قصة اعجبتني ههه

1. تحسون أن صاحب الموضوع خرافي ههه


2. خلوني اعطيكم بعض من المعلومات قبل سرد القصه ..


3. جاء المنظم الرحله ..طبعا اسمه عارف ..

كيفكم ياحلوين

تحسون أن صاحب الموضوع خرافي ههه

خلوني اعطيكم بعض من المعلومات قبل سرد القصه ..

انا احب اتابع الافلام الوثائقيه عن الحيونات .. واعرف معلومات عن اسماك القرش واخطر الانواع .. وطبعا اخطر نوع القرش بحر الابيض المتوسط .. وتابعته يوم قاعد ياكل السياح على شاطئ ايطاليا .. ومتاثر جدا جدا ..
المهم
قبل سنتين .. قررو الشباب ان يخيمون في بحر الشعيبه .. وبحر الشعيبه يقع جنوب بحر جدة ..!!
وساعه في الخط لحد ماوصلنا .. بنينا الخيمه وشغلنا الماطور وجلسنا نلعب ونص العيال يسبحون .. والي يتعلم صيد السمك .. وكنت اللعب ورقه مع الشباب الي في الخيمه ...
جاء وقت العشاء .. نص العيال نامو وانا معاهم .. صحينا الساعه 4لحد مااذن الفجر .. صلينا وفطرنا .. بعدها انطلقو الشباب للصيد والسباحه .. وانا جالس على الشاطئ ارسم على الرمال شكلي مو لايق .. الدقن شبه سكسوكه ويلعب على الرمل ..
جا واحد من الشباب .. قال : وديع ليه ماتسبح مع الشباب ؟؟
قلت :: لا ابغى اللعب ب الرمل ابغى ارجع ذكريات الطفوله .. في الحقيقه .. ما أعرف اسبح .. وابغى اصرفه ..

جاء المنظم الرحله ..طبعا اسمه عارف ..

قال عارف عندي لستك في شنطة السياره .. فعلاً راح عارف وجاب اللستك طبعا كان معباا ب الهواء شكله زي البالون وكبير مره .. لو احطه في وسطي مستحيل اغرق ..
والعيال تحمسو يوم شافوني في البحر اللتفوا حولي يمكن 9اشخاص الي يسعرض والي يسحب والي يضحك نياهاهاها شغالين تغريق واقعد اشرب من الملح وانا اتحسبن زي العجايز ههه عيوني كلها دموع ههه ما اقدرر افتح .. من الملح
والعيال كلهم سباحين .. وكان شكلي فله اضرب واشرب ملح ههه
واحد من الشباب قال لازم نروح لحد الخط الازرق الغامق .. الشباب قالو قدام وانا كنت مرره خايف ..
كان في البالون حبل مربوط وكان واحد من العيال يقودني .. اسمه ياسر
وصلنا للحد الازرق الغامق ... واناظر الخيمه الا هي بعيده .. وفجأه والا وأحس شئ نغزني من تحت الشورت .. في ردوفي ههه
قلت يمكن من البالون ...
وتجيني نغزتين قويه .. طبعا اشتلغت مقاطع الفديو الي في راسي .. وقلت ياوديع رحت قنبري لسمك القرش .. حسبت اني ابغى اموت ..
صرت أكثر تسبيح واستغفار .. وطالبت الشباب بي الرجوع بدون توضيح السبب ! اخاف اعلمهم بان في سمك قرش تحت رجولي يتركوني اانا والبالون ضحيه انياب القرش ههه
وفعلا الشباب بدؤ بي الرجوع وانا اسبح واتحسبن .. بغيت اسوي مسجد في البحر
وتجيني ثلاث نغزات من اسفل الشورت .. راح وجهي مثل الاطفال اليا اكلو الليمونه ههه ابغى ابكي وابغى اصرخ .....
وانا اقول لي ياسر سريع هيا .. يوم قربنا نوصل قال ياسر :: وش فيك تنافخ .. احمد ربك اني دافك دقول صبي عند ابوك .. قلت فيه سمك قرش تحتي .. قال وش ؟؟ قررش
سحب الحبال وقعد يسبح بسرعه وصيح على العيال المتاخرين .... ياشباب في سمك قرش .. هيا
وقد يسبح لحد ماوصلنا قرب الشاطي .. وبعدها فكيتهاا ركض والشباب جوو من البحر وقلبي وجعان من قوة الخوف ...
واحس شئ يتحرك داخل الشور من ورى .. قعدت افتش .. طلعت اسماك صغيره نشبانه داخل الشورت .. يعني مافيه سمك قرش ولايحزنون ههه
الشباب تجمعوو .. قالو وين شفت القرش .. !!
قلت سالفة السمكات الي داخل الشورة .. ضحكو الشباب .. قالو ياخواف ....
قال :عارف طيب ..وين جاتك التحاسيب ؟؟ انو فيه قرش ؟؟
قلت من وصلنا للحد الازرق الغامق ...
قال ياسر :: ليه ماكلمتنا من بدري ؟؟ قلت خفت اقولكم .. تشردون عني #_#"
قال واحد من الشباب .. والله أنك اناني .. رديت عليه .. لو علمتك ان فيه قرش لاتضيع وين تروح .. يمكن تروح السودان سباحه ههه والشباب يضحكون ..
قال عارف كيف قدرت ان تكتم السالفه .. ووين كلمتهم ................ عارف يحب يحفظ الاحداث المضحكه عشان كذا قاعد يحقق معي ...ههه
ووين ........؟
قلت :: ابغى انام .. انا اليوم حملت قلبي فوق طاقته ههه
نمت ونسيت .. بس الشباب ما نسوا كل ماشافوني .. وديع هيا شعيبه ههه يمكن فيه حوت يعلق في سروالك ههه رحت تريقه ههه
الله كريم
انتهت قصتي ... ياحلوين
منقوول