قصة قصيميات في لبنان قصه مره تضحك

روعة تجن
تكفين فين الجزء الثاني الله يسعدك كمليها اليوم
ومشكورة

خطي يره
يسلمو خيتو على القصه ال CoOoOoOoOoL
ماننحرمش من مواضيعك
يلا يلا يلا وين الباقي <<< تحمست

القصه مره حلوه
مشكوره

أميرة الورد2006
مشكوره أمير على الرد وأن شاء الله بكملها .....
أبرز الفراشات

مضاوي 0
مشكوره مضاوي على الإطلاع الجميل إلي أسعدني كثير .

دمعة المدينه
مشكوره دمعه على المروور وأن شاالله تعجب الكل ..

وهذاء الجزء الثاني
الجزء الثاني
بعد ماسمعو النداء......
حصه : يماه وش السالفه ؟؟
هيله : اقول اعترفي وش انتي مسويه ؟!
منيره : ياربيه فشلتوني روحوا لاتاقفون جنبي مااعرفكم ...
هيله: انطمي اويلاه حنا وين وانتي وين !!
حصه : الله يستر ***
مدير الامن : من فيكم حصه ؟
هيله : اختار انت وش رايك من اللي تصلح تصير حصه ؟!
المدير : تستهبلين انتي ؟! ولا مانتب صاحيه ؟؟
هيله : الا اصحى من امك بعد !!
حصه وبعد قبصه محترمه لهيله : لا انا حصه .. سم اخوي وش السالفه ؟!
المدير : ممكن اعرف ميولك السياسية ؟؟
حصه بعد ان طاحت خشته من هول الصدمه : وشو؟وشلون يعني ؟
هيله : يعني وش تشجعين ؟! هلاليه ياحضرة الزاابط ..
المدير : ترى لو ماسكتي انتي .. عيونك ماراح تشوف النوور ..؟!!
هيله : صدز؟ ههه احسب مير عندك سالفه ..
منيره تسحب هيله برا الغرفه بأمر من حصه ...
حصه : والله اخوي مدري وش تقول .. مافهمت قصدك ؟؟
المدير : ممكن تفهمينن عن سبب وجود سكاكين بمختلف الاحجام حاطتها بشنطتك ؟؟
حصه : هاو .. وش فيها يعني .. انا خفت ناخذ شقه مابه مواعين .. قلت اخذ احتياطاتي من هنا ..
المدير : شايفتن بالروضه تلعبين علي ؟ اعترفي وش وراك ؟
حصه : والله العظيم هذا السبب حتى شف الاغراض ماخليت شي بالمطبخ ما جبته ؟
وبعد تمطيع حلوف وايمان ..
المدير : شوفي سكاكينك بتتصادر .. وبتوقعين على تعهد .. والله يساعدكم .. ولاتعودين له مره ثانيه !!
حصه : سم وابشر ..
....حصه وهيله ومنيره .. ركبوا الطياره ..
المضيفه : مرحبا اهلين وسهلين .. شرفتوا ممكن تعطيني تزكرتك بليز ؟! ايه اختي هون الكرسي تبعك تفضلي ..
حصه ومنيره صاروا جنب بعض .. اما هيله طلع مكلنه جنب رجال ..
هيله : وش تبين انتي !!! وربي مااقعد هنا لو اتعلق بالجناح !!
الرجال :ههه
هيله : وش تضحك عليه انت ووجهك استح ع دمك وجع !!
الرجال : انا اسف !!
هيله : اقول اووص بس! << اسلوب خ
المضيفه : ماعليك اختي هيدا هو محلك .. مو بإيدي انت اجلسي هوون وبعد ماياخدوا الركاب اماكنهوون فيكي تغيريه !!
هيله : اقوول لو يجي ابوي اللي بقبره يقول اقعدي ماقعدت .. ماعلي دبري عمرتس !
الرجال: ههه
هيله : ضحكت من سرك بلا .. خير خير وش تناظر ؟!تبي اسوي بوجهك عزيمه ؟؟!!
الرجال :: طاح من الكرسي من الضحك !!!
هيله : وتبينن اقعد بعد !!اقول والله لو اركب مكان الطيار ماقعدت هنا !!
والرجال ازال مستورا في الضحك المتواصل ..
حصه ومنيره لاهين بتقليب القنوات ***
سمع المضيف صوت هيله الرناان وجاء يشوف المشكله ..
المضيف : خلاص اختي تفضلي اجلسي هناك فيه مقعد بالدرجه الاولى مقعد فاضي ........هيله ( تقل وده تستحي ) :شكرا الله يعافيك ..
وجلس كل واحد بمكانه بانتظار اقلاع الطائرة الى بيروت
بدأت الطائرة بالاقلاع ,,,
استقر كل من حصه ومنيره بأماكنهن .. اما هيله فقد اخذت لها مقعدا في الدرجة الاولى ...
وشويه شوية <<< وينك ياسيبويه ؟؟
بدأت هيله تتحدث مع السيدة التي كانت قاعده بجنبها
- مرحبا يام الشباب << ماهيب عربجيه ابدن
- اهلين وسهلين
- وش اسمتس انتي ؟!
- انا السيد كارول ..
- كارول سماحه ؟؟,,,,,,,خ
- لا شو كارول سماحه !! انا وحده تانيه
- ايه ادري .. انتي لبنانية؟
- أي لبنانيه اصل وفصل
- فصل ولا مقصف,,,,,,,,,,,,, خ
- باردون ؟! ( تعني اسفه او اعتذار )
- لا حرون.......... هههاي
- عفوان ماعم بفهم عليكي ..
- لا ولا شي المهم .. انتي موظفه ولا مثلي حاطزه بالدار...؟
- شو يعني حاطزه ؟؟ لا انا سيدة اعمال
- احلى ياسيدة الاعمال
- ( تبتسم ماتدري وش السالفه)
- وش تشتغلين ؟؟ تبيعين غنم ودبش وحركات ؟!
<< هذا حده المسكينه ههه
- والله ماعم بفهم شو اصدك .. لكن انا بشتغل بالاسهم وهيك بشوف شغلي بالحافظات ويعني هيك شي ؟
- حافظات ؟؟ايه يعني تطبخين وتبيعين ؟!
- اطبخ شو؟! لا حبيبتي انا عم بشتغل بالاسهم ...؟
- يعني وشو انا مااعرف ,,
- انا بفهمك .. لكن شو اسمك ؟
- انا اسمي هيله .. تقدرين تناديني الهلي << ام العربجه !!
- لا مابدي إلك الهلي .. بدي ناديك هلو ممكن ؟؟
- ايه ميخالف .. ان بغيتي نادين سحيله ام الخلاقين ..
- ايه احلى نادين .. خلاص اسمك نادين ؟
- لا والله انتس تنكه ؟
- شو تنكه ؟
- ماتعرفين التنكه ؟!<<بريئه ياعالم ..
- لا مابعرف
- انا اعلمتس بس انتي علمين وشو شغلتس
_ _ _ _ _ *_ _ _ _ _ *_ _ _ _ _ * _ _ _ _ _
حصه ومنيره لا هين مع الشاشه الي قدامهم ,, وكل وحده حاطه السماعه باذنه ومطوله عالاخر
حصه : منيره .. شوفي المحطه هذي ازين !!
منيره : وشو؟؟؟ مااسمع
حصه : اقول اليوم حر
منيره : وشو نطلع البر ؟؟
والناس يظحكون عليهم لان اصواتهم واصله للكابتن ..
_ _ _ _ _ * _ _ _ _ * _ _ _ _ _ * _ _ _ _ _
المضيفه بدت تدور بالقهوه تضيف ركاب الدرجة الاولى
هيله : تكرم التعمه وش ذا القهوه وع!!
المضيف: شو فيها ..؟؟ مش حلوه ؟!
هيله : وخري وخري بس انا اوريتس القهوه الصح ؟
وطلعت هيله من شنطته الصغيره<< لا حظوا انها صغيره
غلاية صغيره قالت : وين المطبخ ؟؟
ودخلت العمه وصلحت قهوه وبدت هي تصب للركاب .. والجميع يشيد بمهارتها في تصليح القهوه.. وعينتها كارول : سفيرة الكليجا الحسنة
هبطة الطيارة في مطار بيروت الدولي ...........
_ _ _ _ _ * _ _ _ _ * _ _ _ _ _ *_ _ _ _ _
حصه: هاو هيله منهي ذي اللي متعنقطه بيدتس؟!
هيله: هذي صديقتي اللولي .. تعرفت عليها بالدرجه الاولى ...
منيره: هاو ماشاءالله ووش موديتس هناك بالدرجه الاولى ؟!
هيله : اوف لاتحتكين يالله انزلي وانتي ساكته
نزلو البنات ومعهم كارول ...
كارول : لا مابيصير هيك تروحوا من غير ماضيفكوون عندي!!
هيله : معليش خليه مره ثانيه رقمتس وعندي اذا بغينا دقينا ..
كارول: اوكي حبيبتي بس هاه لاتنسي بدي تنكتين كليجا منك !
<<خربت الحرمه ههه...
وحصه ومناير: ههه والله ياانتي ماقصرتي مع الحرمه !!
_ _ _ _* _ _ _ *_ _ _ _*_ _ _ _*_ _ _ _
وصلوا للأوتيل وكل وحده اخذت لها سرير وناموا وكل وحده تحلم ببكره وين بتروح ووش راح تسوي في أول صبااح بيرووتي ...قامت حصه كالعاده وصحت الاميرتين الصغيرتين ....
ودقت هيله على الرسبشن reception:
_ الو.. لو سمحت نبي فطوور الله لايهينك ..
_ ايه من عيوني مدام .. شو مابدك أولي ..
_ لا مهوب من عيونك من المطبخ هههاي
(((( حصه تناظر هيله بنص عين ))))
_ هههوالله دمك عسل .
_ ادري .. المهم نبي فطور.
_ شوبدك تفطري ؟!
_ وش عندكم ؟!
_ عنا....
Breakfast.... american
Italian breakfast...eeastern breakfast
انتي اختاري مابدالك وحنا نضمن لك الجوده والطعم الحلو...
_ والله مدري وش تقول مير نبي ان تسال عندك فوول وخبز حاار وشاهي ..؟!
_ باردون؟!
_ ههه لا حرون حتى انت ؟!..
_ سوري مس هيله بس انا مابقدر افهم شو اصدك ؟!!
_ مس؟! مس ولا 0مغرفه؟! اقول مسك جني عطنا احد يعرف عربي ؟!!
_ ي 00000انا عم بحكي عربي بس انتي اللي عم تحكي برتغالي !!
_ برتغالي يلون جلدك قل أمين ..
_ سووري مس.. ازا بدك انزلي واختاري لك فطورك .. عنا بوفيه مفتوح..
_ ومتى يصك...؟! خthanks for calling
طراخ<< طبعا ماارتفع ضغطه المسكين ..
_ _ _ _ * _ _ _ _ * _ _ _ _
منيره: هاه هيله وش صار على الفطور..؟!
هيله: يقول انزلوا تحت واختاروا للي تبون فطوور...
حصه: ازين بعد عشان ناكل اللي نبي ...
ونزلت السندريلا هيله وخواته للوبي تحت...
هيله بعد ان فغرت فمها :طاعوشته شوفي الاكل اذا قالول اكل .. اجل حنا فول وخبز حار .. لا وبصحون بلاستك .. بعد !!
حصه:ايه هذا العز ... يالله بس .. خلونا نفطر وناخذ لنا طاوله ..
منيره: وه بس كلن يناظر .. لو مخليننا نشيل عباياتنا كان احسن ..
حصه: اقول انثبري ..من زين وجهكن الحين عشان تكشفوون؟!
هيله: اقول اوص ابختار انا هذيك الطاوله تهبل.. على الشارع .. ناكل ونقزقز هع هع هع ...
وراحت مناير واخذت لها فطور محترم ونعوم.. وهيله بيده صحنين وماخلت شي ماحطت منه ؟!
منيره: هيله انتي وش ذا؟! بتاكلين كل هذا..؟!
هيله: لا موب لازم اكله كله ..يختي دافعين فيه فلوس .. لو احطه بالقمام ماخليتهم يتهنون به!!
منيره: الحصي.. وش بلاتس؟! وراه مااخذتي فطور؟!
حصه: ماابي شي بي مر بتسبدي .. مدري وش انا ماكله !!
هيله: لا والله حنيتي للكراث ههه
الجزء الثاني وخلص....
انتظرو الجزء الثالث.......

هلا عمري بليز كمليها سرعه خلينا نشوف الزاحفه العربجيه

الله يخليك حطي الجزء الثالث بسرعه
خلينه انشوف اخرته