قصتي مع الطبخ لكل مقبله على الزواج ومو عارفه تطبخ

1. وهم مستغربات خبرهم ماعرف اطبخ

مساكم ورد
وكل عام وأنتم بخير وصحه وسلامه
كثير أشوف موضوعات لبنات مقبلات على الزواج يشتكون مايعرفون يطبخون
ومابقي على زواجهم الا شهرين او ثلاثه او اربعه على الأقل
أنا مثلكم والله ماكنت أعرف المطبخ
كان كل همي دراستي وبس واعرف اسوي حاجه خفيفه مثل مكرونه او رز ابيض ساده
حتى الدجاجه والله ماكنت اعرف كيف انظفها او اغسلها
من جد كانت مشكله ولما انخطبت قلت يابنت استحي على دمك
وادخلي المطبخ
أخذت دفتر وقلم ودخلت على منتدى الفراشة قسم الطبخ وجلست اتصفح وبصراحه اعجبتني الاطباق
وبالذات المصوره وحبي لخطيبي واحترامي له ومعزته بقلبي خلاني اقرر اني لازم اكتب واتعم الطبخ حتى لو فشلت مره او ثنتين
وبالفعل اول مابديت ب اطباق الاخت ضي العين الله يجزاها الف خير وربي ادعي لها ليل نهار رغم اني مااعرفها وبديت اطبق اطباقها والف حمد وشكر لك يارب طبقت المقادير بحاذفيرها
وضبطت عندي وشويه شويه ضبطت اكثر الاطباق والحمد لله ظبطت وذلحين بعد اربعه شهور او خمسه تقريبا من متابعتي لااطباق الاخوات في منتديات الفراشة وغيرها
صارت حتى امي تعتمد علي لما تكون خارجه من البيت او عندها شغله وصرت اعمل غدا وعشى لااخواني
وخطيبي الله يحفظه لي مبسوط بقوة وقال قالوا لي ماتعرفين تطبخين قلت مو مشكله تتعلم مادريت انهم يمزحون معي ومو قادر يصدق اني تعلمت هذا كله من اول يوم في خطبتنا
وصار دايم يقول لخواته مافي احد يعرف يطبخ الحلا مثل زوجتي ولااحد يعمل مثل المندي الي تعمله او البروستد ههه

وهم مستغربات خبرهم ماعرف اطبخ

ف نصيحه لاتقولين مااعرف اذا تحبين خطيبك ابدئي وتعلمي ولاتقولين مايكفي شهر او شهرين والله يكفي ويزيد وتصيرين شيف بعد بس لازم عزيمه واصرار ولاتقولين مااحب المطبخ ولا الطبخ والنفخ ترا وربي ماراح ينفعك والرجال يحب الحرمه السنعه في كل شي
عندك قسم الاطباق هنا بجيمع انواع خذي وطبقي وابدئي مثلي ب اطباق الاخت الفاضله ضي العين الله يجزاها الخير وشوفي النتيجه وشوفي فر حتك ب اول طبق تعملينه