قصه جدا جدا جدا جميله ويمكن تكون حصلت للجميع بس هنا مختلفه

آسفه حبيبي اذا ماقلت هالكلمه لك لكن مابقولها لغيرك
قصه محزنه جدا ......
بنت عمرهاا 20 سنه كانت تتصفح برامج الأنترنيت فتحت أكثر من موقع
>فيه فلفت نظرهاا منتدى من المنتديات اشتركت فيه عيبهاا شكله ارتاحت
>له قعدت اتشارك وتحط مواضيع مع مرور الايام انشات صدقاات مع البنات
>سوالف وضحك ومقالب للاعضاء وكل يوم على هالموال مرت شهور على
>اشتراكها فى هالمنتدى فى يوم من الايام وصلتهاا رساله على الخاص
>من المراقب الاسير وهالرساله كاتب فيهاا أنه معجب فيها
>وبخالقها وحاب يتعرف عليهاا ...وكل هالكلام كان عن طريق الرسايل
>الخاصه ..
>>دمعة وفى : اسمع اخووي أناا ماعرفك وانته ماتعرفني ولو سمحت عن
>الكلام الفاضي اللي ماله معنى .
>>الاسير : هذا كلام فاضي !!! هذا اللي اقوله كلام فااضي !! الله
>يسامحج .
>>دمعة وفى طنشته ماردت عليه واليوم الثاني وصلتها رساله من
>الاسير .
>>الاسير : السلام عليكم . كيف حالج ؟؟ شو أخبارج حبيبتي ؟؟
>>دمعة وفى ماردت عليه ماعرفت شوو تسووي
>>وبعد مرت الايام وهو يطرش هالرسايل ويزعجهاا مايخليها تقرأ أي
>موضوع ويكتب لها كل شئ يصير له فى حياته اليوميه مثلا بروح
>الصناعيه وبرجع وبروح السوق وبرجع وبروح المستشفى وبرجع .....ألخ
>ودمعة وفى ساكته ماترد عليه حاولت تحط تجاهل حق رسايله ماقدرت لانه
>مراقب .
>وبعد فتره دمعة وفى كتبت بالاهداءات أنهاا مسافره ألمانياا وأنه
>يمكن تتأخر وأول ما قرأ الاهداءات طرشلها رساله .
>>الاسير : أنتي ليش تعذبيني جيه حرام عليج اتسافرين وتخليني بروحي
حرام
دمعة وفى : أناا ماعطيتك شئ ولا سويتلك شئ عشان تقولي حرام عليج
وأنته شوو تباا مني ؟؟
الاسير: أنتي ليش عنيده عطيتج قلبي وحياتي وابتعدت عن أهلى ونااسي
وهذا كله عشانج أنتي بس وابيع الكل واشتريج ..
دمعة وفى : لاتعليق
الاسير : ليش أنتي جيه ؟؟ قبل لاتسافرين قوليلي صارحيني منو انا
بالنسبه لج طفئ النار اللي فيني ..
دمعة وفى : بحفظ الله بخليك .
الاسير : هذا اهداء لج أغنية من بين الناس حبيتك وانا
بستنااج لين ترجعين وبكتب كل يوم رساله حبيبتي .
سافرت دمعة وفى ومرت شهرين على سفرها ورجعت مشتااقه حق
صديقااتها وسوالفهن ويوم دشت المنتدى والرسايل عندهاا يمكن خمسين
رساله يوم فتحتهاا كلهاا كانت من الاسير قعدت تقرأ وتفتح رساله وراء
رساله والرسايل كانت تحكي يوميات الاسير بالتفصيل وكل شئ صار له
دمعة وفى حذفت كل الرسايل ماهتمت له . ردت تقرأ مواضيع وتتكلم مع
صديقااتها وشووي توصلهاا رساله من الاسير .
الاسير: الحمد الله على السلامه والله العظيم اشتقت لج واايد
والمنتدى مب حلو بدونج حبيبتي .
دمعة وفى : الله يسلمك .
الاسير : انتي ليش جافه معااي ؟؟ ليش قاسيه ؟ ليش انتي أنانيه ؟؟
قلت بتسافرين بتفكرين فيني بتحسين بس انتي الله يسامحج ..
دمعة وفى : أخووي شوف أنا ماريد أعطيك آمال انته بعيد عنها واناا
بعيده عنها وخلناا نبتعد بالطيب لانك أنته وين واناا وين ودامني
احترمك بليز ابتعد .
الاسير : بس قوليلي كلمه حلوه أناا طمعان بخلاقج وكرمج وانتي دخلتي
قلبي أرجوج على الاقل قوليلي حبيبي لاتحرميني من هالكلمه واناا
مابخليج لين ماتقولينهاا حتى لو نذليت عندج ..
دمعة وفى : أخووي هاي الكلمه بشوو بتنفعك مابتنفعك بشئ شوف اناا
بخليلك المنتدى وبطلع بلا رجعه . بحفظ الله .
الاسير: خلاص لاتقولينهاا خلاص بس لاتخليني بروحي أرجوج على الاقل
أشوف نك نيم مالج واعرف انج بخير .
بعد فتره قبل رمضان الماضي كتب رساله يقول فيهاا انه رايح
العمره مع
الشباب
دمعة وفى : الله يهديك .
الاسير : تعرفين شئ أنتي حبيبتي وبظلين حبيبتي لين ماموت ياملاكي
العنيد وبظلين ملاكي العنيد للابد .
دمعة وفى : بحفظ الله .
مرت الايام وهو مسافر ودمعة وفى ادش المنتدى وتقرأ مواضيع وتسولف
مثل قبل بس فى يوم من الايام
حست أنها مضايقه حيل ماعرفت شوو سبب ضيقتهاا تحس شئ ناقصنهاا
فجأه طرأ على بالهاا الاسير
بس ماتعرف شوو هالشعور اللي فيهاا شووق وله حب حنين له وتقول فى
خاطرهاا ( وين اللي كان يضايقني )
حست بقيمته حست انهاا ذلته وايد هيه حبته بس ماتقدر تعطيه حبهاا
ماتقدر تعترف له والاسباب وايد
وتقول القدر مابيجمعناا لانه هو ين وانا وين لكن ماعرفت تعبر
عن مشاعرهاا اتجااه ..
فجأه فتحت صفحة الرسايل بلا شعور أهدته أغنية الاماكن كلهاا مشتاقه
لك .... ألخ
مرت اسبوعين على سفرته ولا رجع ودمعة وفى بالهاا مشغول عليه دشت
المنتدى يوم شافت رساله فرحت قالت فى خاطرهاا (وصل) بعدين شافت
أنهاا من المدير العام اللي هو ولد عم الاسير حزنت فتحت الرساله
وياليتهاا مافتحتهاا كانت تقول الرساله بأن الاسير مات .
انصدمت دمعة وفى وهي تقرأ الرساله ماعرفت شو تسووي
حست انهاا
مخنوقه ماقادره تقول شئ أو تكتب شئ وفى كل مره تفتح
الكمبيوتر تسكره
بس فيهاا فضول تباا تعرف شوو اللي صاار له وكيف مات ؟
أتجرأت ودخلت المنتدى وكتبت حق ولد عمه رساله تسأله عنه
وياليتهاا
ماسألته
رسالة المدير العام : كان راجع من العمره واتصل فيني وقالي أفتح
المنتدى واشوف اذا رساله وصلته منج وهو على الخط فتحت
المنتدى وشفت
رسالتج والاهداء مالج فقلتله فرح واييد بالاهداء وقعد يقول لي فى
التلفون والله اني احبهاا هالانسانه ويقول متى برجع ؟؟
وسكر التلفون عني واليوم الثاني وصلناا الخبر بأنه فى المستشفى
سافرت له وصلت عنده فى الغرفه وكان يتكلم مافيه شئ ويقول أريد
اسولف
معهاابس حاس اني بموت قبل لا أسمع منهاا شئ وعطاني رساله
لج وقال
الشهادتين ومات والاطبااء قالو انه بسبب النزيف الحاد مات
وعرفي انه ذكرج انتي ونسى اهله مافكر فيهم فكر فيج انتي وبس
يعني
باع اهله وشتراج والسموحه .
وهذي رسالة الاسير الاخيره : حبيبتي ملاكي العنيد أناا حبيتج
بصدق
ويشهد الله على كلامي وبظل أحبج طول عمري أو مابقى لي من
العمر ولا
بخونج بظل وفى لحبج كنت أريد أشووف كلمة حبيبي يوم أوصل
بس اناا
راضي بحكم رب العالمين كنت اريد احس بمعنااته وطعمهاا بس
يمكن
ماارجع يا ملاكي بس عرفي اني راضي عنج كل الرضاا حبيبتي اذا مت
لاتندمين علىاي شئ اناا ماشفتهاا هالكلمه الحين بشوفهاا بعدين لانه
دنيتي زايله واناا حاس بهاا شئ واناا اول شئ بطلبه من الله اني
اشوفج أنتي ملاكي العنيد هناك الله مابيحرمني منج واتمنى أنج
تعيشين
حياتج فى الدنياا مع اللي خترتيه لاني باخذج منه حبيبتي اهديج كل
ورود العالم ياملاكي العنيد حبيبتي افرحي لا تشيلين هم الدنياا
واناا بستنااج مع خالص حبي .
دمعة وفى قعدت تصيح وتلوم نفسهاا على كل اللي صار وتقول
ليتني
مادشيت المنتدى ولا عرفت شئ عنه أناا انسانه بلا مشاعر ولا
أحااسيس
كيف بعيش حياتي واناا حرمت هالانسان حياته .
ماقدرت تستحمل أكثر من جيه كتبت رساله حق المدير تقوله انهاا
بتطلع
من المنتدى وانته مابترجع لانهاا ماتقدر تشووف كل شئ يذكرهاا
فيه
توقيعه مواضيعه ضحكته فى الالعاب فى كل شئ ..
المدير العام : نحن بنغلق المنتدى لانه مانقدر انكمل فيه بدونه لانه
خلاص الحزن مسيطر على الكل ونسيت اقولج أنه قبل لايسافر قالي
اجهز
سيارته واكتب عليهاا ملاكي العنيد واناا جهزتهاا وهااي صوره
منهاا
لانه الله ماأراد انه يهديج اياه يوم يرجع بس نحن راضين بحكم
الله
.
دمعة وفى : أنته ليش جيه تحسسني بالذنب وتعذبني حرام عليك
حرام .
المدير العام : هذا اللي يريده واناا اوصل الامانه والوصيه لا اكثر
ولا أقل وانتي الله يسامحج على كل اللي سويتيه فيه .
طلعت دمعة وفى بلارجعه وهيه تحمل معااههاا الحزن والندامه
واللوم
على كل شئ سوته فيه الله يرحمها ..
آسفه حبيبي اذا ماقلت هالكلمه لك مابقولها لغيرك
ملاكك العنيد
لكي تدرك قيمة الحبيب أو الحبيبة... أفقده
خذاك الزمن مني وترك
لي أشواقي
لكن ماخذا ذكراك من
باقي أوراقي
عيشووا اليوم بيومه