قصة اسمع الحلم يصرخ لحظة اعدامه

1. ندى / يمه تكفين لا تحريني والله كافي اسبوعين بموت من القهر


2. لما اقعدو البنات بشقتهم ندى/ ها ريوم حبيبتي شخبارج مع فارس ؟


3. رهام بصدمه / طيب منى وين راحتى؟؟.


4. هدى / رهام شالسالفه ؟؟؟؟


5. رهام بتوتر / لا خلاص ما في شيء


6. ((( بالمطعم ))))))))))


7. حمد وخلود كانو قاعدين بغرفه مسكره فنزلت خلود عبايتها وملفعها ...

قصة( أسمع الحلم يصرخ لحضة أعدامه )
للكاتبه :: كلي أمل .........."
( أول محاوله لي بكتابة قصه )
قصه رومنسيه وحزينه جدا توصف لنا بعض واقعنا المر....
جميعنا نمر بتجارب فاشله فمنا من يدفن الذكرى لان عزة نفسه تفرض عليه ذالك ومنا للأسف من يدفن قلبه ونفسه مع الذكرى....
ومنا من يدفن كرامته في الأرض ويتعلق بالسراب .................
حينما تقتل مشاعر وتتجدد اخرى .......
وحينما تحطم قلب لتجبر قلب اخر حينما نتمادى بمشاعرنا فتهلكنا فالحب شيء غريب حينما لا يكره المجني عليه الجاني
والظلم ساء سبيلا فلا تظلم ان كنت مقتدرا فان الظلم ترجع عقباه الى الندم تنام عيناك والمظلوم منتبها يدعو عليك وعين الله لم تنم ........
والغدر هو الخيانه حينما تطعن من اقرب الناس لك ........
وابشع شعور حينما يلاحقك الخوف حتى في حظن والديك وحينما تجزم بان ما تخافه سيقع عاجلا ام اجلا .......
وحينما توضع بين نارين اما خسارة الروح والحبيب الذي تعيش في هذه الدنيا لاجله او انهيار عائلتك باكملها فتحترق ببطأ حتى تذبل وفي اختيارك احد الامرين فانت تخسر وتخسر الكثير .........
اتيت لاحمل لكم بعض واقعنا
فبعض شخصيات الروايه من الواقع مثل ريم و( مي ) وستظهر هذه الشخصيات في منتصف القصه ......
(( الجزء الأول ))
ندى ( 18 سنه ) / يمه متى بنروح السعوديه الاسبوع الجاي تبد العطله ...
زينب ( أمها ) / بعد اسبوعين ان شاء الله .
ندى / يوه يمه شنو هذا الحين البنات كلهم مجتمعين وانا قاعده والله مو حاله
زينب ( الام ) / والله منتي ميته عشان بنات عماتج لاحقه عليهم العطله شهرين
(( بعد أسبوع ))
ندى طايره من الفرحه / يمه جم باقي على ما نوصل؟
زينب (( الام )) / انا الي اسوق ولا ابوج ؟؟
ندى / يمه والله مو صدقه بشوف ريم ومنى ورهام وخلود بس صج يمه ريم ومنى بنات عمتي موضي جو من الرياض ؟
زينب / ايه يمه صارلهم 3 ايام بالجبيل يعني الحين تلقينهم مع رهام وخلود

ندى / يمه تكفين لا تحريني والله كافي اسبوعين بموت من القهر

هدى ( 16 سنه ) / ياي والله يا ندى ماني مصدقه بعد شوي بنكون كلنا مع بعض
(( ع فكره الفله الي بالجبيل فلة ابو خالد الي هو سعود ابو ندى وهدى وكل خواته واخوانه يجتمعون فيها طول العطله سعود ساكن بالكويت وفلة تكون فاظيه طول السنه ويجونها كل عطلة صيف لان ابو خالد عنده مزرعه قريبه منها ولان كل خواته ماخذين سعودي سعود كانت له هيبته بين العايله حتى بين عياله الي محد فيهم يتجرا يقط الميانه معاه باستثناء هدى الي هي نظر ابوها على قولته وله هيبه خاصه بين رجال الاعمال هو من اكبر رجل الاعمال بالكويت وعمره 50 سنه وما عنده الا اخ واحد و هو سعد وعمره 42 سنه وثلاث خوات ))
ولما وصلو الفله لقو عملتهم موضي وحنان ونوره بالفله وعلى طول قبل لا يسلمون ندى وهدى على عماتهم طارو البنات على بعض يسلمون ويبكون من الفرحه .........
(( عمتهم حنان عندها وللدين وبنت عيد عمره 25 سنه وعايد 20 سنه والثنين عليهم جمال ما شاء الله مو طبيعي
وعمتهم نوره ارمله مات زوجها وهي صغيره بس ما تزوجت بعده لانها تعقدة من كل الرجال بسسب معاملة زوجها الشينه لها وعندها 4 عيال واكبرهم فيصل عمره 27 وبعده عبد الله عمره 26وبعده فارس 20سنه وبعده علي عمره 14 سنه وبنتها الوحيده رهام وعمرها 18 سنه وعمتهم وموضي مات زوجها وعندها ولدها حمد عمره 6 اسنين وكانت حامل بمنى وتزوجت واحد من برى عايلتهم وجابت منه بس ريم وكل عطله يحطها زوجها محمد عند اخوها سعود وما يجي الا لم تخلص العطله لان الفله كلها بنات وحريم وجلسه عائليه ))
الطابق الثالث من الفله كان كله حق الشباب والطابق الثاني عباره عن 4 شقق لموضي شقه ولنوره شقه ولحنان شقه ولزينب شقه
بس عمتهم نوره تبرعت بشقتها للبنات لانها يس هي بروحها كانت تنام فيها بعدين انتقلت عند اختها حنان وصار للبنات شقه بروحهم عباره عن حمام ( عزكم الله ) ومطبخ تحظيري صغير وغرفتين بس البنات طلبو من عمهم يفتح الغرفتين على بعض لان البنت واجد وصارت غرفه وحده ))

لما اقعدو البنات بشقتهم ندى/ ها ريوم حبيبتي شخبارج مع فارس ؟

ريمب خجل (16 سنه ) / شفيج انا ما يمديني قعدة او شفته ترى ما صارلنا 3 ايام هنا وانتي تعرفين عيال عمج بس قاعدين بطابقهم لان ما يصدقون تجي العطله الا ويقابلو بعض وانتي عارفه ما اشوفه الا بالعطله وش جاب تبوك للرياض
رهام / والله يا ريم هو يحبج ويموت فيج
ريم / وانتي شعرفك انه يموت فيني هويمكن يحبني بس مستحيل يكون مثل حبي له
رهام / اخوي واعرفه بعدين الله يخلي علي يوصلي الاخبار اول باول لن هو يقط اذنه لمل فارس يكلم فيصل
هدى (16سنه) / وانتي يا منى ما كلمتي جراح
منى (18 سنه) / عمى بعينك كيف اكلمه واحنا لسى ما ملكنا ؟
هدى / عادي انتي وجراح تحبون بعض من كنتو صغار وبعد اسبوع الملكه
منى / اه متى يجي عمي سعد علشان اشوف جراح
خلود / اه على حظي انا بكره ملكتي انا وحمد
ريم بضحكه / ليه وش فيه اخوي مو عاجبك
خلود / تعرفين ريم اخوك ايش كان يسوي فيني لما كنت بعمرج كل يوم طق وتكفخ ولما الحين اكره
ريم / حرام عليج والله حبوب ويكفي انه يموت فيج وفوق هذا اتحداك تلقين احلى منه
خلود / خلي حبه له ما ابيه
ندى / ودي اشوف شكلج معاه باجر والله لتكرهين الرجال فيك اذا هذا اسلوبك وبعدين ما دامج تكرهينه ليه موافقه عليه
خلود / امي تموت فيه وتقول لاتزعليني منك اذا قلتي لابوك ما تبينه والله ما اكلمك لانك ما راح تلاقين مثله
ريم / شفتي اخوي عجيب
حلود / بس مغرور وع
منى / لا وبعد حيل عصبي واي كلمه تنرفزه وديري بالك ترفعين صوتك عليه والله يقص لسانك قص
حتى لو تقولين روح وراك ذبحك ما يحب احد يرفع صوته ان كان رجال ولا حرمه
خلود / ياويلي وتبوني اخذه والله ليذبحني وانا حتى الطق ما اعرفه
ندى / الله يعينه انتي كلمه وحده تبكيك فوق هذا عوبه يعني تعودي ما دام هذا لسانك كل يوم وانتي ماخذه كف على خدج وانتي ادرى بحمد حتى لو قلتي شكلك مو حلو عطاك طراق يعني نسخه من عبدالله الله يعينج
منى / شعليك بكره تملكين وتاخذين راحتك معاه تروحون وتقعدون بروحكم
خلود / ريم تذكرين لما قلتيلي اشحني جوالي اسوي أي شي تبينه وانا قلتلج ما ابغى شي
الحين انا ابيك تنفذين وعدك
ريم / ايش اطابي والله انك عله
حلود / روحي قولي لاخوك اني ما ابغاه
ريم شهقت / تبين تذبحيني انتي
خلود / والله ما اكلمك ان ما قلتيله بعدين هذا وعد
ريم / طيب خلاص بس انتي الي بتحملين النتيجه ولا تنسين حمد الي براسه يسويه
خلود / طيب انتي قوليله وما بتخسرين شي
ريم/ يالله الحين بروح اقوله
لبسة ريم عبايتها وتغطت وراحت الطابق الثالث بالمصعد حق الشباب طقت الباب
فتح لها فارس / هلا والله شخبارك ريم شدعوه من جيتي كلمتك ولاحتى سلمت عليك
ريم بخجل / اسفه تو اشوفك قول لحمد اني ناطرته ابي احاكيه
فارس / وش تبين فيه وانا موجود
( ريم غاصت بهدومها من الحيا )
ريم / ممكن تنادي حمد
فارس بابتسامه / طيب
حمد (26) / شتبغين انتي
ريم / بقولك كلام وصتني فيه خلود
حمد ابتسم حس تنه طاير من الفرحه / ايش قولي
ريم / ماراح تعجبك بس لا تحط الحره فيني
حمد بقلق / ايش
ريم / قالتلي قولي لاخوك اني ما احبه وما ابغاه
حمد بصدمه / طيب ليه وافقت علي من الاول ؟
ريم / علشان امها
حمد بعصبيه / الي ابه بسويه مو بكيفها توافق ولما يقولو بكره الملكه ترفض ومو هي الي تلعب بمشاعري وباخذها بالطيب ولا بالغصب رضت ولا و\مارضت وانا اعلمها شغلها بكره
( ردت ريم لشقة البنات )
خلود / بشري اشوفك تضحكين
( قالتلها ريم الي صار )
خلود بخوف / ياويلي هذا شبسوي فيني
هدى / والله نصحناج بس انتي ما تفهمين
خلود / فرحانه ترى حتى انتي بتاخذين واحد ما يحبك مع ان عمرك 15 ملكتي على واحد عمره 26 حتى لما ملكتي العام ما شفتي رقعة وجهه
هدى بضيق / بس لا تذكرين دوم احاول انسى
خلود / اسفه ماكان قصدي انتي استفزيتيني بس صدق عبدالله ما يستاهلك بعدين هو ليه يكرهك
رهام / عبدالله يحب سهام بنت عمي وهي تحبه ولنا الحين يحبها ويكره هدى لانها فرقت بينهم
هدى بصراخ / وانا شذنبي امه جبرته علي وخلته يترك حبيبته لانها موزينه
رهام / لما امي خطبتج له عمي زوج سهام ومن هالوقت كرهك
بس لا تخافين هو ما شافك وصدقيني من يشوفك ينساها ولا كل هالزين خدود وعيون اللهم لاحسد والخشم الي ما يبين وجسم صغير ويهبل وما ينسى سهامو
هدى بابتسامه / اتمنى
( نامو البنات الساعه 1 بالليل لان ورتهم ملكة خلود )
الساعه 9 الصبح .....
موضي سكلرت المكيف وفتحة الدريشه / يالله يا بنات قمو افطرو عشان نروح للسوق نحضر للملكه
( البنات فزو من سمعو طاري السوق الا خلود الي قعدت تتحاطم من سمعت عن الملكه )
ع الساعه 8 بالليل الناس ترقص وفرحانه وبعدها الزفه ولبسا الدبله ولبسته وانتهت الحفله على خير
الساعه 11 باليل راح حمد شقة البنات وطلعتله ريم / ريم نادي خلود قوليلها تجي المجلس
ريم مبتسمه / لحظه
ريم / خلود حمد يبيك بالمجلس
خلود بخوف / لا يكون بوديني المجلس يضربني
حمد من ورى الباب / لا تخافين ما راح اكلك تعالي شوي
( طلعت خلود مع حمد وراحو مجلس الحريم وقفت خلود يم الدريشه وسمعت صوت الباب يتسكر)
خلود / حمد خل الباب مفتوح لا تسكره
حمد بابتسلمه / شفيك خايفه انا زوجك
خلود انحرجت / ولو خل الباب مفتوح
حمد / ما راح افتحه وش بتسوين ؟
( حمد كان يكلمها وهو مسكر الباب و واقف عنده وهي واقفه يم الدريشه معطيته ظهرها )
قرب حمد ومسكها من خصرها خلود كانت خايفه كل شي فيها يرجف همس حمد باذنها / احبك خلود احبك
خلود /
حمد خلود ليه ساكته قولي شي
خلود /
حمد / قولي احبك قوليها
خلود /
( حمد لفها جهته وطاحت عينها بعينه وعلى طول نزلت عينها
حمد رفع راسها بايده / خلود لا تسكتين قولي أي شي سكوتك يستفزني
خلود عينها بالارض / ايش اقولك
حمد / انتي عارفه وش ابي
خلود / اكذب عليك يعني ؟
حمد بعصبيه راص على اسنانه وبصوت واطي / قوليها لو كذب لو مجامله ابي اسمعها منك
خلود /
حمد بنفس الصوت / ردي لا تسكتين
خلود /
حمد بحده / ردي بسرعه ولا تندمين قولي أي شي
خلود ودموعها تنزل بهدوء / اكرهك اكرهك اكر
حمد حط اصبعه على شفايفها / لا تكملين خلاص ما ابي شي انا عرفت انك ما تحبيني من ريم بس عمري ما توقعت انك تكرهيني
خلود /
حمد يحتظن وجها بايديهنه وهي دموعها على خدها / ليه تكرهيني ؟؟؟؟؟
خلاص ماراح اطلب هالكلمه مره ثانيه ابيك تقولينها من نفسك
مسح ادموعها وباسها على خدها وقال بضيقه / اسف لان خوفتك بس انا اعصب بسرعه مسك ايدها وصلها عند البنات وراح ......................
خلود طقت باب الشقه
ريم / مين ؟
خلود بصوت باكي / انا خلود
ريم بخوف فتحت الباب وتجمعو كل البنات / خاود وش فيك مد ايده عليك ؟؟؟؟؟
خلود / لا ( وقالتلهم كل السالفه )
البنات شهقو من الصدمه هدى / وش هالكلام مفروض ما تقولينهحتى لو كنتي جد ما طيقينه
ريم / يا قلبي يا اخوي حرام عليك حطمتيه
منى / الي سويتيه اكبر غلط
خلود / اشعرفني بعدين انا ما اعرف اكذب ,,,
هدى / جامليه بس عشان يسكت ترى بعدين يطير من ايدك يا خبله
رهام / والله وطلعي خربانها هذا و عمرك 16
( بعد فتره نامو البنات )
الساعه 10 الصباح الكل كان موجود وقعدو بدري لانهم بيروحون المزرعه
موضي / خلود حبيبتي حمد يبيك بالمجلس
راحت خلود المجلس / السلام عليكم
حمد / وعليكم السلام
خلود / هلا حمد بغيت شي ؟
حمد / صباح الخير
خلود تفشلت من ردها / صباح النور
حمد / لاتفطرين ترى بنروح المطعم
خلود بصوت واطي / اسفه حمد ما اقدر اطلع معلك
حمد / ليه موانا زوجك وبعدين انا قلت لامك وخالي سعود وما عارضو قالو زوجتك وانت حر فيها لو تاخذها وتسافر محد يقدلر يمنعك
خلود بخوف / بس انا ما ابي وما اقدر اروح معاك
حمد بعصبيه وبصوت واطي / وليش ان شاء الله ؟؟؟؟
خلود / قلتلك ما راح اروح معلك
حمد بنفس العصبه / لا تحديني اسحبك من شعرك ومو حمد الي بنات يراددونه فاهمه
خاود بقهر / انت شفيك تبي تفظحني عند اهلي خلاص بروح
حمد / تدرين صدق لا قالو الريم ما يمشون الا بالعين الحمرا ............ ويالله معاك ربع ساعه على مل تجهزين
خلود بقهر / اوكي
خلود دخلت الغرفه مفوله / والله اخوك هذا ينرفز هذا وهو يحبني على قولتك يكلمني كذا كيف لو يكرهني
ريم / شصار بعد ؟؟
( خلود قالتلها الي صلر )
ريم / شكلك ما تعرفين حمد هو مايحب حد يعارض باي شيء ومهما كان هالشخص
خلود / لا والله تبيني اسايره بكل شي حتى لو يقول طبي بالنار اطب
ريم / ياخبله سليريه بكل شيء وعطيه اللسان حلو مده وراح يتغير ويصير خاتم باصبعك وترى ما يغير الرجال الا الحريم ......
ندى / هيه انتي والله قمت اشك باخلاقك من وين جايبه هالكلام وانتبي عمرك 16 اعترفي شنو اتابعين ومنو صديقاتك صراحه صرت اشك باختي لانها 24 ساعه معاك وافكاركم وكلامكم واحد لا يكون انتي ألي مخربتها
البنات /ههه
نوره ام فيصل / رهام حبيبتي روحي فوق اخوك فيصل يبغاك
رهام / لا احول الله هذا شيبغى؟؟
نوره / استحي على وجهك وروحي شوفي اخوك شبيغى
رهام راحت دور الشباب بعد ما البست عبايتها وغطت وجها بالملفع
طقت الباب
فتح فيصل
رهام / شتبغى اخلص
فيصل / سويلي فطور بسرعه
رهام / طيب ...........
رهام كانت تو طالعه من المصعد وسمعت خالتها موضي ام حمد تقول لام خلود وامها / دق اليوم ابو حمد يقول ان ولد عمها خطبها واسمه فهد واهوه وافق حتى ماعطى ريم خبر
ام فيصل بحزن / هو يدري ان فارس يبيها ليه يوافق
ام حمد / والله ما بيدي حيله هو مايخلي احد يتكلم وانتي عارفه انه ما يطيق فارس
( رهام اسمعت كل الكلام وانصدمت / لا مو معقوله شنو راح يصير باخوي
اذا درى عاد فارس بروحه عصبي واذا زعل يخرع ابليس
( راحت رهام عند البنات اللي كانو قاعدين بغرفتهم يبدلون لان عيد ولد عمهم و اخو خلود مواعدهم ان بيوديهم السوق
دخلت رهام وشكلها متوتره وما تدري كيف تحكي لريم الموضوع )
رهام بصوت متوتر / ريم بقولك شي ضروري لا تروحين مع البنات
الكل / لا والله
ندى / افا يا رهام ما بينا اسرار
ريم بقلق / وش فيك رهام حوفتيني واذا عندك شي قولي كلنا واحد
( رهام بتوتر قالتلها كل السالفه )
الكل شهق
ريم من الصدمه ماقدرت تسوي شي او حتى تنزل دمعه منها مومستوعبه الموقف
ريم قعدت عند العنب وهي تبكي بمراره / حرام عليك يبه دايم انت الي دمرني بافعالك وانا عمري ما شفت شخص يهدم بنته بهالطريقه مع انه يدري اني اموت فيه ليه يبه كافي العذاب الي شفته منك بالرياض ...............
رهام / ندى ما تدرين وين راحت ريم من اسمعت الخبر ما شفناها تقريبا صارلها ساعتين
( قررو البنات يدورون عليها في كل الفله وكل وحده تدور من صوب
والصدمه ان مالقوها بالبيت نفسه يعني وين ممكن تروح ؟؟؟؟؟؟؟؟؟
هدى / يمه لحقي ريم راحت او انحاشت والله مدري سوت بنفسها
ام خالد (زينب ) / شقاعده تقولين انتي ؟؟؟ ليه وش صار ؟؟؟؟؟؟؟؟؟؟
هدى / ريم انخطبت واول ما درت طلعت من الغرفه وما ندري وين راحت
لا حول ولا قوة الا بالله ابوها ليه قاسي
منى / هدى ريم جت من المزرعه
( راحو البنات لريم الي على طول توجهة لسريرها )
منى / ريم حبيبتي لا تبكين صدقبني مع الايام راح تنسينه
ريم تصرخ بصوتها الباكي / لا ما راح انساه وانتي اكثر وحده عارفه شكثر احبه وتقولين هالحكي !!
منى بضيق / ريم والله مو قصدي بس حبيت اخفف عنك
ريم / لا يا منى انا راح انتحر ولا اخذ غير فارس
منى بشهقه / ايش من صدققك بتنتحرين ؟!
ريم/ انتي عارفه فارس شكثر يحبني وانا ما ابيه يتعذب ولا انا عادي متعوده ابوي كل يوم يضربني بسبب العجوز الخايسه حتى مصاريف المدرسه انتي ما يعطيني انتي الي تصرفين علي من شؤونك ((( لانها يتيمه ))))
انا الحين بقولكم كلكم وبقول سر ماحد يعرغه الا منى ان ابوي عمره ما صرف علي ريال واحد كل الي اخذه من شوؤن منى
منى/ ريم تكفين خلاص لا تكملين
رهام بصدمه / انتو وش تقولون ومين العجوز هذي
ريم بنفس الحاله / يعني مين اكبر كذابه ومنافقه وما تخاف ربها غير امه
رهام / مين قصدك جدتك ؟؟!!!!!
ريم / وفيه غيرها ولا ما ادري ليه هي تصلي هذي افعالها الله ياخذها
طراخ ريم ماحست الا بكف على خدها من اختها
منى / ريم بس اصحي على عمرك انتي تقولين كلام مفروض ماحد يعرفه هذي اسرار بيتنا ولا نسيتي
منى تحظن اختها / حبيبتي اصحي اانا ظربتك علشان تصحين
ريم بحده / خلاص منى خليهم يعرفون الحقيقه خليهم يعرفون كم مره انظرب باليوم بسبب جدتي الملعونه ومن ينظف ويطبخ بالبيت
كلكم كلكم ظالمين حتى امي تضربني عشان اشتغل وانا موعارفه وش اعمل لدرس ولا انظف ولا اطبخ ولا انطق

رهام بصدمه / طيب منى وين راحتى؟؟.

ريم / منى ماحد يقدر عليها شخصيتها قويه وكلمتها تمشي على امي واما ابوي فما يقدر يمد يده عليها لان مو ابوها وخالي سعود ماحد يوقف بطريقه وقال لابوي منى امانه برقبتك وان اشتكت منشيء والله احسابنا عسير
منى وهي تبكي / كم مره قلتلك لا تعطين احد وجه ودايما اقولك وقفي جدتي عند حدها ولا تسمحين لها تمد ايدها اما ابوي فقوليله ان مديت ايدك والله لاكلم خالي سعود وهو يتفاهم معاك وقولي للكل انك ماراح تلمسي شيء بالبيت واي احد يحاول يمد يده عليك مجرد اتصال على خالي سعود يقلب البيت عليهم بس انتي ما تسمعين كلامي وهذا حقك ...........
ريم / قلتلك ما اقدر اخاف
منى بصراخ /هذا انتي دوم مشاعرك الي تمشيك...........لازم تتغيرين وتقسين عشان الكل يخاف منك
انا ماحد يقدر يحاكيني بالبيت لا ابوي ولا جدتي
رهام بصراخ / عبالكم بس انتو عندكم معاناه لا ومكبرين الموضوع شلون لو عرفتم ان فيه بنت حتى وهي في بيتها ما تحس بالامان طول عمرها عايشه بخوف
بس رهام على طول سكتت حست انها كانت بفضح خلود

هدى / رهام شالسالفه ؟؟؟؟

رهام بتوتر / لا خلاص ما في شيء

ندى بصراخ / بنات شفيكم كل دقيقه انصدم بوحده منكم وانا كنت متوقعه انا خوات وما بينا اسرار بس للاسف صدمتوني واذا بتمون كل وحده عايشه باحزاتنها وما تشاركنا فيها بقول لابوي يردني للكويت وما راح اضايقكم لاني عرفت ان كل وحده توهم الثانيه انها تعرف كل شيئ عنها وانا كنت اقولكم كل شئ ((( وبدت تبكي )))))
الكل قعد يهدي ندى ووعدو بعض ان ماحد يخبي شئ مره ثانيه .
رهام/ بنات انا ماراح اخبي عليكم سئ بس هالسالفه ما اقدر اقولها لانها سر عندي
هدى / احنا ما راح نعاتبج لان سر بس قولي البنت الي قالتلج وحده منا ؟؟
رهام /خلاص انسو السالفه هذي امانه
هدى / على راحتك .................................................. .................................................. .................................................. ....

((( بالمطعم ))))))))))

حمد وخلود كانو قاعدين بغرفه مسكره فنزلت خلود عبايتها وملفعها ...

كانت لابسه تنوره قصيره لما الركبه لونها اسود باحمر وقميصها احمرفيه بروش اصفر ومحوط رقبتها ريش ومحزم التنوره اسود ولابسه كعب اسود ولابسه شراب الشبكه ولامه شعرها ومطلعه خصل على مكياج خفيف مره وطالعه قمر 14 بس كان مبين على خلود الحزن يعني أي احد يشوغها يعرف انها متضايقه كانت طول الوقت تطالع المنديل الي ع الطاوله
حمد بضيقه وهو يشوف حزنها / ليه ما تاكلين
خلود بنفس الحاله / مو مشتهيه
حمد وهو يتاملها / سديت نفسك ؟
خلود بنفاذ صبر / ايه لااخيرا عرفت ما ابيك ولا ابي اكل معك
حمد ماسك نفسه وبصوت حاد / قصري حسك لا اقص لسانك
خلود / مو انت تتحكم فيني يمكن لا جاء العرس تقدر بس تاكد عمرك ما راح تتحكم بقلبي
حمد حزت بنفسه الكلمه / لاحول الله ....ماحد طلب حبك احتفضي فيه بس خليني افطر لاتسدين نفسي
خلود بتهور / حاصلك حبي وتقول لا اصلا قلبي اخذه الي احسن منك
اشوفكم بالبارت الجاي ان شاء الله
1) تتوقعون شردت فعل حمد ؟؟؟؟؟؟؟؟؟ وهل راح تنتهي العلاقه ولا يدوس على رجولته عشان خلود؟؟؟؟؟؟؟؟؟؟؟؟
2) شنو الخوف الي يحاصر خلود الي تكلمت عنه رهام عند البنات؟؟؟؟؟؟؟؟؟؟؟؟؟؟
3) سنو ردة فعل فارس لو درى ان ريم انخطبت وابوها وافق ؟؟؟؟؟؟؟؟؟
4) شنو السبب الي يخلي خلود تكره حمد تتوقعون عشان كان يظربها لما كانت صغيره بس؟؟؟؟؟؟؟؟
5) شنو بيصير مع هدى وعبدالله ؟؟؟؟؟؟؟
اتمنى اسمع رايكم لاني لو ما شفت ردود كثيره راح افهم ان الروايه مو حلوه و ماراح انزل البارت الجاي