا خيرته يا انا وعيالي يا بيت امه
حصه :لا بالله ما انتي صاحيه
غيداء وهي تبكي بقوة : ليش بس لاني طلبت بيت لحالي ، يمه انتي ما انتي ما عشتي الظيم اللي انا عايشته ولا جربتي القهر ولا تعرفين الظلم من الخاله والحميات ، يمه كلهم هامين بي لانهم هامين برجلي ، ضاري سكت بس انا ماراح اسكت وراح اشوف تاليته مع اموه وخواته
حصه وهي تخم بنتها : بس ، بس ،ياحياتي لا تضيقين صدرك
غيداء : آآآآه
حصه : هدي نفسك لا تنقهرين على ناس ماتستاهل
غيداء : يمه ترى قلت لضاري اذا ماطعني بيت لحالي راح اقعد عندكم
حصه : اقول على ما تقضين نفاس تروحين بيت رجلك غير هالكلام ما عندي
غيداء وهي تقوم من حضن امها : حتى انتي اللي كنت احسبك بتاقفين معي وقفتي معهم يمه ترى انا بنتك حرام عليك ارحميني
حصه : هذا كله لمصلحتك
غيداء :يمه انا مرة كبيرة واعرف مصلحتي اكثر من اي انسان ثاني ومصلحتي اني ابعد عن ضاري فترة
حصه : اعقلي وخلي عنك هالخرابيط وروحي لبنتك اسمعيها تصيح
غيداء بقهر : حاضر يالغاليه انتي تامرين
*****************************
ضاري : يمه ليش خواتي ما كلموا غيداء وهنوها السلامه
ام ضاري : وش له ما يحتاج ؟؟
ضاري : عاد يمه لو رفعت تلفون
وتدخل اخته فوزيه وبيدها صينية شاهي : وش السالفه ؟؟
ام ضاري : اسمعي اخوك وش يقول
فوزيه : وش يقول بعد
ضاري : انا اقول بما انك اكبر خواتي يعني وهم يسمعون كلمتك روحوا زروا غيداء وتحمدوا لها السلامه تراها شرهانه عليكم
فوزيه : باللي ما يحفظه وخل تزعل احسن
ضاري : لاعاد يافوزيه ترى غيداء مهما سوت تظل عزيزة وغاليه
ام ضاري : بعدين نهنيها على بنت ؟؟
ضاري : وش فيها عادي بنت ولا ولد كله من الله
ام ضاري : لا حنا ما نعس ولا نهني الا على عيال وبس وغير هالكلام ما عندي
ضاري : بس هذي اول بنت لي وانا فرحان فيها
فوزيه : تفرح ولا ما تفرح وش علينا منك حنا نبي عيال وبس
ام ضاري : ياخوفي بس تصير مثل امها ويصير باقي ظناها كله بنات
ضاري : هاللحين لانه جابت بنت وحده صار كل ظناها بنات وبعدين وش فيهم البنات يمه يهبلون لو تشوفين مايا ...
وتقطع كلامه امه : اسكت ولي يرحم والديك بلا مايا بلا وجع راس
ضاري : يمه
ام ضاري وهي تشرب شاهي : نعم
ضاري : فيه شيء ثاني
ام ضاري : وخير ان شاء الله
ضاري : غيداء تبي بيت لحاله
ام ضاري وهو يطشر الشاهي من افمها وتطير عيونها : وشي
ضاري : اللي سمعتي
فوزريه : هذا اللي كان ناقص ست الحسن تبي بيت لحاله
ضاري : ايه تقول ليش حريم اخوانك كل وحده ببيت وانا عند اهلك
ام ضاري : هذا من غلاك نبيك جنبنا على طول
ضاري : بس هي قالت اذا ما راح تطلعن بيت لحالي راح اقعد بيت اهلي
فوزيه : احسن نرتاح من مقابل خشته
ضاري : بس انا ابيه
فوزيه : لايكون تحبه وع يملا المر اللي يصيبه
ام ضاري : مار هذا مرده والله ياضاري مالك الا اللي يخطبلك ويزوجك وهنا عندنا بالبيت بلا دلع مرتك وتعنفقه
ضاري : لا يمه انا ماراح اتزوج على غيداء ومابي حيل افتح بيتين ، انا بيت واحد يالله متحمله لا يمه لا تفكرين ، وغيداء ما تدلعت بس تبي حقه
فوزيه : وشو حقه
ضاري : انا ابي اطلعه بيت لحاله
ام ضاري : والله وهذا علي يمين ان الله ما يكتبه
ضاري :لا لاتحلفين يمه
ام ضاري وهي مطيره عيونها : ليش تبي تعصاني عشان بنت عزوز ، وش انتي يا بنت عزوز شليقة بنت لا راحت ولا جت
فوزيه : وامي صادقه خلها بيت اهلها احسن لها
*********************************
في

انتظروني في البارت الجاي

يسلمو
على البارتات روعة بليز كملي عشان خاطري

يسلمو
على البارتات روعة بليز كملي عشان خاطري