قالوا تحبه

بسم الله الرحمن الرحيم
أحبتي الكرام احببت ان انقل لكم قصيدة رائعه جدا وقد أعجبتني لجمال كلماتها
وأكيد الكثير منكم يعرفها
وطبعا هي للشاعر المرحوم سمو الأمير سعود بن بندر
قالوا تحبه قلت ماهوب بالحيل
بس انه اغلى شوي من نور عيني
يسوى جميع الجيل الاول وذا الجيل
احبابي الماضين والمقبليني
شوقي له اعظم من ظما الارض للسيل
واشفق عليه اكثر من ام الجنيني
واحتاج له حاجة ثرى مصر للنيل
وعليه اغار ولو من مالوالديني
اشتاق له شوق المحبين لليل
وارتاح له راحة دموع الحزيني
لا صار جنبي لو سنه وقتي بخيل
ولا غاب لو لحظات صارت سنيني
قالو يحبك قلت هذا هو الويل
ماودي انشد ثم رفضه يجيني
واهدم رجاي بدبرتي مثل ماقيل
والافضل احيا بالامل لو لحيني
ياحبكم ياناس للقال والقيل
والامر لوهو سهل يصبح مهيني
خلوني احبا في الوهم ياعواذيل
وش دخلكم والامر بينه وبيني
وسلامتكم