قال لي كنت اجاملك

1. كنا في كل شي متفقين ولما نوصل لنقطة الدراسة نختلف


2. وهني الصراع

السلام عليكم
اليوم راح افتح قلبي لكم وابيكم تشورون علي...............
القصه من بدايتها اني انسانه طموحها كبير
ياما طمحت اني اكمل دراستي واكون من المبتعثين للدراسه في الخارج
وكانت مادتي المفضلة اللغه الانجليزية ودايم لما اتكلم مع احد با الانجليزي
بدون مدح يقولون لي انتي في الانجليزي روعه وراح يكون لي مستقبل حلو لو كملت دراستي
في هذا المجال.......
وصلت الى صف ثاني ثانوي ودرجاتي في الانجليزي دايما كامله
وكان عمري مناسب من وجهة نظر اهلي والمجتمع اللي اعيش فيه اني اتزوج
وانا كنت فعلا كذا ما انظر للزواج على انه طلعات وفرفشه وزي ما يقولون عشان اركب قدام في السيارة......لا كنت انظر للزواج على انه مسؤلية ومو شي سهل...
كنت اظن اني لو اخذت زوج جامعي راح يقدر طموحي ويساعدني على اني احققه
الا انه صدمني بقراره لما طلب مني اني اكمل ثانوية والبيت والعيال اولى من الدراسه ؟؟؟!!!!!
قالو لي كللهم :بعد الزواج ولما يشوف درجاتك عالية راح يرضى وانتي قنعيه!!

كنا في كل شي متفقين ولما نوصل لنقطة الدراسة نختلف

تزوجت وانتقلت معاه الى الجبيل الصناعية لانه يشتغل في حدى الشركات هنال قالو لي :نقلي اوراقك هناك وكملي الترم الثاني من ثالث ثانوي في مدراسهم عشان تكون نسبة قبولك في جامعاتهم اكبر لان الولوية للمتخرجين من نفس مدارس المنطقه
وفعلا صار ونقلت اوراقي ..................
وتخرجتت بمجموع كبير ودرجات الانجليزي تووب
بس كنت وقتها حامل قال لي :حسافه درجاتك عالية وماتقدرين تروحين الكلية او الجامعه لانك حامل !! وفاتني التسجيل
وطلب مني ارتاح سنه وحده ...وفعلا ولدت قبل بداية الدراسه بيوم
وكل هذا عادي
جا وقت التسجيل للسنه اللي بعدها صار عمر ولدي سنه وابي ادرس في الكلية الجامعية لان الدراسه فيها كلها با الانجليزي وفيها حضانه ولان ما في احد معاي في الجبيل من اهلي ياخذباله من ولدي اقدر اخذه معاي
الا ان اهل زوجي دايم يتكلمون قدامه اني مو لازم اكمل دراستي
وان البيت وولدي علي كفاية

وهني الصراع

لما اجلس معاه ونتكلم يقتنع وبس نروح عند اهله يفررون راسه علي ويبوني احمل مره ثانية بحجه انو مو لازم يضل ولدي لحاله
ودايم يقولون انهم ضنو انو با الحمل والعيال راح يكسرون شوكتي ويخللوني اجلس في البيت وانسى الدراسه وعشان يقلبون راس زوجي يقولون له اذا تبي تدرس اكيد لما تخلص تبي تشتغل وعلى كذا ماراح يجون اخوان لولدك ........
وبعد ها الكلام اللي يسمعه منهم يجيني ويقول ما ابيك تدرسين الولد والبيت كفاية
في النهاية قنعته وسجلت في الكلية اللي ابغاها
وكل شي كان ماشي زي ال (أ)الف
الين ماجانا ها المرض اللهم ياكافي وخررب كلل اللي كنا متفقين عليه
زي المثل اللي يقول (جت الحزينة لتفرح مالقت لها مطرح)
وكنا خايفين على ولدنا من ها المرض خصوصا ان الكلية 70%منها اجانب وجنسيات غربية مختلفه
وبعد نقاش وخلافات كثير رحت اول يوم مع ولدي للحضانة وشفت انهم مهتمين من ناحية النظافه والترتيب والتعقيم لان الاجانب هناك يخافون على عيالهم .....
ولان ولدي لحاله ومومتعود على العيال والجو الجديد طبيعي راح يصيح؟؟؟؟!!!
الا انو مع نهاية الاسبوع الاول من الدراسة وبعد ماتعودت على المكان وصار لي ربع فيه
ولدي كان يصيح بشكل جنوني وما يرتاح الا لما اروح بين المحاضرات يمه واسكته
خلص الاسبوع وبدت المعاناة
ولدي جاه التهاب في حلقه من كثر الصياح وجاته حرارة وكحه وزكام واعرض الانفلونزا
ولما اخذناه للدكتور كنا شاكين انو جاه هذا المرض الله يبعده عنا وعن جميع المسلمين
الا انو بعد التحاليل تاكد لنا انها انفلونزا عادية.
ووصل صراخنا وخناقنا الى سابع سما
وقال لي هذا الدراسة وما يجي منها اللي من اسبوع وجايبتيه مريض وخذ دور فيه على المستشفيات
بعد شهر راح تجيبينه مكفن جاهز ادور فيه على المقابر عشان ادفنه وفي الاخر..
توصللنا اني على الاقل اوقف دراسه السيمستر هذا والسيمستر اللي بعده نشوف
بس الكلية طلبت عذر طبي عشان اوقف دراسه
جبت لهم عذر ان ولدي تعبان ولازم يكون في عزله عن الاطفال لان مناعته ضعيفه لانو عمره سنه وجسمه مايتحمل انه يختلط با الاطفال في هذا العمر.....
قالو لي هذا شي عرضي نعطيك اجازة مرضية بس انك توقفين لا ما ينفع
ولما خبرته بقرار الكليه صارخ وعصب وقال لي سحبي اوراقك من الكلية ومافي دراسه نهائيا
ومن هذاك الاسبوع الين هذا الاسبوع وانا فارشة الكتب قدامي واصيح
واوراقي ما سحبتهم
محتارة ايش اسوي
قلت له ليش بديت معاي والحين تتركني طبيعي ان الاولاد يمرضون طيب هذا هو الحين صار احسن خلني ارجع ليش تسوي لي هذا كلله وبعدين تقول لي لا؟؟؟؟؟؟
قال لي : كنت اجاملك ؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!
!!!!!!!!!!!!!!
!!!!!