قصتنا مع زوجة ابي الساحره تكفون ادعو لنا

السلام عليكم ورحمة الله وبركاته
مدري كيف اكتب قصتنا او كيف ابدا والله يابنات اول مره اكتب قصتنا في النت و المنتدي
وهذا ثاني مره امسح فيه كل مااكتب يارب اقدر اكملها ولا امسح اللي كتبته
احنا 3 بنات كلنا في بداية الثلاثينات متقاربين من اعمار بعض مسحورين سحر تعطيل عن
الزواج والوظائف من زوجة ابوي حسبي الله عليها ونعم الوكيل
لا واللي تعب نفسيتني اكثر ابوي في البدايه سحرته مايجي ابدا لبيتنا احنا ساكنين في بيت واحد
فيه شقق امي بشقه وابوي وزوجته بشقه ابوي مايصرف علينا ابدا ولاعمره جاء بيتنا مع انه مايتعدى
خطوتين امي قلبها طيب تعامل الاساءه بالحسنى ماعمره اخطت على احد ولا تبينا نخطى عليها
سحرت ابوي و عطاهم كل فلوسه ورصيده في البنك اولاده اللي اصغر من اخواني معهم
افخم السيارات واخوني مو لقين حق سيارة الاجره راحو له قال له كلموه قال انا متبراء منكم ولا ابيكم
استمرت على هذا الحاله حتى زوجت 2 من بناتها طبعا اصغر منا
بعد زواج بناتها انتكست حالة ابوي
حاولو اخواني ياخذونه للشيخ قال مافيني شي
اخذت حتى الاراضي اللي بأسمه استولت عليها هي واخوانها بتأثير السحر
باعت ارض من اللي عنده وزوجت ولدها والباقيات بأسمائهم وباعو اغلبها
حالة ابوي منتكسه من السحر
الكل لاحظ عليه ضعف البنيه والنسيان راحو اخواني بالقوه جابو له دكتور في غرفته قال مافيه شي
وضعف البنيه من قلة الاكل خلاص اخذت كل شي وتركته حتى الاكل ماتعطيه حسبي الله عليها
وفوق كل شي متمسك فيه المهم ماعلى لسانه الا اسمها راحت هي وعيالها وبنتاتها
تتمشى بالشرقيه وتركت ابوي في غرفته والله حالته ماتسر العدو رحنا له وجبنا الاكل لغرفته
حاولنا نجيبه لبيتنا ورفض قالت امي اهم شي يوصل له الاكل والله ياناس حتى اسمائنا مايعرفها فاقد الذكره
ولاعاد يصلي ويكره القران والمشايخ وذكر الله
بعد مارجعت شافت حالته و احنا نجيب له الكل اعطته سحر صرف عنها خلاص ماعاد بقى عنده شي كل شي اخذته صرفته عنها وعن بيتها وجاء عندنا
ناكله ونغسل ملابسه مع انه يلعن امي ويصارخ عليها وامي معها ضغط والله نخاف عليها ولا يعرف احد منا ومايحب اخواني ويكرهنا
والله حتى ماعاد نطلع من بيتنا نجلس عنده حطت له سحره كره لنا يكرهنا ويكره اخوي
الكبير بس نعامله بالحسنى والطيبه مهما كان ابونا حتى اخوي الكبير يسبحه وينظفه راحو فيه
المستشفيات قالو سليم من كل الامراض حتى المشايخ اول مايقرون عليه مايتاثر في شي
ويتركون رقيته ولايحب يسمع سورة البقره بالاخص و احنا دايم نشغلها في البيت يحب يجلس في الحمام اكرمكم الله ساعات كثيره بدون مايقضي حاجته بس يوقف في
زويا الحمام ويكلم نفسه ..... ولايروح لها صرفته عنها ومايحب احد يتكلم عنها بشي ...
واحنا مسحورات بسحر تعطيل عن الزواج كلنا والله يابنات اكتب قصتنا ودموعي على خدي ..
اخونها شوهو سمعتنا يقذفونا بالكلام بين الناس هما في مدينه ثانيه ومايقلون للناس الا الكلام
الوسخ عنا وحنا وربي الشاهد مو ناقصنا شي جمال ودين واخلاق تعبت نفسيتنا تمنيت اني ماطلعت
على الدنيا حتى الوظاايف موقفين ومربوطين عنها تمنيت اني اشتغل واشغل نفسي واطلع من جو
البيت اللي كله صياح ابوي ولعنه وسبه لنا ولي امي ...رحنا لمشايخ بس المشايخ اللي بنفس منطقتنا
مااستفدنا منهم والحمد لله ندعي ونصلي ويارب انصرنا و اشفينا وفك سحرنا ياسميع الدعاء
بنات سامحوني ع الاسلوب والاخطاء اول مره اكتب قصتنا واسفه ع الاطاله ..
والله يخليكم ادعو لنا احنا بحاجه لدعواتكم ..