قرب 1/3 ياربي انصحوني

ماعندي مقدمات بدخل بالموضوع ع طول وزوجي وسفرته لاوروبا بشرح كل شي وانتم عطوني الشور لان ماقلت لاحد لحد هلحين كارهه طاريها اول ماقالي زوجي انصدمت وخانقت وعصبت بس مافيه فايده وطنشته وكم يوم وجاني واقنعني بكلامه قال انا رايح سياحه مو رايح خرابيط قلت ليش مااروح معاك قال العام وعدتك بسفره وسفرتك رحنا لدبي وفعلا والله ونسني وغيرت جو قال كله لعيونك وقال واذا جيت نروح الكويت نزور خالته وسياحه وبعدها لرياض لاني من عشاق الرياض مضيت فيها احلى ايامي قال بوديك لها انك تحبينها وصدق مشتاقه لهاوقال والسنه الجايه اوديك مااليزيا المره ذي ماراح اخذك بيقولون الناس العام سفرها والسنه ذي بعد واكثر شي اهله بينقهرون قال خليها بعد مااجي الكويت والرياض وانتي تعرفيني عمري ماقلت لك شي وماسويته بس حدي متضايقه وخايفه عليه من البلاوي اللي برا لاتفهموني خطأ قصدي الفيضانات والعصابات وخايفه من الناس بيقولون زوجها بس مسافر واخاف اكثر شي يتعود على السفريات رغم انه حلف انها بس هالسفره وخلاص وش اسوي كرهت تاريخ 1/3لانه بيروح فيه وبس ادعي وربي مايخيب رجاائي فيه‘‘‘وانتم وش رايكم