قروب الوان الوفاء ريجيم التمر واللبن بتاريخ 22/9 الى تاريخ 28/9 باذن الله

السلام عليكم ورحمة الله وبركاته ..
الموضوع واضح من عنوانه على مايقولون ..
بعد نجاح تجربتي في ريجيم التمر واللبن حبيت اعيده مره ثانيه لنتائجه الملحوظه
على الجسم والميزان كل اللي حابه انزله 5 كيلوا بس وحددت التاريخ طبعا
من 22/9 الى 28/9 (يعني اسبوع كامل ) وباذن الله اللي بتستمر معي
بدون تخبيص راح تنزل في حدود مايقارب من 3-4 كيلوا او من 4-5 كيلوا
يعني على مستوى المعقول وبالنهاية هذا شي يرجع الى مدى العزيمه والاصرار
ومدى تقبل الجسم للريجيم مالنا بالطويله
الحين هالرييم صار معروف ولا يجتاج اعطيكم معلومات اكثر بس بكتب كم ملاحظه
لاستفاده ..
ملاحظات الريجيم ..
3 وجبات يوميه تقسم كالتالي
الفطور 7 حبات تمر +كاس لبن قليل الدسم فقط
وجبة الساعه 10 / 7 حبات تمر + كاس لبن قليل الدسم فقط
وجبة السحور 7 حبات تمر + كاس لبن قليل الدسم فقط
المسموح بهذا الريحيم :
الماء _ الشاهي الاخضر _ استبدال اللبن الى حليب قليل الدسم _ زبادي نادك خالي الدسم
عند اللزوم اذا حسيتي ان الجوع يلعب فيك _ يستبدل التمر اذا لم يتوفر بالرطب واي نوع تمر موجود مو مشكله اللي متوفر بالبيت .
اتوقع الريجيم واضح لاني كتبت كل شي عنه واذا في معلومات ثانيه اكيد بكتبها لكم طبعا مع ملازمه
رياضة المشي يوميا على الاقل كل يوم نص ساعه حتى ينشد الجسم ويكون تمام معك ..
بنات اتمنى كل وحده حابه تسجل يكون في قرار نفسها انها ماراح تخبص واللي بتخبص تترك المجال لغيرها بصراحه انا مابي اي بنت تدخل هالموضوع الاانها متحمسه له وانها تبي فعلا تنزل مابي
اسمع اعذار اشتهيت واكلت فلان حلف علي واكلت معزومه ماقدرت ..... الخ حطي في
بالك كل ماخبصتي بيروح الوقت عليك وانتي بتجلسين كذا لا وحطي في بالك وزنك بيزيد يعني
على العموم اتمنى مايقفل هالموضوع الا وكل البنات المجتهدات انزلوا الوزن اللي يبونه يارب وعلى بركة الله نبدأ من بكره بعد الفطور نكتب يومياتنا كيف بتكون ..