قصة ارتجافه حب

1. وتهديني إلى خريف العمر !! ..


2. .. ياخي أبي أتأكد من شي ههه


3. ( يرن الهاتف مرتين وثلاث .. )


4. : رد

مدخل : ذاكره
..
تحمّلني من الألم ما لا أطيق !!
وترمي بي على
عجرفة أشلاء خيبه
فادحه ..
تغدِقُ عليّ فصول الجحيم !! ..

وتهديني إلى خريف العمر !! ..

:

• صباحك سكّر ..
• صباح الظهر ماتشوف الساعة ههه مشكلة اللي عندهم اجازة وفاضين
• ههه بالأول قوليلي كيفك ؟
• أنا بخير الحمدلله وإنت شلونك ؟
• أنا بخير ، تصدقين ؟ توني راجع من المستشفى لما طلبتي مني لا تقولين رديت لك طلب
• زين تسوي .. تأكد إني ابي مصلحتك بس ش / قال لك الطبيب ؟
• شوية برد ..
• طيّب سألته عن الصداع اللي يجيك دايم ؟
• لا تحاتين ، زين طمنيني عنّك .. كلميني عنك من أول ما قعدتي للحين شو عملتي ؟
• ههه لو تكلمت ما بخلص أخافك تنطر ألف ساعة عشان أكتب لك كل شي بالتفصيل ..
• مستعد أنتظر العمر كله مو بس ساعة أهم شي تكونين جنبي ..
• نعم شقلت ؟ !! مضطرة أقفل !!
• وربي بدون قصد !!
• ..............
• تعالي وين رايحة .. حقك علي بس وربي كلمة عادية
• أشوفك على خير
• أقول تكفين لا لا أخب ................

:

• مرحبا
• مرحبا ملايين في ذمتي ولا يسدّن ..
• حرام عليك وينك ؟ صار لي يومين ماعرف عنك شيء بصراحة خفت عليك تعرفين أنا قلق جدا ..
• أتغلى ..
• بلاه كلامك صاير جامد مرة
• إش / تبي أقول مثلا ؟
• تغيرت ي : (
• وايد
• قليلي شاللي مغيرك كذا ؟
• ما في سبب مقنع
• متأكدة
• لا
• تغيبين وتقطعين قلبي عليك وفي النهاية تكلميني كذا ؟ حسي فيني
• باي ..
• شو باي ؟ ما خصلت كلامي ..
• شتبي تقول ؟ حدي كارهه كل شي
• حتى أنا ؟ حتى أنا كارهتني ومو طايقتني ؟
• .................. امم انزين اشتبي تقول ؟
• ولا شي باي !!!

SMS :
( ههه
وربي سويتها فيك ههه
يا حلوك لما تزعل .... ش بلاك ؟ إشدعوه محد يتغشمر معاك .. ههه يعني أنا اقدر على بعدك يومين كاملين ؟ )
/
بعد
: SMS ( ناويه تذبحيني مو ؟ قولي إنك ناوية تذبحيني : ( )

• يا سخيف .. من جدك إنت قاعدة أتغشمر ههه
• شكرا بس إذا أنا سخيف إنت ِ إش / تطلعين ؟
• ههه .. طبعا .. ما تروم تقولها ..
• إيه والله شلون تدرين إني ماني بقادر أقول

لك ههه بس تبين الصدق ؟ أنا حيل أخاف من مقالبك اللي مثل وجهك وربي أخترع تدرين أنا إنسان ما أستحمل وقلبي مرهف وحساس

• قال مرهف وحساس قال ههه
• ايه توك تدرين ؟
• قل لي ؟ بأمانه ما إشتقت لي اليومين اللي فاتوا ؟
• : ( وتشكين في هذا وربي حرقت جوالك وينك ؟
• ههه لازم لازم عشان احبك الخطة عدل وأخليك تعيش رعب 48 ساعة ههه
• يا شريرة وربي 48 ساعة كأنهم 48 سنه
• المهم .. يبه آسفه وحقك علي بس من جد استانست إني حرقت اعصابك

.. ياخي أبي أتأكد من شي ههه

• وش اللي تبين تتأكدين منه ؟ قوليلي بصريح العبارة مو تسوين في روحي كذا ؟
• ههه خلاص تأكدت
• زين أنا الحين معزوم .. وبطلع ..
• اوكي .. انا بعد عندي اشغال تحمل على روحك فاهم ؟
• ايه لا توصين ..

:

• مساء الورد
• أهلين ..
• شلونك ؟
• تمام ....
• لا بس حبيت أقولك إني الحين بطلع
• جد ؟ وين بتروحين ؟
• ههه مو شغلك أقول في الكلية أكو تخصص لقافه ؟ تراه حيل لايق عليك
• ههه ما عليه بس مالي شغل لازم تجيبين لي شي معاك وإنتي رايحة
• افا عليك .. ههه .. يلا تأخرت بروح السوق
• اوكي تحملي على روحك .. ولا تسرعين
• ايه أعرفها نصايحك حافظتها لا تخاف .. مابسرع

SMS :
مسج .. :
..
( ............ ماتت البقية في حياتك .. )
( صدمه ) بل إنهيار عصبي .. !!!!!!!!!
أودت به إلى المستشفى !!
الساعة 3.30 فجْرا ثاني يوم من
في المستشفى
!!
رنّة الهاتف .. نفسها .. ( حديث النفس للنفس )

• / هي ؟ / هذي وربي رنتها !! أتخيل أكيد وربي تعبان .. وينك بس .. وربي تعبان من غيرك .. !!

( تقوم والدته التي بدا عليها ملامح الاكتئاب من ذاك الانهيار النفسي المفاجئ لابنها من دون سبب ) تنهض مفزعة من نومها لمتد يدها إلى الهاتف .. و تعطيه له !! )

• يمه هالرقم شلون يدق ؟ صاحبه مات خلاص !! خليني أستر اللي سترته الحياة !!
• أقول يا ولدي رد عليه تلقاه واحد مهم ..
• يمه منتي فاهمة شي
• إلا فاهمة كل شي .. منت راضي تتكلم ..

( يرن الهاتف مرتين وثلاث .. )

• ألو ( بصوت منهك وتعبان )
• ههه وربي شفت الجنان لوين وصل ؟
• ..................................
• عجبك المقلب مو ؟
• شو؟ من جدك إنتي ؟
• شاللي من جدي انا متوعدة لك قبل شهر بمقلب قوي
• أنا تعبان وفي المستشفى يلا باي
• نعم ؟؟؟؟ وشلون تعبان ؟ تكفى قل لي
• مو وقته شلون تقسين علي بهالطريقة ؟ قتلتيني وربي كنت بموت
• : ( انا حيل اسفه وربي مو قصدي
• لا تكملين .. أهم شي إنك بخير .. أما هبل المراهقات ذا راح أبلعه

بس وربي كنت بموت .. صدقيني بسوي فيك مقلب أكبر من ذا في يوم من الأيام

• .................. تعبان؟
• ما سمعت صوتك ردت لي روحي
• جد قلي تعبان ؟ وربي أتغشمر تدري فيني
• حصل خير
• شلون حصل خير وربي قصدي اتغشمر تحريتك فطين مو لهالدرجة أي مسج تصدقه ؟
• أبيك تتكلمين .. أبي اسمع صوتك بس .. وربي تخيلت إني مابسمع صوتك مرة ثانية
• مو قادرة أتكلم وربي الدمعة خانقتني شلون كنت سخيفة لهالدرجة
• لا لا منتي سخييفه .. بس لا تعيدينها تكفين
• شلون توبه ماني مسوية مقالب مرة ثانية
• تدرين شكثر أحب صوتك ؟
• مو وقته قلي إنت شلونك ؟
• احبه كثر البحر .. لا لا لا قليل كثر السما .. بعد قليل ... كث...
• تعبان ؟
• أحبه كثر الكون هذي هي
• : ) وانا أحبك إنت مو صوتك قد الكون كامل مرتين
• .. أقولك .. غمضي عينك
• مابي
• يلا غمضي عينك
• بشرط إني افتحها والاقيك قدامي
• ههه تحلمين اجيك من المستشفى
• عيل شلون ؟
• غمضي عينك
• غمضت
• لا تغشين
• ماني غاشة والله
• شفتي شلون ظلام
• ايه يخرع ..
• هذي حياتي من دونك ..
• ..............................
• وش فيك سكتتي تكلمي أبي أسمعك أكثر
• إنت زعلان مني ؟
• وربي لو قتلتني ما أزعل منك
• أهم شي صحتك ..
• صحتي بخير الله يسلمج ههه
• اوه " يسلمج " في تطور ههه
• ايه شفتي عاد شوي واتكلم زيكم
• ابي اتكلم اكثر بس أبيك ترتاح ..
• لا تكلمي .. وخذي راحتك امي راحت تنام
• متى بتطلع من المستشفى ؟
• مدري على حسب
• مالي خص أبيك تطلع اليوم قبل باكر
• ياليت والله بس مو بكيفي
• أتمنى أكون يمك امسح على راسك تحس بوجودي .. وأحس إنك بخير قدام عيني صدقني مابسامح نفسي
• إذا بتكونين جنبي .. مابي أطلع من المستشفى
• ههه ايه ادري ماتحب حد كثري
• ايه وربي ..

6 شهور .. 9 أيام .... تفصلنا بين الحدث .. هذا
.. الآتي ..
SMS :
( .......... عطاكم عمره ومات .. إدعوله بالرحمة )
( بعد 5 دقايق )
SMS :
( ههه يبه يبه مو علي أنا هالمقلب أنت أكلته مو أنا
.. اونك ترده فيني .. لا تحاول لا تحاول .. ههه )
SMS :
( بعد ساعة )
: أقول وينك ماترد ؟
إتصال
مسج
اتصال
مسج
SMS :
(وينك وربي لا تخلني ارتكب في روحي جريمة
ماقدر وربي بموت .. يلا وينك ؟ بلا غشمرة زايدة ..
بس دريت إنه مقلب خلاص ماله داعي تمثل أكثر ههه .. يلا رد
: ( حرام عليك عندي سالفة خطيرة ابي اقولها .. )
SMS :
بعد ساعه ..
SMS :
بعد نص ساعة
( أهون عليك ؟ ماترد علي ؟ )
مرّت 3 أيام .. كأنها جحيم قاتل !!!
على .. شرفات أمل لا شروق لها
SMS :
( صدقني لو مارديت على رسايلي راح ادق على الرقم اللي طرشت منه مسجك )
( تعذر التسليم )
إتصال ......

: رد

: وينك حرقت أعصابي يلا عاد تدري شكثر أحبك واغليك قمت تتغلى وربي بغيت أموت .. وينك ( ......... )

• ( صوت إنكسار ) : اختي .. (....) عطاك عمره !!
• إنت ش / تقول ؟ اقولك عطني له أبي أقوله بس كلمة وحدة
• إختي انا قلت لك إدعي له بالرحمة ( دمعة كانت وتخنقه و تخنقه .. )
• كذاب

لا لا لا تقول لا تقول أرجوك بس كلمة وحدة ..
كلمة أخيرة .. ابيه يسمعها قبل لا يروح .. أنا احبه واحبه واحبه .. وخلاص ..
ماني مسويه فيه مقالب ولاني مضيقة عليه ولا شي .. يلا تكفى عطني له .. ارجوك
( .. صوت وقوع الهاتف ) لا إراديا ..

• تكفى لا هو قال ما بيخليني .. وعوده ضحكته .. صوته كل شي حي فيني ..

كلامه .. قال مابيفرقنا شي .. وعدني يمرني حتى لو يوم واحد قبل لا يروح ..
يوم واحد بس .. قال بيقعد وبيعيش معاي وبيسولف لي ..
عن يومه بالكامل من اول ما قعد إلين نام !!

• اختي تكفين قلبي اللي فيه كافيه .. لا تزيديني !!

إدعيله تكفين .. تراه يحبك .. قالها قبل لا يروح !! .. وصاني عليك ..

• .................................................. .........................

ب توقيت الاحْتِضَارْ ..
كيف مثل ذاك الألم .. يسحقني !!!!!
ويخنقني ..
ويمزقني !!!
وبقيت ذكراه .. ألما يؤرق الواقع !!
لم يكن حبا عاديا فقط بل كان أعمق من هذا !!
كان .. عشق
..
مقتبسة من الكاتبة ابرار الزعابي
لأتنفس معها وااقع الرماد