الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
SLY
15-07-2022 - 05:27 pm
السلام عليكم
ورحمة
الله
وبركاته
كثير نتمنى مجرد أمنية تتغير الاحداث
أو ع الأقل نردد بدون ما نحس كلمة " لو "
صار معي موقف وحبيت اطرح الموضوع هنا حتى اعرف وجهات نظركم
.
.
.
يا عروس جيتك لأني قبل ابارك لك واغني
شفت هذا الكون كله بالفرح وده يغني
يا بدر جيتك لأني قبل ابارك لك واهني
شفت هذا الكون كله للفرح وده يغني
يا بدر يسلم لي كونك يحفظك ربي ويصونك
. ما اوصيك الوصايا حط مشاعل في عيونك
وانتِ يا مشاعل أمانة لأجل غاليك وعشانه
الله الله في بدر لاحرمك الله حنانه
بعد ما انتهت مراسم الملكة أول خطوات العالم " القفصي " أقصد الزوجي
وباركت لصديقتي " مشاعل "
و بعد ما انتشر الخبر بين الصديقات والكل يبارك لها
البعض يتشجع ويسألها :
وش اسمه ؟ وين يشتغل ؟ وين راح تعيشين ؟
فكرتي بموديل فستان الزواج !!
مرت أيام الملكة وأنا أشوفها تبتسم وتتلون خدودها من الخجل في كل مره
يوصلها مسج من " بدر "
وكانت تتكلم كثير عن أخلاقه والتزامه و عن نشاطاته الدعويه داخل وخارج البلاد
كانت تقول :
ومنفتح للتطور .. ورزقني ربي ب بدر
وبرامج دعويه حتى استفيد واطور خبرتي في الحياة
وتفاعلك مع غيرك .. بجد لك تأثير ايجابي للبنات وأولهم أنا ..
كانت أيام الملكة فتره ذهبية بالنسبة لصديقتي تتحمس لنهاية كل اسبوع لأن
زوجها يجي من مدينة ثانيه حتى يزورها ومعه هدايا ، أكثر شي كانت تحبه الورد
والرسالة اللي كان يكتبها لها ، أحد الأيام جتنا تضحك تقول تخيلوا بدر الاسبوع
الماضي جايب لي هديه مغلفه ولما جيت افتحها قدامه لقيت ورقة مكتوب فيها :
لا تفتحينها إلا بعد ما أروح !!
تقول : قد ما فرحت بجيته عندي الا اني تمنيته يروح حتى اشوف وش الهدية ؟
علّقت وحده من البنات :
وتسوين حركات لا اردايه بوجهك . يا بنت الناس اثقلي ..
.
راح اختصر لكم الفتره إلى موقف جمدني عن الحركة
وصرت في موقف لا أحسد عليه ،
بعد ما تحدد موعد الزواج جتني صديقتي وفي يدها أشرطة كمبيوتر وفي عيونها
نظره شريره تقول:
لما سألتها ليه ما تجرب هي وتفتحها ..
قالت : ما عندي كمبيوتر ..
قلت : وهاذي لمين ؟
قالت : ل " بدر " .. زارني يوم الخميس وكان مستعجل فترك عندي اللابتوب حقه
وقال راح اجي وآخذه منك الاسبوع الجاي
قلت : وليه ما فتحتيها من جهازه
قالت : ما عرفت كل ما فتحت جهازه يطلب مني كلمة مرور
شكله مسوي حمايه حتى اخوانه الصغار ما يخربون شغله ، المهم ما علينا بتفتحينه
والا ادور وحده من البنات اعطيها تفتحه لي ..
قلت : خلاص .. هاتي راح افتحه بجهازي في البيت وارد لك خبر بكراا
قالت : حلو .. ولا تنسين ضروري تجيبينه بكرا معك حتى ارجعه مكانه وما يشك
بدوري بشي .. لأني قلت له أحلى شي عندي كل واحد فينا يتصرف بحريه
ما احب اي احد يراقبني ..
طبعا كان في بالي ان السي دي فيه مجموعه اناشيد لأن زوجها يحبها كثير ،
اتذكر لما كانت تردد ابيات انشوده تقول انه يحب هالانشوده تذكره أيام رحلته
البحريه مع اصدقاءه في سنه من السنوات ..
أول ما دخلت البيت توجهت للكمبيوتر
وطلعت الأشرطة من الشنطة كانوا اثنين ..
الأول ما انفتح معي يعطيني مسج بالانجليزي يقول فيه خلل
أما الشريط الثاني :
كان فيه الصاعقة
بجد بجد يدي ارتفعت من الماوس لا اردايا وحطيتها على فمي ..
حسيت ان ودي " استفرغ " وانتو بكرامه ما تتخيلون وش كثر انصدمت
وضاق صدري بنفس الوقت !!
كان فيه صور
اب اح ي ه و ش اذه
كان في بالي ألف سؤال :
ياربي وش أقول لصديقتي ؟
يمكن الاشرطة ما هي له .. يمكن اخذها من احد وما يدري وش فيها ؟
يمكن اللابتوب ما هو له ؟ يمكن صديقتي تختبر مدى صدقي معها ؟
يمكن أنا غلطت وما اشوف زين ؟
يمكن انا الحين أحلم وبعد شوي راح اصحى من النوم ؟
قبل ما أكمل القصه .. لو أنت/ي مكاني كيف راح تتصرف/ين ؟
هل راح تقول/ين ل " صديق ت ك " عن محتوى الاشرطة
خصوصا ان زوجها مضرب للمثل عند كل الناس باالاخلاق وتمسكه بالدين ؟
وبالأحرى ما وافق أبوها إلا بعد ما سأل عنه
ي ت ب ع
ورحمة
الله
وبركاته
كثير نتمنى مجرد أمنية تتغير الاحداث
أو ع الأقل نردد بدون ما نحس كلمة " لو "
صار معي موقف وحبيت اطرح الموضوع هنا حتى اعرف وجهات نظركم
.
.
.
يا عروس جيتك لأني قبل ابارك لك واغني
شفت هذا الكون كله بالفرح وده يغني
يا بدر جيتك لأني قبل ابارك لك واهني
شفت هذا الكون كله للفرح وده يغني
يا بدر يسلم لي كونك يحفظك ربي ويصونك
. ما اوصيك الوصايا حط مشاعل في عيونك
وانتِ يا مشاعل أمانة لأجل غاليك وعشانه
الله الله في بدر لاحرمك الله حنانه
بعد ما انتهت مراسم الملكة أول خطوات العالم " القفصي " أقصد الزوجي
وباركت لصديقتي " مشاعل "
و بعد ما انتشر الخبر بين الصديقات والكل يبارك لها
البعض يتشجع ويسألها :
وش اسمه ؟ وين يشتغل ؟ وين راح تعيشين ؟
فكرتي بموديل فستان الزواج !!
مرت أيام الملكة وأنا أشوفها تبتسم وتتلون خدودها من الخجل في كل مره
يوصلها مسج من " بدر "
وكانت تتكلم كثير عن أخلاقه والتزامه و عن نشاطاته الدعويه داخل وخارج البلاد
كانت تقول :
- الحمد لله .. تصدقين يا سلي كان حلمي ارتبط بانسان ملتزم بتعاليم الدين
ومنفتح للتطور .. ورزقني ربي ب بدر
- الله يهنيك يا قلبو
- تخيلي يقول انه ما راح يتركني اجلس في البيت لازم اطور نفسي والتحق بدورات
وبرامج دعويه حتى استفيد واطور خبرتي في الحياة
- معه حق .. حتى انتي يا " مشاعل " لازم تستمرين مثل ما انتي بحيويتك
وتفاعلك مع غيرك .. بجد لك تأثير ايجابي للبنات وأولهم أنا ..
كانت أيام الملكة فتره ذهبية بالنسبة لصديقتي تتحمس لنهاية كل اسبوع لأن
زوجها يجي من مدينة ثانيه حتى يزورها ومعه هدايا ، أكثر شي كانت تحبه الورد
والرسالة اللي كان يكتبها لها ، أحد الأيام جتنا تضحك تقول تخيلوا بدر الاسبوع
الماضي جايب لي هديه مغلفه ولما جيت افتحها قدامه لقيت ورقة مكتوب فيها :
لا تفتحينها إلا بعد ما أروح !!
تقول : قد ما فرحت بجيته عندي الا اني تمنيته يروح حتى اشوف وش الهدية ؟
علّقت وحده من البنات :
- شكلك لما تفتحين الهديه قدامه تنسين نفسك وتنسين انه موجود
وتسوين حركات لا اردايه بوجهك . يا بنت الناس اثقلي ..
.
راح اختصر لكم الفتره إلى موقف جمدني عن الحركة
وصرت في موقف لا أحسد عليه ،
بعد ما تحدد موعد الزواج جتني صديقتي وفي يدها أشرطة كمبيوتر وفي عيونها
نظره شريره تقول:
- سلي لو سمحتي افتحي هاذي وعلميني وش فيها ؟
لما سألتها ليه ما تجرب هي وتفتحها ..
قالت : ما عندي كمبيوتر ..
قلت : وهاذي لمين ؟
قالت : ل " بدر " .. زارني يوم الخميس وكان مستعجل فترك عندي اللابتوب حقه
وقال راح اجي وآخذه منك الاسبوع الجاي
قلت : وليه ما فتحتيها من جهازه
قالت : ما عرفت كل ما فتحت جهازه يطلب مني كلمة مرور
شكله مسوي حمايه حتى اخوانه الصغار ما يخربون شغله ، المهم ما علينا بتفتحينه
والا ادور وحده من البنات اعطيها تفتحه لي ..
قلت : خلاص .. هاتي راح افتحه بجهازي في البيت وارد لك خبر بكراا
قالت : حلو .. ولا تنسين ضروري تجيبينه بكرا معك حتى ارجعه مكانه وما يشك
بدوري بشي .. لأني قلت له أحلى شي عندي كل واحد فينا يتصرف بحريه
ما احب اي احد يراقبني ..
طبعا كان في بالي ان السي دي فيه مجموعه اناشيد لأن زوجها يحبها كثير ،
اتذكر لما كانت تردد ابيات انشوده تقول انه يحب هالانشوده تذكره أيام رحلته
البحريه مع اصدقاءه في سنه من السنوات ..
أول ما دخلت البيت توجهت للكمبيوتر
وطلعت الأشرطة من الشنطة كانوا اثنين ..
الأول ما انفتح معي يعطيني مسج بالانجليزي يقول فيه خلل
أما الشريط الثاني :
كان فيه الصاعقة
بجد بجد يدي ارتفعت من الماوس لا اردايا وحطيتها على فمي ..
حسيت ان ودي " استفرغ " وانتو بكرامه ما تتخيلون وش كثر انصدمت
وضاق صدري بنفس الوقت !!
كان فيه صور
اب اح ي ه و ش اذه
كان في بالي ألف سؤال :
ياربي وش أقول لصديقتي ؟
يمكن الاشرطة ما هي له .. يمكن اخذها من احد وما يدري وش فيها ؟
يمكن اللابتوب ما هو له ؟ يمكن صديقتي تختبر مدى صدقي معها ؟
يمكن أنا غلطت وما اشوف زين ؟
يمكن انا الحين أحلم وبعد شوي راح اصحى من النوم ؟
قبل ما أكمل القصه .. لو أنت/ي مكاني كيف راح تتصرف/ين ؟
هل راح تقول/ين ل " صديق ت ك " عن محتوى الاشرطة
خصوصا ان زوجها مضرب للمثل عند كل الناس باالاخلاق وتمسكه بالدين ؟
وبالأحرى ما وافق أبوها إلا بعد ما سأل عنه
ي ت ب ع
التعليقات (1)
سراب الموت قصتي القصيره→
كان ذاك اليوم أطول يوم في حياتي .. اسأل مين ؟
وش أسوي ؟
أكذب !! والا أقول الصدق !!
طيب ان قلت الصدق هل راح يتغير شي ؟
صديقتي تجسست على اغراض زوجها وهو تركها عندها أمانه ؟
يمكن يختبرها ؟
لكنه يعرف انها ما تعرف للكمبيتور كثير + انه مسوي كلمة سر حتى ما يقدر أحد غيره يفتح الجهاز ؟
يعني الصور تخصه هو ؟
يمكن اخذها من احد ؟ طيب ليه يحتفظ فيها ؟ يمكن ما كفى الوقت حتى يتخلص منها ؟
عقلي أشتغل مليون سؤال في لحظة وحده .. وكل سؤال يتفرع لأسئلة ثانية ؟
وفي كل مره أقول لنفسي
ياربي اقولها وإلا ما اقولها ؟
طيب زواجها تحدد وباقي عليه ايام قليلة ..
لو قلت لها راح انكد عليها وما بيدها شي تسويه ؟
يعني معقول تنفصل عنه لأن عنده سي دي فيه صور اباحيه ؟
يمكن ما هي اباحيه ؟
يمكن عنده بحث والا دراسة <<
اوف خلاص راح اقولها .. واللي يصير يصير ؟
في اليوم الثاني كان فيه حفلة والبنات كلهم مجتمعين وفطور من براا
كان الجو بارد وحنا جوعانين
والكل يسولف ويضحك ومبسوطين وفجأة سألتني " مشاعل " بصوت عالي كان مكانها بعيد عني :
- هاه يا سلي فتحتي الاشرطة ؟؟
-
طبعا الانظار كلها توجهت لي تنتظرني اتكلم وكانت أطول فتره تاريخية في حياتي !!
يا ربي هالمجنونه وش اسوي فيها ؟ حتى لو فكرت اقولها ما راح اقول قدام البنات ؟
ولو سكت راح يحسون ان فيه شي ؟
قلت لها :
- لا يا الشينه الاشرطة خربانه ما انفتحت معي .. يعطيني مسج يقول ان فيه خلل لا يمكن عرض
محتويات الشريط .. الحمد لله ما خربت جهازي
- طيب .. هاتي لازم ارجعها لمكانها حتى ما يكفشني بدّوري ..
كان شي بداخلي يقول ليه ما قلتي لها ؟
وشي ثاني يقول لا ما عليك أهم شي انها مبسوطه معه [ ؟
وبعد هالحفلة انقطعنا عن بعض وكل وحده انشغلت بحياتها الخاصة
كان يجي في بالي يارب كيف تعيش مشاعل الحين !!
جوالها غيرته اول ما تزوجت وما اعرف رقمها الجديد
واذ اتصلت على بيت اهلها ما فيه احد يرد ،
والا ترد الخدامه تقول مساعل خلاص مافيه !!
بيني وبينكم كنت أقول الله يوفقها
وأحاول قد ما أقدر أنسى سالفة الأشرطة
.
.
.
وبعد مرور سنتين
وصلني اتصال منها
تكلمنا عن كل شي عن البنات وعن خبالنا ومواقفنا سواا
وبعدها سألتها:
- كيف بدر معك ؟
- ما ادري وش أقولك ياسلي!!
- خير .. وش فيه ( حطيت يدي على قلبي وأنا أتذكر الصور اللي شفتها )
- أنا لي تقريبا 6 شهور عند أهلي
- كيف !!!!!
- ما ادري كيف أقولك .. يبدو اني راح أنفصل عنه
- افا ليه ..
- آخ ياسلي ..
انفتح الحوار بينا
وتكلمنا كثير كثير
كانت الأشرطة اللي شفتها شيء تافه " وأقصدها بالمعنى الحقيقي "
مقارنة بحقيقة " بدر " اللي يحمل توجهات وأفكار تختلف عن مظهره الخارجي
كان زواجه ب " مشاعل " واجهه اجتماعية لتوجهات " سياسية " كان يخطط لها ،
يعني كانت مشاعل ورقة " لعب " يراهن عليها في حال خسر ..
.
.
اللي حبيت أوصل له في الموضوع
صعب نكشف قلوب الناس إلا بعد ما نعاشرهم
ونفقد أشياء كثيره وقتها بس راح تتعلم !!
في أوقات نتخيل ان تصرفاتنا هي أكبر شيء في الدنيا
وأن الناس ينتظرون منا أي خطأ أو زلّة
ونفكر بالأشياء ونعطيها أكبر من حجمها
وآخر شي تكون كبيره لأننا قربناها كثير قدام عيوننا
بينما لو أعطيناها حجمها الحقيقي راح نتصرف حسب الحجم دون التهويل والتخويف !!
خوفي من جرح مشاعل خلاني اتراجع واتردد في ان االموضوع
ممكن يكون مقلب اختبار خدعة ... أسماء كثيره اقنعت نفسي فيها من كثر خوفي اني
أكون سبب في جرح مشاعرها .. والظاهر اني جرحت مستقبلها بصمتي ..
.
وقت ما كانت مشاعل تتكلم فكرت بداخلي
يا ترى لو افترقت مشاعل عن زوجها لأن عنده اشرطة اباحيه
مو أهون من أنها تنفصل عنه لأن
ما عنده استعداد يكون زوج ولا حتى أب !!
.
" بدر " صفحه لازم تطوينها من حياتك وتبدين من جديد
" الحياة تجارب والتجربة هاذي صحيح ما قتلتني لكن خلتني أقوى "
بعد ما قفلت التلفون منها
:(
.
.
.. قفلة ..
بالأخير تعوذت من ابليس لأن الأقدار مكتوبة
أختكم///////سلي