قسم بالله شىء يقهر قلت ادب تحكيها بكل فخر

1. واصمم ملابس نوم


2. وغيره من الامور اللي احتفظ فيها


3. حاله ثالثه :


4. تجينا وحده زوجي فيه وفيه وفيه <<سب في هالضعيف


5. شفت اخوك وش سوى هو ومرته ؟؟

السلام عليكم ورحمة الله وبركاته
في بداية الموضوع حابه اقول لكم اني بنت لكن عندي خبره بسيطه في معرفة واستكشاف الامور المهمه لزوجين رغم اني موصغيره واحب اسوي افكار وامور للمتزوجين ليالي رومنسيه

واصمم ملابس نوم

وغيره من الامور اللي احتفظ فيها

فهذا الامر لاني احتك بالنساء اكثر ولما كانو يحكون كنت استمع لهم ولكن المقربين كانو يستشيروني وكنت اساعدهم في بعض الشغلات بالافكار وغيره من الامور الاخرى ..لكن لما كنت اسمع لاحاديثهم وسوالفهم كان فيه حالات
حالات تجيب الهم وتجبرك انك تنظرين لها بنظره يقال عنها غباء او سذاجه او وقااحه :
تجيك وحده وتقولك اللي صار بينها وبين زوجها بالتفصيل وهي عروس زوجي سوى وانا وسويت وصار وا..........<<وهي شااقه الابتسامه على بالها مسوين انجاز
ليه تعلمين باسراركم ؟؟
ليه تجين صار وصار وصار على بالها انها ماافيه احد قدها بها الخبر
ليه وصلت فينا الوقاحه ونشر الغسيل على انها فخر وانها مظهر للحب بين الزوجين ؟؟
الدين والشرع وربي قبلهم مايرضاها ليه تسوونها يانسوان ليه ؟؟
حرام
تدرون انها احد اسباب العين ؟؟
وانها من اكثر الامور اللي تسبب الانفصال ؟؟
حاله ثانيه :
زوجه تجي وتقول ولد شافني وبنتي شافتني وسئلني وانحرجت وغيره
وحده تقول بنتها صحت تقول يمه انتي وابوي امس ليه تهاوشون <<الام متشققه تمشي وتحكي.!.!
المفروض الطفل من يجي عمره سنه بغرفه المجاوره والباب يفتح لاجيتو تنامون لاينامون معكم

حاله ثالثه :

تجينا وحده زوجي فيه وفيه وفيه <<سب في هالضعيف

ولا سئلتيها متى حكيتي عليه قالت والله امس دخل وقلت لبنته فلانه روحي لابوك شوفي وش يبي وانتي وراك مارحتي له وتشوفين طلباته !! يوه كبرنا خلاص بقعد طول عمري اقابله .!! وين تنامين طيب؟؟ انام مع اصغر العنقود وان اعرس ؟؟
بذبحه .!!<<<<تخيلو وحده
لا تعطيه شرع الله الا ان بغت هي تميلحت وتاخذ فلووس فقط
وفوقها لانومه ولا سالفه <<تقولون متزاعلين
وبتذبحه ان اعرس
ولاسئلتها عن عمرها 35سنه خ لها كم سنه مغرسه
اماهو شايب 48سنه وان ما دفته فوق هديه مجانيه خ
حاله رابعه :
الرجال لاجاء من برا تعبان من اموره واعماله يبي مقابل حلوه ريحه تستقبله بسمه تشرح صدره اكل يسد جوعه يد حانيه تدلك اكتافه وظهره
مو وحده شوشتها منتفشه وخشتها ملتويه ومنسدحه على الاريكه وتقلب بها التلفزون ان تطورت او هاه بغت تسوي انجاز قالت اخلي ميري تحط غداك والا بترقد<<<<<<وتقول لاتعرس!!
حاله رابعه :
وحده لاجت بتسولف على رجلها وتبيه يشاركها في سوالفها تجيب ترمس وشاهي وتجي له وش تحكي

شفت اخوك وش سوى هو ومرته ؟؟

رااح هو واياها لابوك يبون الدور الثاني يسكنون فيه وبيتهم ياجرونه ... شفت والله اخوك اذكاء منك عرف وشلون يربح من اهلك بيت بلاش والحين مع راتبه اجار بيتهم بتشوفه كم سنه ويصير مطنوخ وحنا ماتغيرنا على ان لك الحق مثلك مثله لانه بيت ابوك بس هو الغالي هو ومرته حتى امك وابوك يميلون معه اكثر لى انك احن منهم عليه بس الغلا<<<ياشين السوالف
والحالات اكثر من كذا لكن حبيت اكتب الامور المنتشره اكثر شىء
اخواتي الله يرضى عليك راعو الله في معاملتكم مع ازواجكم واهلهم
والله العظيم الحالات عايشتها كلها لكن اجيب ظرب امثله فيها حتى تشوفون وين وصلون نسائنا الوحده صارت لاتخاف ولاتستحي ..