قصة بنت عمتي شلون تزوجت وقصة رفيقتي شلون انخطبت

لبيه عطره وشماغه

10-09-2022 - 12:51 pm

قلتها ماعليج ادعي ربج والله صدقيني راح يرزقج احسن منهم كلهم ..

وصكرت منها ..

بسم الله الرحمن الرحيم
بنأإت القصه هذي مومألفه ولا من نسج الخيال << ياعيني خ
والله القصه هذي انا شفتها بعيوني قبل لااسمعها ..
الغرض منها اولا: حسن الظن بالله ..
ثانيا : التفائل ..
ثالثا : دعاء بظهر الغيب ..
بقولكم القصه ..
ببدا ببنت عمتي ..
بنت عمتي هذي كانت متزوجه وصارت مشاكل مع زوجها وصلت للمحاكم وعندها بنت وزوجها قال اذا اطلقج راح اخذ بنتج .. ووافقت ..
وطلقها واهي عمرها 21 ..
البنت مسكينه تضايقت وصكررت بوجها الدنيا كله تفكر ابنتها قعدت سنتين بس تبكي وتضايقه .. يوم صار عمرها 22 تحسنت شوي ..
اهني البنت فكرت بالزواج ..تبي تتزوج ..كل رفييقاتها تزوجوا ومرتاحين وعندهم عيال اهي لا ..
تخيلوا يابنات كل ماقعدت تتكلم عن الزواج ..
قامت تصلي بليل وتقرا البقره وتتصدق بنية الزواج وتستغفر وكانت واثقه انها راح تتزوج ..
( ع فكره اهم نظامهم البنت ماتاخذ ابعيد لو شنو بس تاخذ من الجماعه ) ..
بنت خالتها قالت يافلانه مافي رياجيل كلهم تزوجوا بقا الصغار ..
تدروون شنو قالت ..؟؟؟
قالت يطلعون ..!!
بنت خالتها قالت شلون يطلعون اهو فب احد علشان يطلعون ..؟؟؟
انصدمنا من كلامها ..؟؟
اذكر كانت تدعي للبنات انهم يتزوجون ...علشان ولك بالمثل
والسالفه الثانيه اخوها املك من زمان تدروون قالت حق خواتها لاتحطون عرس اخوي وانا ححامل ..؟؟؟
اهي ماتزوجت ومانخطبت ..؟؟؟!! وتقول لاتحطون عرسه وانا حامل ...
كانها تدري انها راح تتزوج ..!!
واذكر انها حطت شخص ابالها انعجبت فيه .. والرجال متزوج بس ماعنده عيال .. وكان يحب زوجته ومايفكر يطلقها .. كانت دايما تسال عنه ..
والله يابنات اقسم بالله ورب الكعبه .. ان الرجال قال حق زوجته انا ابي عيال وابتزوج عليج قال تتزوج تزوجج بس طلقني وطلقها وتزوج ...
تزوج منو تزوج البنت اللي قلتلكم عنها .. تخيلوا قال ابي العرس بسرعه ملك وتزوج بسرعه بعد 3 شهوور ..
شفتوا شلون ...
كانت واثقه بربها كانت تدعي وماتخلي صلاتها ..
وقصة رفيجتي ..
هذي الله يسلمكم ملتزمه وحبوبه .. دقت علي مره تبكي ..؟؟
قلت شفيك قالت يالبيه انا فيني شي ...؟؟
قلت لا ..؟؟
قالت لييش محد خطبني ليش محد طق بابي ..؟؟
عورني قلبي قلتها فديتج الله يرزقج ان شالله ..
قالت انتي تدرين اني مافكر بالعرس بس بنات خالاتي وخالاتي احرجوني يقولون محد خطبج تبينا نجيب لج رياجيل ..؟
تقول بيكيت حيل ..

قلتها ماعليج ادعي ربج والله صدقيني راح يرزقج احسن منهم كلهم ..

وصكرت منها ..

ورحت دعيت لها قلت ياارب انت الرزاق الوهاب اللهم انك تعلم ان رفيجتي فلانه تركت كل شي لوجهك اللهم انها تسترت عن الشباب لوجهك اللهم انها ترركت الحرام لوجهك .. اسالك ياارب انك ترزقها الزوج اللي يكون احسن منهم كلهم ويسعدها ياارب .
كنت كله ادعيلها ..
والله يابنات اقسم بالله ان مامر شهر الا واهي دقت علي تقولي يالبيه انا خطبني ولد خالتي يدرس بالشر يعه رجال ملتزم منه صغير وصالح .. تقول الله كريم تقول بكيت حيل ..
فرحت لها يابنات ..
شفتي الدعاء لاخيك بظهر الغيب مستجاب باذن الله ..
ربكم كريم ....
وعندي بعد قصة وحده تاخرت ماحملت وربي رزقها .. بس ماحبيت اطول معاكم ..
بس أبي منكم دعوه ياابنات..
أن الله يرزقني الزوج الي احبه ويحبني ويسعدني ومايخلص الشهر هذا الا وانا املكه ومايجي الرمضان الا وانا ابيت زوجي ..
ادعولي ولكم بالمثل ..

التعليقات (9)

&حتى الوفاصاربثمن&

10-09-2022 - 03:47 pm

ماشاء الله تبارك الله ربي يووفقهم ويسعدهم.
اسال الله العظيم ان يرزقك بالزوج الصالح
ويغنيك بحلاله عن حرامه.
لاتنسينا من دعواتك.

شعور غريب

10-09-2022 - 04:48 pm

الله يرزقك وما يجي رمضان هالسنه الا انتي في بيت زوجك
يارب وتطبخييله كل ما لذ وطاب
ولله قصصك تزيد التفائل جزاك الله خير
والدعاء بظهر الغيب لاخيك المسلم ذكره الرسول
والرسول ما ينطق عن الهوى سبحان الله احنا لو نتبع القران وكلام الرسول نعييش سعيدين
ويتحققلنا كل شي نبيه
ربي اني لما انزلت الي من خيرا فقير

... ورد الخزامى ...

10-09-2022 - 05:49 pm

ماشاء الله لا قوة الا بالله .. الله يهنيهم
والله يرزقج يالبيه بالرجل الي يسعدج ويرزق بالذريه الصالحه
آمين

حلوه بدنيا مره

10-09-2022 - 06:50 pm

امين يارب مايجي رمضان الا وانتي بيت زوجك
وانا يارب وكل بنات المسلمين يارب

شوكولاتة بيضاء

10-09-2022 - 07:52 pm

الله يرزقك ويسعدك ويوفقك يارب ياكريم

اشواق انثى

10-09-2022 - 08:53 pm

ربي يبارك لك ولهم ويارب يرزقني بالزوج الصالح و يرزقك بمن تتمنين ويكون لك زوج صالح تقي نقي مخموم القلب ويرزقك بالذرية الصالحه ولجميع بنات المسلمين امين

الشيخه مريم صباح

10-09-2022 - 09:54 pm

والله العظيم انه فعلا هذا شي صحيح انا كنت دايم اقول يارب ارزقني الزوج الصالح الي من ذوقي في الوقت الي انت تشوفه مناسب لي دايم اقول هالدعاء في صلاتي خاصة اثناء السجود بعدين في يوم ضاق خلقي وكنت ابي اتزوج رحت دعيت رب العالمين في الليل والله مانساهاوانا اسجد كنت زي الي مصره اقول يارب عطيني الزوج الصالح الي من ذوقي الان يارب يارب عاجلا ليس اجلا والله والله انه من بكره انخطبت مو بعدها بشهر والله من بكره لاني كنت صادقه في دعائي وكنت واثقه انه رب العالمين راح يجيب دعائي (انا على ظن عبدي بي) فالواحد يظن ظن الخير وذكرو مشاء الله جزاكم الله خير والله يعطي صاحبت الموضوع وكل بنت تبي تعرس ماتمنت يارب العالمين ياحي ياقيوم..

baby123

10-09-2022 - 10:55 pm

اللهم أرزق أختي لبيه عطره وشماغه بالزوج الصالح الغني التقي الوفي عاجلا غير آجل وما ينتهي الشهر هذا يا ربي إلا وهي مالكة بالزوج الصالح وآمين ما يجي رمضان إلا وهي في بيت زوجها وكل بنات المنتدى وبنات المسلمين آمين آمين آمين

فراشه خليجيه

10-09-2022 - 11:56 pm

ماشاء الله
الله يوفقهم ويسعدهم ويسخرلهم ازواجهم يارب
ويرزقنا وكل البنات هنا بالازواج الصالحين عاجلا

جمال واخلاق وشهادة عالية وماتزوجت←
هل تتزوج هذه وأخواتها→