قروب اناقتي برشاقتي مطلوب مشاركات

بسم الله الرحمن الرحيم
السلام عليكم والرحمه ..
كيفكم بنات وش الأخبار ..
قبل ونزلت موضوع للدكتور محمد الجزار .. بس للأسف محد انضم غير 2 وماعاد شفتهم ..
وانا وبصراحه حابه ابدأ من جديد بقروب يكون فيه عالأقل 5 بطوطات يبون ينحفون على نفس الدايت ..
والشرط الأهم يكون في حماس وتشجيع يعني كل يوم ندخل ونكتب تفاصيل يومنا ونحاول نستفيد من بعض ...
وان شاء الله بعد مايكتمل العدد حيكون في شريط وزن لكل مشاركه عشان نتحمس اكثر
بنات بليز ..
اللي تبغى تشترك تكتب طولها ووزنها والهدف اللي تبغى توصله ان شاء الله ..
للي ماتعرف رجيم د/ محمد الجزار .. هذي خلاصة الرجيم ..
الرجيم مدته 3 شهور وفيه 6 انظمه كل نظام مدته اسبوعين ..
حنمشي عليها نظام ورا الثاني
وفي يوم مفتوح بين كل اسبوعين ( بس لوجبه وحده ) وطبعا بعدها انتي اشربي شاي اخضر او ليمون او زنجبيل عشان ماتخربي اللي ابتديتيه ..
نبي عزيمه .. نبي اراده .. نبي حماس .. وابد مانبي تقصير وتخبيص ..
النظام الاول...
الافطار:
حبتين شابوره بر او ربع رغيف حب+جبنه قليلة الدسم ويفضل تكون منزوعه ( اي نوع ) + شاي بالحليب قليل الدسم مع سكر النشا اسمه تروبيكانا (سكر الذره)
الغداء:
دجاج او لحم او سمك مشوي او مسلوق او بيضتين مسلوقه او تونه مصفاه من الزيت
سلطه خضرا عباره عن (خيار+خس+طماطم+فلفل رومي اخضر) ممكن تضيفين له ليمون وملح وكمون وعشان تزيدين في سرعة الحرق حطي ملعقه خل التفاح
وبرتقاله او تفاح ممكن تخليهم عصير بشرط انتي تعصريهم
والكميات مفتوحه..
العشاء:
كوب لبن زبادي قليل الدسم+2حبه شابوره بر او ربع رغيف حب+ تفاحه
تستمري اسبوعين وبشرط تمشي يوميا نص ساعه اقل شي
الدكتور كتب حبوب ريدتكال وهي طبعاً لسد الشهيه او زينيكال لحرق الدهون الداخله على الجسم ..
بس انا للأمانه ماراح استخدمها وباستخدم حبوب زين الأتات
مضمونه ومفعولعها مره تمام ويبين
وصابونه تشد الترهلات تستخدم يوميا في الليل تدلكي فيها جسمك مناطق الترهل وتتركيها الين تجف الرغوه تغسليها اسمها بيزلين واذا قدرتي تاخذين المجموعه يكون افضل ..
حنساعد بعض ان شاء الله
وحنوصل للي نحلم فيه
وصدقوني محد حيقدر يوصلكم لحلمكم غير ارادتكم ..
وهذا انا طبعاً بكون اول مشاركه بينكم
طولي 160
وزني 80
وهدفي الاول اوصل 70
واحلم اوصل 55 وان شاء الله حقدر احقق حلمي..
نقدر نعتبر الموضوع هذا شات لنا .. كل وحده تقول فيه اللي تبغاه وفي نفس الوقت اذا كان عندها شي او سمعت عن شي انه ينزل وزن اكثر تنزله هنا ...
وان شاء الله الكل بيقدر يوصل للوزن اللي يحلم فيه ..