قصه عشان الحب قصه روعه قصه سعوديه وقصتي الاولى

حلوه والله بس لو البارت اطول
بس تكمل بقرأه الحين نو وي مااحب اتعذب
لا تتأخرين علينا نبيها تخلص قبل رمضان
يعطيك الف الف عافيه يارب

حلوه يعطيك العافيه بس ياليت انك تخلصيها بدري قبل رمضان

هاي جبت لكم الجزاء الثاني ومشكورين حبايبي على ردودكم
مشكوره اختي عناقيد الضياء وlanu love
وانتشرف انكم تكونو اول مشجعين لي
وان شاء الله اخلصها قبل رمضان بس دي يرجع لكم

الجزء الثاني
في بيت ابو محمد الكل مجتمع عشان طلعت ام محمد من المستشفى
ام الوليد:اقول ويش رايكم يوم الخميس نروح المزرعه
ام مشاري: اي والله قلتيها خلاص على بركات الرحمان نروح
ام طلال: يؤؤؤ لو عرفو البنات بيجنو
مرت مشاري(سمر)والهنوف:يلا احنا بنقول لهم
ودخلت عليهم (هم جالسين في غرفه النساء والنساء في الصاله):هاي
كلهم:هايات
الهنوف: عندي لكم خبر يسواء مليون ريال
رنا: قولي بس مانضمن لك راس المال
قمر: لالالالا سمعي احنا بنعطيك ريال وانتي حطي الاصفار
الهنوف:هاهاها بايخه
سمر:بس اقول انتي معاها تدرون (وتطالع فيهم بنظرات تشوقهم) تدرون
البنات: شنو؟
سمر: تدرون اني باسافر
قمر: لا والله بايخه انتي معاها وليه بتسافري وتخلينا بحالنا
سمر:ههه مابنسافر اقص عليك تدرون انه بنروح المزرعه يوم الخميس
البنات (بوجه فرح وبيطيرون):صدق والله كذابين مابنصدقكم
سمر و الهنوف: بكيفك سألو امهاتكم
وطارو لهم
قمر : ماما ماما صدق بنروح المزرعه يوم الخميس
ام الوليد: ايه صدق
قمر ونجلاء ورنا: كلوش وصفق ورقص
ودخلو الصبيان عليهم راشد وفيصل والوليد فواز ومشاري: شصاير من تزوج
ام طلال: ولا احد بس البقرات الثلاث مسوين هيصه عشان بنروح المزرعه
فواز: صدق والله بنروح المزرعه
ام طلال: ايه صدق
راشد: هيا بنروح المزرعه
راشد عطى اخته نجلاء (فايف): ( وجلسو يغنون) والله بنروح المزرعه ويلا نروح المزرعه
وحده وحده وحده ماما احلى وحده
ام طلال: اقول انت وياه خلو المراء ترتاح
ام محمد: شنو ارتاح جالسه بالمستشفى كل راحا والله مليت خله نتونس
ام مشاري: ياختي ارتاحي شوي ولاحقى على الهيصه يوم الخميس كله يومين ويجي الخميس
راشد: اي والله مابقى غير يومين ونروح
ام طلال: على فكره تراء ماقلنا لخوالك يمه يعني في احتمال مانروح
راشد: شنو مانروح والله اذبحهم اقطعهم اربنا اربا
قمر: ايه خاشين حرب
فيصل: ايه وانتي الصاجه
الجده: روحو انتو كلكم هناك تناقشو بحالكمصجيتو راسي
مشاري: يلا يلا خله نروح لا ناخد لنا بوكسات
وراحو جلسو بغرفه النساء كلهم الصبيان والبنات
قمر: وليدوو تكفى خد معاك بالرحله الدباب نفسي اركبه
الوليد: لاصج ادلفي.. الله فكره شرايكم شباب ناخد الدباب
مشاري: ايه انا بأخد دبابي
فيصل وراشد: ايه وانا بعد
قمر: طيب انا ابي العب اوكيه
الوليد: اقول انثبري لا بالنعال على راسك انتي وخشتك
قمر: يؤؤؤؤ تكفى ولود حبيبي
فيصل: ماعليك منه ولاتترجينه انا اعطيك دبابي كم قمر عندنا
راشد: يلا المدافع العام تكلم
قمر(الخبله ولاتدري بالدنيا ): فديته ولد الخال ...شفت كيف مو انت يا بو تمبه
فيصل: داخ من كلمتها وصار في عالم ثاني يعني تحبني لو ماتحبني ماقالت لي فديتك لالالا يمكن وهم
نجلاء: فيصل فيصل وينك
فيصل: ه..هلا
نجلاء: فيصل تكفى انا بعد ابي الدباب
فيصل توهق: لالالا مافيه انا فاضي اعطيه ثنتين وانا العب بشنو
نجلا: طيب يافيصلوه ماعليه انا معاك والزمن طويل
راشد(يقلد صوت فيصل وهو يكلم قمر): افا بس يانجلاء كم نجلاء عندنا؟
نجلاء تقلد صوت قمر: فديته ولد الام ... شفت كيف مو انت يابو تمبه
قمر فهمت قصدهم وعلى بالها انهم غلطانين بحكمهم على فيصل: انتي معاه شهالسلوب الي تستخدموه يعني حرام اقول لخوي فديته
فيصل حمق من كلمتها وجات لهم الخنقى شتقول هذي انا بحسبت اخوها ومازلت جالسه احبها والله اني غبي:
فيصل(وهو معصب): يلا شباب انا ماشي بغيتو شي؟
ومانطر ردهم ومشى
الوليد صديق فيصل عدل عدل صج انه اصغر منه بسنه بس فاهمين بعض راح وراه:فيصل فيصل
فيصل وقف له وعاطيه ظهره وهم في الحديقه: خير شنو بغيت
الوليد: ياخي شفيك انت تعرف قمرو ياهل ماتعرف كيف تتكلم وهي على بال...وقاطعه
فيصل: ادري على بالها انه احنا مجرد اخوان وانا الغبي يا وليد انا الغبي متمسك فيها ولا افكر حتى اروح لوحده غيرها
الوليد: وانت شناطر كلم بنت خالك وقول لها
(بنت خال فيصل هي صديقت نجلاء وبنفس عمرها اسمها ندى وهم صديقت قمرورنا بس تعرفون الصديقا الوفيات ههه اكثر من مره تقول لفيصل اذا انت محتاج قول لي ماتستهل قمر تنتظر لها)
نكمل
فيصل: وهذه الي بيصير.بس انا اقول يمكن لانت اشوي بخليها تكلمها وبعدين نشوف شنويصير
الوليد: براحتك بس انا اقول لك اختي راسها يابس
فيصل: يلا مشينا
الوليد: يلا
-----------
وداخل قمر ولا كانه شي صاير البنت على نياتها مالها بسوالف
رنا: انت حرام عليك شفتي كيف طلع وهو مضايق من كلمتك
قمر: جدتك شنو مضايق اصلن هو مستعجل انتي ليه معقد الامور وبعدين تعالي اشوفك واجد تهتمين له
رنا ارتبكت:ه.. ها لاعادي بس احس انه مايستاهل كدا تسوين فيه
قمر: ياختي الرجال مشاعره عاديه وهو يحبني مانكر بس حب اخوه
رنا: ام
نجلاء :طيب شباب ويش رايكم نروح نتعشى في مطعم
راشد: بكره وراك مدرسه
نجلاء: لاتكفى مابنتاخر
الخال خالد: اوكيه خلاص بنروح والساعه9 راجعين اوكيه
البنات: اوكيه
خالد: طيب مشاري كلم وليد وفيصل يجبون معنا
مشاري :طيب
نايف وعزام: خالي وحنا مانروح معاكم
خالد: افا تروحون ولا بعد تركبون بسيارتي
قمر: وانا خالي
خالد: انتي شنو روحي مع وليد او راشد
راشد: لالالا سوري انا باخد مشاري وفواز
خالد:والبقرات الثلاث
راشد: وانا شكو فيهم يروحو مع فيصل او وليد
خالد : طيب اشوف فيصل بكلمه
ودق عليه
فيصل: هلا عميم
خالد: هلا فصول
خالد: فصول احنا بنروح المطعم كلنا ونبيك معانا وما كو رد ثاني رايح معانا رايح
فيصل :منو بيروح معكم
خالد: ابد البنات واحنا
فيصل تكدر يعني بعد باشوفها: طيب عمي يعني انا ماقدر اروح معزوم عند الربع
خالد: افا وانا عمك تردني
فيصل: حشى ماردك
خالد: اجل خلاص تروح معنا
فيصل: خلاص بروح معكم كم خالد عندنا
خالد : تسلم والله...طيب فيصل منوبيروح معك بالسياره
فيصل: ماكو بس اكيد الوليد
خالد:اجل خلاص البقرات الثلاث معاكم بالسياره
فيصل(اووف ياربي وش هالبلشه يعني بعد بسيارتي وين اشيلها من بالي): اوكي وسيارتك
خالد: عزام ونايف بيجو معاي(لانه سيارته موستنق) وتعرف انت ماكو مكان لهم
فيصل: اوكيه خلاص .. متى نمشي
خالد:الحين الساعه6 بس نصلي ونمشي
فيصل : خلاص خلهم يتبرزون ان ماجاو بنمشي عنهم
خالد:ههه طيب يلا في امان الله
وسكرو الخط
الاه ورنا تطير عن خالها|: ها خالي شقال فيصل
خالد : شبلاش انتي ملحوسه بتروحو معه
رنا (مبسوطه): صج والله
خالد: ايه صج
قمر: ها انتي ايش فيك مستخبله
رنا بكلمه عفويه: بنروح مع فيصل
قمر(مستغربه): وخير ياطير
رنا(مرتعبه من الكلمه الي قالتها):ه...لابس وناسه تعرفي فيصل بعد مسخره وطارت بسرعه داخل عن النساء تقول لهم
قمر: طيب متى بنمشي
خالد: لمه تخلصو صلاه
خالد: وعلى فكره فيصل يقول لكم تبرزو لابيمشي عنكم
قمر: طيب انا عن نفسي بارزه
نجلاء: يؤؤؤؤؤؤ جيت بعبايتي الخبله مو الي حق الطلعه
قمر: كيفك انا قلت لك يمكن نطلع لبسي عبايت السوق
خالد(يقلد صوتها): يؤؤؤؤؤؤؤؤ كيف تطلعي الحين لالالالا ماقدر اتحمل اشوفك كدا
خالد: يلا لا رميت عليك الجوتي
نجلاء( مسويا روحها زعلانه): خلاص انا زعلانه منك باي
وطلعت من الغرفه
قمر: انا باروح اصلي بباي
وصلو وخلصو
وجاء الوليد وفيصل يركبون البقرات معاهم
الوليد اتصل في اخته عشان تطلع
وطلعت اول وحده رنا وبعدها نجلاء وتاخرت قمر لانه امها تعطيها محاضره
فيصل: وينها دي بمشي عنها
رنا: لاتكفى انتظر لها
فيصل: عشانك بنتظر لها وله هي ماتسوى
رنا(مبسوطه): مشكور
وجاتقمر
قمر: سوري تاخرت عليكم
فيصل(وهو معصب): لاعادي كان طولتي
قمر(بصوت طفولي): طيب لاتعصب علي من امي مو مني
فيصل تندم ليه قال لها كدا قسى عليها: لا عادي اخر مره تسويها
================
وهم في الطريق
---------
سياره خالد مه الثنائي المرح عزام ونايف
خالد : ايه انا الله يسلمكمكان عندي بغبغاء ترقص وتغني اجنبي(الاخ يكذب عليهم) وتعرف حركات عجيبه
نايف: يعني هي من امريكا
خالد:لا بس انا علمتها
عزام: الله يعني انت مدرب
خالد:ايه انا كنت اشتغل بالسرك في حديقه وكان عندي فيل وحيوانات اليفه مثل الاسد
عزام: ومايعضك
خالد: لا بصراحه هو يعضني بس انا ماتعور
وكملو الطريق تكذيب عليهم مساكين وهم مصدقينه
-----------------
اما بسياره راشد...كان وناسه ورقص
حاطيت اغنيه مساري انت حياتي
ويرقصون رقص اجنبي مو عاقل
-----------------
اما بسياره فيصل كان هدوء بس سوالف البنات الي ماتخلص وحش على البنات
قمر : تعالي شرايك نقول لندى تجي معنا المزرعه
نجلاء ورنا: ايه صدق وناسه يصير
فيصل قاط الاذون: بتقولو لبنت خالي تجي معكم
قمر: ايه
فيصل : ايه تمام
قمر مستغربه(شيقصد دي): على ايش تمام
فيصل: عشان تتسلون مع بعض وماتمللونا بالدباب
قمر: ايه انت عن وعدك الدباب تعطيني اياه
فيصل: ان شاء الله
نجلاء تقاطعهم: فيصلوه عندك اغنيه راشد نسيناكم
فيصل حس الاغنيه تناسب له: ايه عندي
وحطاها
وكملو الطريق هدوء...
--------
ولمه وصلو المطعم (بيتزاهات) طلبو طلباتهم
وقامت قمر بتروح الحمام
وفيصل قام يحط له سلطه من بعد هي ماراحت
وهي طالعه من الحمام جاء صبي يتحرش بها ويعطيها الرقم بشنطتها هي رمت الرقم وجاء اقبالها
الولد: ياحلو فديت العيون الخضراء اخ تذبح بوسه بس بوسه
قمر: استح على وجهك
فيصل انتبه للولد الي جالسه يكلمها ويوقفها عن المشي وراح له مثل الطير
ومسكه من بلوزته : تبيني اعلمك شلون تتغزل في بنات الله
الولد: منو انت
فيصل( قالها بدون مايفكر): انا خطيبها
الولد خايف: ه...خلاص اخر مره
وتركه فيصل وهو معصب :روح لاباركه الله فيك
قمر: مشكور فيصل
فيصل(بصوت حنون):انتي بخير
قمر حست بشي يتحرك بداخلها: ايه تما مشكور فديتك والله
فيصل: يلا مشينا
وراحو وكملو اكلهم ورجعو البيت
------------------------
في الصباح في بيت ام الوليد
تلفون قمر رن
قمر(بصوت نايم):الو
المتصل:يلا جلسي جات الساعه5 ونصف وانتي مو جالسه
قمر:دانوه خليني انا تعبانه
دانا: اقول يلا يلا قومي انا اليوم بمر عليك ربع ساعه وجايه عندك اوكيه
قمر: طيب
وسكرت منها وراحت بدلت ولبست ملابسها وصلات وخلاصت البنت سريعه بعد جميله بس تربط شعرها وتصير ملكت جمال
وانتظرتها وجات لها
وفي المدرسه(طبعن نسيت اقول لكم قمر بثاني ثانوي ونجلاء باول ثانوي ورنا بثالث والصبيان نفس الشي)راحو البنات مع رفيجتهم
(طبعن دانا صديقه قمر من عمر)
قمر ودانا: هاي
البنات: هايات
وجات نجلاء ورنا:هايو
الكل: هايات
وجلسو يسولفون
:لين مارنت الصفيره والكل راح على فصله
رنا وصديقتها ريم في فصل _نجلاء وصديقتها ندى وساره في فصل _طبعن قمر ودانا في فصل
--------------------
في فصل نجلاء
تكلم نجلاء ندى بالورق تقول لها
نج:يوم الخميس بنروح المزرعه تجين معنا
ند:ايه وليه لا بس اسأل امي بيت عمتي ام محمد بيروحو؟
نج:ايه بيروحو
ند: ايه خلاص باروح
نج: اوكيه خلاص
المدرسه: نجلاء ندى شتسون عندكم
ندى:لا ابد استاذه جالسه ادور ورقت العمل
----------------
وفي فصل قمر ودانا
البنات مشتهدات
----------------
اما في مدرست الاولاد
كان فيصل مسوي مسخره في الفصل والاستاذ يوقف فيه هو مع صاحبه عمر
يرمون كلينكس فيها ماي على الاستاذ ولايقولون له عيد الشرح مو فاهمين وهم اصلن يبون يضيعو الوقت
-------------
وانتهى الدوام والكل راح بيتهم
وجاء يوم الاربعاء
الصباح
ام طلال تجلس رنا ونجلاء
يلايابنات قومو تروحو المدرسه وعلى ماقامو وفطرو وراحو المدرسه ونفس العاده مسخره في المدرسه مع نجلاء
---------
في وقت الفسحاء في مدرسه الاصبيان
جاءفواز للشباب فيصل واصحابه
فواز: شباب اليوم الاربعاء الاربعاء اليوم
فيصل: وخير الاربعاء شصار يعني
فواز: اليوم يوم الانتقام من البنات واليوم هيصه تقول شصار يعني
فيصل: اي بنات
فواز: البقرات الثلاث
فيصل: ليه شمسوين لك
فوازقال له السالفه وقال له الخطه عشان يساعده
فواز: شباب انا مشتهي اسوي شي جنون ويش رايكم نهرب من المدرسه والله مالي خلق استاذ عامر
جاسم صديق فواز: ايه والله مالي خلقه
فيصل : ايه خلاص خله نهرب
وهربو من المدرسه
الساعه12 الظهر
الاخوات الثلاث راحو بيت امهم
وبعد نصف ساعه دخلو الشباب كلهم فيصل والوليد وفواز وراشد ومشاري
السلام عليكم
الامهات والجد والجدة: وعليكم السلام
ام مشاري: شفيكم اليوم جاين من بدري
فيصل وفواز ارتبكو:ه لا ابد بس خلصنا اخر حصه الاستاذ غايب وجينا
الجده: زين احسن من اننا ننتظركم
الاه بدخلت الخال والعم مشعل: السلام عليكم
الكل :وعليكم السلام
ابو ناصر(الجد): شفيك ياولدي جاي من بدري بعد انت
مشعل: لا ابد يبه سلامتك حاس بدوخه قلت اجي اريح معكم
ابو ناصر : سلامات ماتشوف شر
مشعل: الشر مايجيك
وبعد هدره جات ام محمد وسمر والهنوف
ونايف وعزام
نايف : يمه انا جوعان ابي اكل بسرعه
ام الوليد: ان شاء الله يمه بس انتظر البنات يجو وناكل
عزام: اوف على كدا بنتاخر
ام مشاري:ههه لايمه اليوم بيجو بسرعه
عزام:نايف خله نروح نلعب بلس تيشن
ام طلال: الاولاد الكبار يلعبون فيها
عزام ونايف يطالعون بعض ويركضون بسرعه فوق
دخلو عليهم وهم خايفين
نايف:ش...شتسون
الوليد: شتشوف يعني نلعب
الي كان موجودcdعزام: طيب وي وين
راشد : هذه
نايف وعزام: ايه ده
راشد: شنو فيه شكله مال اطفال
نايف : وهو يسحب ال سي دي ايه مال اطفال
راشد : تعالو مني وين رايحين جيب السي دي
ويسحبه
ويحطه
=========================
ياترا شنو بالسي دي؟
وهل فيصل بينسى قمر؟
و وين محمد عن الهنوف ماسمعنى عنه شي؟
كله تشوفوه في الجزء الثالث
===================
ان شاء الله عجبكم الجزاء ويلا ابي حماس اكثر عشان اكمل وابي توقعاتكم
على فكره انا اجيب لكم الاجزاء طازجه يعني يمكن يوم يصير لي شي واتاخر اعذروني

سوري على التاخير بس انا زعلانه منكم وعلى فكره ان مارديتو ماراح اكمل اوكيه اتفقنا................

الجزء الثالث
ويحط الشريط راشد
وكان عزام ونايف خايفين جاو بيهربون الا الوليد سكر الباب ووقف
ولمه حطو الشريط
الكل عيونه مفتوحه شنو صاير بها الدنيا عزام ونايف الي ماينسمع لهم حس يسون كدا
مشاري (وهو يمسك عزام من بلوزته)معصب:عمى شنو ها الشريط عزاموه
الوليد (مسك نايف من يده ويعويها وهو معصب عدل): تبيني الحين اقول لبوي يكسر ها الراس
عزام: والله مادري عن الشريط والله
نايف:قسم بلله ان مو لنا هذه لواحد من اصحابي عاطينا اياه يقول لنا شوفو لعب حلوه والله تكفى وليد لاتقول لبوي والله ماندري عنه
مشاري: طيب شنو اسم ها الكلب
عزام: وليه تبيه
مشاري(يمسك اكثر على بلوزت عزام وبصوت عالي اشوي): اقول لك شنو اسمه
عزام نزل راسه وهو خايف ويطالع في نايف
نايف (وبكل صوت حزن): طيب اوعدونا ماتقولو لمي وابوي
مشاري و الوليد:وعد اخلصونا
وجلسو يطالعون الي في الغرفه :ولاهم يقولو بعد
فواز وفيصل وراشد: لا ماراح نقول وعد
عزام منزل راسه: عبد الله
فواز: عبد الله ايش
عزام: عبد الله وبس
فواز: عزاموه عبد الله ايش وانت (يقصد نايف الي بعده في ايد الوليد) قول عبد الله ايش؟
نايف: عبدالله ناصر ال
راشد: مو هذه اخو عيسى
الوليد: الظاهر اخوه
فيصل: ماشاء الله .. ونعم التربيه
فواز: اي والله
الوليد: المهم ان ماشيتون ها الولد والله لقص رقبتك يا نايف وانت معاه
نايف: طيب طيب لاتعص ايدي تكفى تألمني
الوليد: ضف الله لايربحك
واخد مشاري السي دي وكسره: قولو له لاتجيب لنا سي ديات مثل كدا
نايف وعزام: ليه تكسره
مشاري: ويش تبون به
عزام: بنرجعا له
مشاري: يخسي
الا برنه التلفون محول من تحت ويرفعه فيصل
فيصل: نعم
قمر: هلا فيصل
فيصل: هلا هلا قمر
قمر: يلا ماتبون تتغداو
فيصل: الا نبي
قمر: يلا الغداء جاهز نزلو
فيصل: طيب جاين برق
وسكرو
فيصل : يلا تحت الاكل جاهز
الكل: يلا ننزل
الوليد وفيصل في النهايه صايرين
الوليد: فيصلوه ماتيوز من سوالفك
فيصل: والله احبها يا وليد احبها
الوليد: اغسل ايدك اختي نو واي نفكر فيك
فيصل: يجي لها يوم تحن
الوليد: طيب كلمت بنت خالك
فيصل:لا بس بكره بتروح المزرعه وباقول لها
الا والجده تقاطعهم: يلا انت معاه اخلصو من الهدره المقدره وتعالو اكلو
الثنائي: طيب جده
وجلسو ياكلون كلهم جالسين على الطاوله
الجد: ها حبايبي اسمع يقولو بكره بنروح المزرعه
الشباب والبنات:ايه تكفى باباه عوذ نبي نروح
الجد: ايه انا بعد بس ماقدر اروح بكره
فواز: وليه يبه
الجد: بيجي لي جدك عبد الرحمن
فواز: بكيفك احنا بنروح عنك
راشد يطق فواز: ههه الله يهدك يافواز تضحك ماتجوز على سوالفك لالالالا جدي احنا مابنروح الا معاك
البنات: ايه يبه صج احنا مابنروح الا معك
الجد: ضروري
الكل: ايه
الجد: مصرين
نجلاء: ميه ميه (تقصد 100%)
الجد: ههه وانقلبتي هنديه
نجلاء: عشانك كل شي يهون
الجد: الله الله وتعرفين تتغزلين يابنتي
نجلاء: افا عليك ازبطك
الجد: ههه انا اصلن باروح بس ابي اشوف عندي قدر عندكم
ام مشاري: وها شفت يبه
الجد: لا بعد وفوق عالي مره
الكل: ههه
وكملو الاكل
ولمه خلصو من الاكل راح الجد ومشعل وجلسو يشربون شاي وجلسو معاهم الشباب
والنساء من بعدهم جلسو معهم وبعدهم البنات
مشعل: ها ياالوليد شفت الحين محل تتدرس فيه بدل جلست البيت
الوليد: لا خالي بس انا شكلي بدرس براء ماني لقي محل عاجبني
الجد: وليه يابوك انت الاول والاخير بتصير في الشركه
الوليد: هم بعد ابي اخد شهاده افتخر فيها
الجد: روح ها الجامعات الزينه احسن من انك تروح بره
ام الوليد: ايه والله يبه عيزت اقتع فيه مو براضي يقتنع
الوليد: ان شاء الله ومايصير خاطركم الا طيب منو عندي في ها الدنيا غيركم
الجد وام الوليد: تسلم يوليدي
نجلاء: راشدوه بكره بنروح المزرعه
راشد: ايه والله وناسه ياخ من زمان مارحنا لها
مشعل: تدرون انه كبرو الملعب
فيصل: صج والله
مشعل: ايه صج
الشباب : هيا
البنات: عقبال ماتكبرون الغرفه(يقصدون الغرفه الي محجوزه لهم)
الجد: لا ديك بنسويها غير بس في الاجازه تكون جاهزه
البنات: صج والله بابا
الجد: ايه صج
الا وراشد يقوم ويرقص ويقول: او لايلاه الا الله والف الصلاة على الرسول وعين الحسود فيها عود
والكل يصفق
نجلا وعين الحسود فيها عود
الا بدخلت خالد وابو محمد:او لايلاه الا الله والف الصلاة على الرسول
راشد ونجلاء:او لايلاه الا الله
ويقوم الوليد ويرقص
وخالد ياخد امه عشان ترقص وترق الجده رقص العجاجيز وكل احفادها الشباب حواليها ويصفقون
الجد: ها يا ام محمد طلع لك حيل ترقصين
الجده: اي والله يا ابو محمد من زمان على الرقص يؤؤؤه انهد حيلي ماتيوزون عن سوالفكم يا المصبنا
الجد: ايه تحججي بالشباب
الكل: ههه
وفي العصر النساء نايمين
والرجال جالسين بالديوانيه الي براء
والبنات والشباب بحالهم في البيت
فواز وفيصل دخلو المطبخ
وبعد اشوي جاء فيصل يركض يكلم البنات لحقو فواز ياكل كندر بوينيو الي حقكم
البنات: عمى فوازو خله ( وهم يركضون )
ولمه دخلو المطبخ مالقوه الا بتسكير الباب من فيصل وهو يضحك بخبث:هاهاهاها
فواز يطلع:هاهاهاها
البنات يتراجعون على وراء: شفيكم جنيتو شنو تبون
فوزا يطلع ايه الا بجيك كبير كبير كبير ماي ويطالع فيصل
وفيصل هم بعد بس ماخده من على الطاوله الي جمبه
ويكبونه عليهم
البنات: آآآآآآآآآآآآآآآآآآآآآآآآآآآآه حه
وقبل لايطلع فواز من المطبخ: عشان تعرفو تلعبون مع منو انا فواز والاجر على الله
البنات(وهم يصرخون): فوازوه ياحمار
وراحو بدلو بملابس مرت خالهم سمر
وجلسو بالصاله
الا بنزلت فيصل وفواز
البنات يطالعون فيهم بنظرات احتقار
فيصل: افا افا البقرات زعلانين
البنات قالبين وجهم
فيصل: نحن هنا
قمر من غير ماتحس لاشعورين: حتى انت يافيصل تسوي كدا انا انا يافيصل
فيصل مستغرب: ايش فيك لعبه هذي
قمر انتبه لكلامها الي خارته:اي ايه لعبه ماعليه
رنا: طيب يا فيصل انا افرجيك تساعد علينا احنا طيب
فيصل: ايش فيكم اكلتوني بقشوري هو صاحب الفكره
البنات يطالعون في فواز: هين يافواز جيكين ماي بارد هين
فواز: هاهاهاهاهاهاهاها يلا بس يافيصل ( ويسحب فيصل)
فيصل(شفيها زعلت شتقصد انا انا يافيصل ياربي ها البنات بتجنني شتقصد...)
البنات
رنا ونجلا من طلعو الاصبيان طالعو في قمر بنظرات
قمر: شنو؟
رنا: شنو انتي؟
قمر: على ايش
رنا: على جدتي
قمر (عارفه قصدهم فحبت تهرب): اوه انتو خبلان باروح عنكم
وراحت قسم خالهامشعل وطقت الباب
سمر: مين؟
قمر: انا قمور
سمر: دخلي
قمر:هاي
سمر: هايات
قمر: سمر لحقي علي
سمر: شنو
(سمر وقمر قريبين من بعض عدل سمر واجد تعلقت بقمر مع انها اصغر منها وكل شي يقولونه لبعض)
قمر: فيصل
سمر: شفيه
قمر: كب على ماي
سمر: طيب ويعني
قمر: مادري احس نفسي معصبه من حركته ماتوقعت يكب علي انا انا
سمر: وانتي ويش يعني مو انتي رافضته خلاص
قمر: مادري تعودت عله دايم يدافع عني
سمر: ولمه مادافع تضايقتي
قم:ام والله مادري
سمر: وين الخبلات الباقي
قمر: تحت تركتهم بيشاهدو المسلسل
سمر: اها
قمر: ايه شنو جديدك
سمر: ابد بس جالسه ادور الماي يو
قمر: لقيتيه
سمر: لا
قمر: ايه صج ذكرتيني باروح اليوم اشتري جديد الي حقي قديم
سمر: خلاص رايحه معاك
قمر: خلاص بعد الصلاه باروح مباشرةتجهزي
وكملو سوالفهم
-----------
الشباب
الوليد: فيصل اليوم باروح السوق تروح معي من زمان مارحت ارقم
فيصل: ايه والله خلاص اليوم
راشد: اي سوق بتروحو
الوليد: الراشد في غيره
راشد: باروح معكم
الوليد: اوكيه
مشاري: انا مالي خلق اروح تعبان اليوم باروح البيت انام
فيصل: بكيفك انت الاخسران
فواز:وانا
فيصل: انت شنو تبي
فواز: ابي اروح معكم
فيصل: ام ناخده شباب
الوليد وراشد: ايه خله ناخده مسكين
فيصل: خلاص بنأخدك
فواز: هي ياه
---------
ام طلال: صج والله
ام مشاري: ايه صج تزوج عليها شفتي كيف بعد عشره الي بينهم تزوج عليها
ام محمد: والله كسرت خاطري
ام الوليد: لو تشوفو وجهها كيف صار يتقطع قلبكم
قمر: يمه بعد اشوي باروح السوق
ام الوليد: مع منو
قمر: مع سمر ورنا
ام الوليد: طيبب عندك فلوس
قمر: ايه قلت للبابه يعطي راجو بطاقته الاكراد كار(يعني بطاقت الفيزاء مسكين ابو الوليد على باله بنته بتاخد بخمس الاف الا فوق وهو ولا يقول شي لها بعد دلوعته)
ام الوليد: الله الله مو بكره ابوك يشوف السعر ينفجع
قمر: طيب
ام الوليد: طيب حبيبتي اذا شفتي لي عطر جديد اشتري لي
قمر: راس المال
ام الوليد: استحي ابوك بيعطيك الاكراد كار وانتي تبين فلوس؟
قمر: طيب بس مو تقولو ويش شريتي وكيف ومادري ايش
ام الوليد: اخ منك صار الحين خمس ميئه ست ميئه تاثر
قمر: ايه تاثر
ويرن جوالها
قمر: يلا راجو وصل
قمر: يلا باي
الكل :بايات
نجلاء: اشتري لي رنو
رنا: يصير خير
وركبو السياره
قمر: تعالو اي سوق نروح
سمر: شنو بعد الراشد
قمر: راجو بنروح الراشد
راجو: اوكي
----------
الشباب بالسياره وحاطين اغنيه راشد الماجد متكبر علينا
راشد:فيصل وينه محمد
فيصل: اليومين مشغول بالعمل
مشاري: ايه والله زمان عليه
فيصل: ان شاء الله بكره رايح
مشاري: مو من خير الا وحشته الغاليه
فواز: منو؟
مشاري(ارتبك):ه ها لا ابد جدتي يعني في غيرها
الويد بصوت خفيف:ههه ايه جدتي
---------
البنات وصلو السوق ومن محل لمحل
وفي محل الاكسسوارات
قمر: ياربي انا ابي ده
رنا: ياي حلو مره خديه
سمر: العن ابو داركم عندكم مثل بس بشكل غير اشوي
قمر: قلتيها بشكل غير
سمر: بس مايختلف مره
قمر: يؤؤؤؤؤ انا عاجبني
سمر: كيفك
قمر: لكن حلو ولا لا
سمر: بالصراحه حلو
قمر:هاها شفتي خلاص باروح اسلمه
-----------
الشباب وصلو المجمع
وراحو فوق عند الكافي يجلسو عشان يفتحون البلوتوف ويرسلون ولا الي تمر وحلوه رقموها
الوليد: شوفو البنت(وياشر على البنت لبسه عباء مخصره ومتلثمه وحاطه بوجهها مكياج كانها رايحه عرس) والله حلوه
راشد: واو تكفى انا معاك مو تنساني
وراح الوليد: يرقمها
البنت: اخدت الرقم وابتسمت له< البنت خربانه
ورجع لهم
الوليد: شباب هنا مافي احد خله نروح هناك واجد صواريخ<يقصد البنات
فواز: طيب انا برقم ديك تتحدون
فيصل: يلا شناطر
وارح فواز للبنت
فواز: اختي
البنت: هلا اخوي
فواز: ممكن اختي نتعرف ونكون صداقه لاغير
البنت: استح على وجهك
فواز: شفيك طيب انتي خدي رقمي وجربي مابتخسري شي مو صح
البنت: ساكته
فواز: ها شغلتي
البنت: اخدت الرقم وابتسمت له ومشت
فواز: الساعه1 دقي على ماعندي شي
ورجع لهم:ها صبطيت
الشباب: والله طلعت مو هين يافوازوه
فواز: يلا يلا خله نروح هناك
---------------
البنات
رنا: تعبت خله نروح ناكل ونروح البيت
قمر: لالالالا دقيقه بدخل ده المحل
سمر: لاخلاص قمر
قمر: طيب دقيقه
سمر: قلت لا ولا ماعندي مكانه عندك
قمر: اوف خلاص يلا اصلن باقي نص ساعه ويسكرو
سمر: زين عرفتي
وراحو المطاعم
وطلبو اما قمر ماحبت تطلب وجبه فطلبت نقت
رنا: الحين شبعتي انتي
قمر: لا بس الحين باروح باخد من سينا بون
قمر: تبون شي
رنا وسمر:لا
سمر: طيب لاتتاخرين
قمر: اوكيه انتو نزلو قبلي الحين بيجي راجو
سمر ورنا: اوكي
------------
الشباب
فيصل : ها يلا تبوني ارقم منو؟
الشباب يشرون على بنت حلوه مره
فيصل: احلى واحلى تصدقون والله ماخدها ماخدها جاي لك حبيبي والبنت كانت جمب محل السي نابون
----------------
قمر وهي رايحه المحل
وقفت محلها الشخص موغريب....فيصل(وابتسمت )
قمر: ماتيوز يافيصلوه يلا خله اروح اصرعه
وهي تمشي رايحه له بكل ابتسامه
وقفت محلها والابتسامه تخف وتخف بتتحول لدموع شنو الي اشوفه فيصل شيسوي
جالس يبتسم للبنت ونظرات عينه غزل يتغزل في البنت لالالا فيصل مايسوي كذا فيصل انسان واعي وفاهم مايسوي كذا بس الي اشوفه ويعطيه رقمه لالا لايافيصل مو انت مو انت الي تسوي كذا
وقفت محلها مثل الصنم ومنصدمه ومو عارفه شتسوي وقفت محلها وماتحركت ولاشي وعينها تدمع ومتجها جهت فيصل وماتحركت الا برنه الجوال غيرت ملامحها ورفعت الجوال
قمر بصوت حزين: الو
سمر: يلا احنا بالسياره بوابه 3 يلا بسرعه
قمر: طيب طيب الحين جايه
وسكرت ومشت بسرعه قبل لايشوفها
وركبت السياره
رنا:لا كان ماجيتي
قمر:
رنا: هي شفيك؟
قمر:لالالا مافيني شي
وطول الطريق قمر ساكته وهي من عوايدها ماتسكت وخصوصا وهي راجعه من السوق
سمر: قمر
قمر:<سارحه الاخت
سمر: قمر وينك
قمر:ه ه ها لا ابد بس تعبانه اشوي
سمر: تروحي البيت ترتاحي ولا تروحي بيت جدك
قمر:لالالالا باروح البيت
رنا: طيب بكره نشوفك مو ماتجي
قمر: ان شاء الله
سمر( والله عارفتك ياقمر فيكي شي اقص ايدي اذا انتي بس تعبانه)
ونزلو سمر ورنا بيت الجد
وقمر راحت البيت
واول ماوصل راحت على طول غرفتها
وعلى السرير وتبكي
قمر :معقول معقوله فيصل فيصل يسوي كذا وانا انا ليه منقهر وغازل وحده انا شكو ليه بكيت يمكن لاني ...لالالا انا مستحيل احب فيصل فيصل مثل اخوي ....طيب ليه تغير علي اول صار مايدافع عني والحين يغازل ويعني ويعني اي شاب ماعنده احد بيغازل الرجال فاضي انا ليه اصيح فيصل اخوي وبس وبس ومسحت دموعها وحطت راسها على المخده ونامت كانها طفل مو نايم من زمان
وفي الصباح جات ام قمر تجلسها لكن قمر ولا قامت وخلتها تجي مع اخوها الوليد لانه الكل راح
جاء الوليد يجلس قمر
الوليد: قمر قمر يلا جلسي عشن نمشي
قمر:
الوليد: يعني لازم استلم اسلوب العنف معاك انتي
وراح جاب كاس ماي ويبل ايه وعلى وجها يمسحها
قمر قامت فازه من النوم: شصاير شنو فيه
الوليد:ههه لا ابد مافي شي يلا قومي بدلي وجهزي اغراضك بسرعه عشان نروح امي راحت عنك يالدبه
قمر: طيب
الوليدوهو طالع من الباب: عندك ربع ساعه على مايجي فيصل ونروح مفهوم
قمر: اوف وبعد بنروح معه انا ليه ماجلست مع امي
وجهزت بربع ساعه لانها مجهزا اغراضه من زمان بس حطت كم شي في الشنطه
وجاء فيصل وراح له الوليد ومن بعده قمر ودخل السياره وسكرت الباب بقوه
فيصل: يهو شويه شويه على سيارتي
قمر: اوه سوري اخ فيصل
فيصل طالعها بنص عين من خلال المرايا الي قدامه لانها جالسه وراء الوليد فتشوفه بالمرايا
وهم في الطريق الوليد زهقان وجلس يحوس في الاشرطه اما فيصل سرحان فسلوب قمر الي تغير صارت قمر النحسه كل ماكلمها كلمه ردت عليه برد يحرق القلب وقمر سرحانه بسالفه وليه هي محمقه ليه هي تحبه بس ماهي عارفه تحدد شنو شعورها
الوليد: قمور شنو تبين تسمعين اغنيه؟ ولمن تحبين تهدينها
قمر بكل جراء: ابي اسمع اغنيه راشد ياقلبي واهديها بكل حرف بكل كلمه فيها لشخص يعرف حاله وتطالع في فيصل من المرايا بنظرات
فيصل شنو شنو فيها قمر الظاهر تهديني اياها
وحط وليد الاشريط وحط الاغنيه
........
هذاك اللي تبيلة الخير
عشق غيرك وصار للغير))
ياقلبي ابتعد وارحل
ياقلبي عنه لا تسأل
كفاك تعيد وهو بعيد
حبيبك لا خبر ولا خير
قدر يصبر عن عيونك
ويزيد اكثر من ظنونك
تحسب انه يبي عولك
وهو تغير كثير كثير))
تناسى حبة وطارية)
وبلاش اكثر تفكر فية
وش اللي تقدر اتسوية"
ما دامه مهتني بالغير"
----------
حلوه الاغنيه لكن قمر ليه انت واجد مهتمه فيها:فيصل
قمر: لا بس احبها
ووصلو المزرعه
ومثل الدخله قمر سكرت الباب بقوه فيصل طالع فيها وهي طالعت فيه وتحاكو عيونهم فيصل كان نظراته كلها محبه وشوق وعتب على حركاتها اما قمر ماخلت عيونها تحكي وشالتها بسرعه
راحت قمر للغرف
قمر: السلام عليكم
الكل: وعليكم السلام
سمر: وينك انتي تاخرتي
قمر: كاني جيت
رنا: يلا بسرعه تعالي نبي نرقص
قمر: لالالا انا مابي ارقص تعبانه
رنا ونجلاء: بكيفك
سمر: طيب انتو روحو والحين جايه انا وقمر
رنا ونجلاء: طيب
وراحو
سمر: تطالع قمر<شنو فيك قمر امس من تركناك وجيتي لنا غير شكلك قمر ترا انا سمر عارفتك ربع ترانا ماتقدري تغبي عني شي
قمر: هجري لا ابد راسي يالمني
سمر: بكيفك لاتقولي لي بس تعرفي رقمي ودقي علي اقص ايدي اذا راسك يلمك
قمر تبي تغير الموضوع: يلا خله نروح لهم
وسحبت ايد سمر وراحت
اول مادخلت شافت ندى معاهم
وسلمت عليها
قمر: اهلين يالقاطعه وينك لاتسألين ولا شي
ندى: لا ابد مشاغل الحياء
قمر: اقول لاتعقدينا خله نرقص
ندى : يلا
وقام الرقص على اغنيه تامر حسني في كل مره
------------------
اما الشباب كان عندهم الجو وناسه يلعبون بالمسبح بس فيصل كان جالس براء يفكر اشوي
فيصل: شفيها قمر ليه تهدي الاغنيه عيونها كانت تقول لي الاغنيه لك بس كلماتها متناسبني البنت ماتحبني
بس لمنو بتهدي الاغنيه غير لي او الوليد
آآآآآآآآآآخ منك ياقلبي مالقيت الا قمر آآآآآآآخ ياليت اقدر انساك ياليت
وراح يلعب مع الباقي
----------
وبالليل
جاء محمد
ودخل محل النساء يسلم عليهم
محمد: السلام عليكم
الكل وعليكم السلام
ام محمد: وينك يمه تأخرت
محمد: لا بس يمه لاني كان عندي شغل وماقدرت اجي
الهنوف طلعت من الغرفه الي هو فيها وراحت براء
وهو لحقها
محمد: هنوف
الهنوف عاطيته ظهرها:هلا
محمد: شفيك؟
الهنوف: مافيني شي
محمد: تغبين عن حبيبك محمد
الهنوف: لمتى محمد لمتى بنضل على هالحال؟
محمد: حبيبي انتي عارفه الطروف
الهنوف: اي طروف يمحمد انت مو ناقصك شي الخير والحمد لله مو ناقصك قول لي شنو ناقصك
محمد:هنوف انتي عارفه ان الوقت ذه مو مناسبني
الهنوف: (بدت تبكي) اسمع محمد اذا انت مهتم بالشغل اكثر مني ترا والله ما راح اكون لك يا محمد لازم تفهم ترا امي وابوي مو فاهمين سبب رفضي للي يتقدمون لي
محمد: شيعني؟
الهنوف: ولا شي يعني بس بختصار ترا يمكن ماكون لك بسبب اهمالك لي
محمد: ومن قال انا هاملك
الهنوف: شتسمي الي تسويه اهتمام فيني ولا؟
محمد: انا اسميه انشغال
الهنوف: اسمح لي يا محمد انا احبك احبك احبك والله احبك بس انت ماقدرت حبي وانا جاين لي ناس متقدمين لي الولد زين وقابلته وعجبني وعجب امي وابوي والظاهر " وقطعها"
محمد: الظاهر الظاهر شنو قوليها سمعي يالهنوف انتي لي وماراح تكوني غير لي
الهنوف (زاد بكيها): وشكلي باكون لغيرك بسببك
محمد: لاتقولي كذا ..طيب ليه ماقلتي لي
الهنوف: وانت شايف جوالك ولا فاتحنه والله رسايل واتصال
محمد: ساكت ومنزل راسه
الهنوف: محمد انت تغيرت تغيرت
محمد: قلت لك هذه انشغال
الهنوف: سمه الي بتسميه: بس خلاص انا ماعاد ابي خله شغلك ينفعك محمد الي بينا انتهى ( وبكت بكت بقوى بقوى ماعندها ومشت) بس هو مسك يدها
محمد: شتقولي يا الهنوف العشره الي بينا و الذكريات الي ماتنسى صعب صعب يا الهنوف انساك انتي تعرفي انتي شنو تعرفي انتي بالنسبه لي ايش حرام تقولي كذا والله والله اني انشغلت يالهنوف والله ولاه انا كيف انشغل عنك لاتظلميني وتظلمي نفسك (وماقدر يمسك نفسه ودمعت عينه)
الهنوف: لا لا يامحمد مو محمد الي يصيح عشاني انا وعدتك اني مابكيك الحين بسببي تبكي لا يامحمد ( ومسحت دموعه)
محمد: شلون تبيني مابكي وحياتي بتفارقني يا الهنوف انتي ماتعرفين كيف قرارك ماثر فيني يالهنوف انتي كل شي بحياتي ويش ناويه علي والله اني اموت شلون بتروحي لشخص غيري شخص يحضنك مو انا الي احضنك
الهنوف: خلاص خلاص يامحمد خلاص(ومشت عنه)
وجلس على الارض يبكي
---------------
فيصل كان براء يتمشى ويسمع صوت صوت اخوه
راح يركض لمصدر الصوت شاف اخوه انهزت كل معنوياته اخوه قدوته في الحياه يبكي مثل طفل مضيع امه وابوه
محمد طالع فيصل:خلاص يافيصل ضعت انتهت ايامي انا خلاص جسد بدون روح روحي تخلى عني والسبب اهمالي له
فيصل( جلس جمب اخوه ولمه): لا ياخوي لاتقول كذا اذا لك نصيب فيها بتاخدها
محمد:شنو اخدها خلاص اقول لك خلاص
------------------------
: ياترا شنو راح يصير
هل الهنوف بتصير مللك محمد ؟
شنو بيصير تطورات قمر وفيصل؟
شنو هالشعور الي ماخد فكر قمر؟
------------------------
على فكره ان مارديتو سوري ماراح اكمل مفهوم

يسلمو على البارت
تقهر قمر ودي اطقها
تستهبل هي الولد ميت فيها
كملي تكفين يالله لقيت القصه
انتظرك