قصه قصيره و ان شاء الله تعجبكم ادمان النت

بنت اسمها سارا مدمنه على النت وكانت ماتسكر النت الا الساعه 1 بالليل
في يوم من الايام اضافها واحد مسمي حاله ( الامبرطور ) المهم مر اسبوع وهي ودها تعرف من هذا
بعد ها دخل هو الماسنجر و طبعا انبسطت عشان بتفتح تحقيق هو : الامبراطور :
هاي
سوسو :
من انت
سوسو ::
ومن وين عرفت ايميلي وش حقه اضفتني ...
الامبراطور ::
بسم الله شوي علي
سوسو :
سلامتك ماني صارعتك يالله جاوب
الامبراطور :
ليش انتي بنت
سوسو :
أي عندك مانع
الامبراطور :
لا بس غلطان اختي لاني كنت بضيف صديقي و الايميل غلط
سوسو :
وليش تغلط ماتشوف
الامبراطور :
اختي آسف عن الغلط من البدايه ماسكتها تحقيق
سوسو :
اجل تضيف بنات الناس وماتبغا حد يحقق معك والله فاضي
الامبراطور :
اقول فرصه سعيدة وآسف وممكن تحذفيني اذا مش عاجبك
سوسو :
يعني ايش تقصد
الامبراطور :
اقصد مع سلامه
سوسو :
ليش ما اعتقد كلامي يزعل
الامبراطور :
لا بس مشغول شوي باي
سوسو :
لحظه
الامبراطور :
تآمرين بشي
سوسو :
سلامتك بس ماقلتلي اسمك
الامبراطور :
ههه ليش
سوسو :
ما اعتقد كلامي يضحك
الامبراطور :
لا لاكن كلامك بالبدايه غير
سوسو :
آسفه على السؤال باي
الامبراطور :
باي

• *

وضلت سارا حاقدة عليه لانه ما اعطاها وجه
ومر يومين وماشافته بالنت مدة طويله لوحدة طول وقتها بالنت
المهم دخل على الماسنجر على طول بدت الكلام
سوسو :
مرحبا
الامبراطور :
مراحب
سوسو :
كيفك
الامبراطور :
بخير
وبعد صمت
سوسو :
آسفه الظاهر مشغول وانا عطلتك
الامبراطور :
لا ابدا حبي لا كن انا اشتغل على بحث حقي وما ادخل
الماسنجر كثير
سوسو :
حبتك القرادة قول ان شاء الله
الامبراطور :
وش فيك
سوسو :
بأي صفه تقول حبي
سوسو :
الشرهه على الي يكلمك
الامبراطور :
سوري آسف وحقك علي
سوسو :
سوري ولا لبناني هذي آخر مرة تقول ذا الكلام
الامبراطور :
طيب ياصاحبه السمو اوعدك ما اعيدها
سوسو :
الله عجبتني كلمه صاحبه السمو كذا الكلام
الامبراطور :
خلاص من اليوم ورايح راح اناديك صاحبه السمو
سوسو :
طيب انا ايش اناديك
الامبراطور :
ههه
حلو ذكائك ناديني باسمي خالد
سوسو :
اسمك جنان حلو مررة مش مثلي طاح حظي
الامبراطور :
كل واحد اسمه حلو ولايق عليه
سوسو :
ليش مش حاب تعرف اسمي
الامبراطور :
على راحتك اذا حابه تقولي واذا مش حابه اكتفي بصاحبه السمو
سوسو :
طيب كم عمرك شكلك مش كبير
الامبراطور :
5سنه
سوسو :
العمر كله
سوسو :
على فكرة انا اسمي سارا وعمري 18
سوسو :
اقول معي شله بنات نضيفهم بالمحادثه وندردش
الامبراطور :
لا انا ماقلتلك عندي بحث ولازم اخلصه
الامبراطور :
باي
سوسو :
باي
××
وضلت سارا تفكر فيه وبعد 3 شهور مايدخل النت
جنت وقالت اكيد شافله شوفه
وضلت تفكر فيه لاكنها كانت تقول دوم هو غير الشباب الي بالنت هو غيرهم كلهم واحد ثقيل
مايهمه البنات كثير
وبعد اسبوع....
××
الامبراطور :
يامساء الخير والاحساس والطيبه
سوسو :
وينك يالقاطع
الامبراطور :
الاختبارات ماترحم وهذي آخر سنه
سوسو :
الله يوفقك
الامبراطور :
وحشتيني موت
سوسو :
انت اكثر
الامبراطور :
صدق تتكلمين ؟ ما اعتقد
سوسو :
والله ما اقدر على فرقاك جد اتكلم شوفلك صرفه
الامبراطور :
خلاص انا عند حل يرضي كلا الطرفين
سوسو :
ايش
هو ؟
الامبراطور :
ايش رايك اعطيك رقم جوالي واذا حبيتي تشوفيني بالنت او وحشتك مثل ماتقولين ارسلي بس رساله لي
سوسو :
نعم نعم نعم لا منت صاحي ولا تفكر بيوم اني مثل البنات الي انت تكلمهم انا بنت ناس ومتربيه وو .....
الامبراطور :
والنعم لاكن انا ماقلت بكلمك قلت ارسلي رساله و يصير خير
سوسو :
خلاص غير الموضوع بسرعه
الامبراطور :
اوكي لا كن هذا رقمي اذا حبيتي تشوفيني مرة ثانيه بالنت ارسلي بس رساله ××××××××
سوسو :
طيب باي
الامبراطور :
باي
××××××
طبعا سارا اخذت موقف من خالد لاكنها ولشدة فضولها سجلت الرقم
المهم بعد كم يوم اشتاقت تكلمه او بالاخص عندها موضوع حبت تقوله عنه
فكرت وفكرت ايش تسوي او كيف تشوفه بالنت
فقالت لنفسها : ليش ما ارسله رساله مثل ماقال هو مابيكلمني ولا انا راح اكلمه
المهم كتبت برسالتها (( خالد معليش لو سمحت تدخل النت ضروري))
المشكله
انه مارد عليها
مرت نص ساعه على ذا الوضع
انقهرت البنت وارسلت رسالة((معليش آسفه على الازعاج ))
وكرهت نفسها بعد هذا الموقف انها تصورت انه مطنشها
وبعد ايام (( شافته بالنت ولا كلمته وضلت على هذا الوضع ربع ساعه))
ملت وتنازلت انها هي الي تبدأ بالكلام
×××××××
سوسو :
السلام عليكم
الامبراطور :
هلا والله
سوسو :
لو سمحت احذفني من عندك وما عاد اشوف رقعت وجهك بالماسنجر
الامبراطور :
اللهم سكنهم ايش الي صار
سوسو :
بعد الحركه الي سويتها معي ماودي اكلمك او حتى اشوفك بالقروب حقي
الامبراطور :
ليش لاسمح الله انا ايش سويت
سوسو :
لا انت برئ ماتسوي شي
سوسو :
بس طنشتني وانا كنت محتاجه لك ذاك اليوم
الامبراطور :
أي يوم
سوسو :
اقصد الرسايل الي ارسلتها لك لاتستهبل خويلد
الامبراطور :
آآآة تقصدين حقت النت
سوسو :
أي هي ليش
مادخلت النت او حتى قلت انك مشغول
الامبراطور :
لا عمري انتي فهمتي غلط انا افتكرته واحد من الربع مطلع رقم جديد
سوسو :
لا بس انا آسفه وهذي آخر مرة كانت لحظه طيش
الامبراطور :
عمري لاتقولي هذا الكلام وثاني شي انتي قلتي انك ماتبغين الرقم آخر مرة شفتك فيها
سوسو :
طيب قلتلك انسا الموضوع
الامبراطور :
طيب ايش هو الموضوع المهم الي كنتي تبغين تقولينه
سوسو :
خلاص ماله داعي
الامبراطور :
بتقولين ولا كيف ؟؟؟؟ تراني عصبت
سوسو :
كل مافي الموضوع ان انا خطبني محمد ولد عمي طيب وانا ما احبه ولا اطيق اشوف رقعت وجهه
واهلي موافقين كلهم واخاف ارفض وعمي يزعل من بابا
الامبراطور :
والمطلوب
سوسو :
انصحني
الامبراطور :
شوفي انا ماني سريع بالكتابه
يعني راح اتصل عليكي واقولك رايي لان الموضوع باين عليه طويل
سوسو :
لا مجنون انت
الامبراطور :
يابنت
الناس ماني مآكلك وثاني شي انتي لاتتكلمين انا بس الي راح اتكلم اوكي
سوسو : وبعد تفكير
طيب لاكن انا مابقول ولا كلمه
الامبراطور :
اوكي
××××××××
بعد ثواني
ترن ( نغمه راشد )
خالد : الوو مرحبا
سارا: .........(صامته البنت تستحي)
خالد : طيب قولي مرحبا انا كذا ما اعرف اكلمك وانتي ساكته يعني كأني مجنون اكلم نفسي
سارا : ((بلا شعور )) لا سلامتك
خالد : الله يسلملي هالصوت الحلو
سارا : (( لاتعليق ))
خالد : اوكي ماراح اطول عليكي انتي قلتي انك ماتحبينه ممكن اعرف السبب
سارا : ضروري تعرف
خالد : اكيد عشان اقولك رايي
سارا :
(( سارا طبعا بلا شعور)) لانه واحد معقد وتافهه وماعندة سالفه
خالد : يمه منك كذا على طول خليتيه معقد ؟ اكيد في سبب
سارا : لا بس من طريقه كلامه واسلوبه وثاني شي شايف عمرة مدري على ايش كأنه مافي حد درس جامعه غيرة
خالد : يعني المثقف
عندك معقد او مغرور
خالد : انا طيب مهتم بدراستي فوق ماتتصورين
سارا : لا عاد انت غير
خالد : من أي ناحيه
سارا : كلك على بعضك حلو
خالد : احم احم
خالد : كله من ذوقك يا عسل
سارا : تسلم (قالتها بكل خجل)
خالد : المهم اذا كنتي لهذي الدرجه ماتحبينه خلاص ارفضي والي يصير يصير
سارا : طيب ممكن طلب
خالد : آمري
سارا : ممكن ترسلي صورتك
خالد :ههه لا طبعا
سارا : طيب آسفه
خالد : لا عمري لاتزعلين لاكن انا من جد مش وسيم واخاف تنصدمين
سارا :طيب اوصفلي نفسك
خالد : احم احم طبعا اناقصير اسمر شعري كشه على قولكم انتوا البنات
سارا :ههه أيش دعوة
خالد :طيب هذا ابن عمك حلو
سارا : ياي يجنن تخيل طويل وابيض عيونه عسليه وشعرة ناعم مثل جواد العلي
خالد : ههه هذا الي قاطع قالبكم يالبنات جواد وطقته
سارا : لا بس ماشاء الله عليه كثير وسيم يمكن احلى
مني بعد
خالد :ليش انتي مش حلوة
سارا : لا قمر واحلى من القمر بعد لا كن انا متواضعه
خالد : ههه واضح متواضعه
سارا : او خالد الساعه 2 الوقت سرقنا وانا عندي بكرة مدرسه
خالد : اوكي عمري ما اطول عليك لاكن بكرة بس اجلس الصباح راح ادق عليكي اوكي
سارا : اوكي مع السلامه
خالد : تصبحين على خير
×××××××
جلست سارا الصبا ح وهي متأخرة على الدوام
وطبعا اعطوها حرمان من الحصه الاولى
جلست بالساحه تفكر بخالد وفجأة رن الجوال ( نغمه راشد )
خالد : الو
سارا : الو
خالد : يسعد لي هالصباح
سارا : هلا والله الطيب عند ذكرة
خالد : مشاء الله كنتي تفكرين فيني ولا كلام بس
سارا : انت ايش شايف
خالد : ماقلتيلي ماعندك كلاس الحين
سارا : لا عندي بس حرموني منها لاني رحت متأخر
خالد : اوف ماعاش من يزعل عمري
وضلت سارا وخالد على هذا الحال كل يوم تكلمه ولاتفوت أي شي
الا وتقوله له
ورجع في يوم من الايام ولد عمها وتقدم لها للخطبه
لا كن اهلها هذي المرة غصبوها على الموافقه
ووافقت بعد تردد وتفكيرطويل
واتصل خالد : الو
عمري كيف الحال
سارا : هلا حياتي كيفك
خالد : تمام
سارا : خالد بقولك على شي متعبني
خالد : ايش هو لايكون تعبانه او مريضه
سارا : لا حياتي لا كن ولد عمي رجع خطبني مرة ثانيه واهلي غصبوني عليه
خالد : طيب ( يعني ايش )
سارا : يعني انا وافقت عليه وصار خطيبي وبعد اسبوع كتب كتابي عليه
خالد : طيب تحبين اخطبك
سارا : انت تتمسخر ( تقولها وهي تبكي )
خالد : لاعمري لاكن ليه تبكين
سارا : لانك آخر واحد فكرت انه يتمسخر علي
خالد : طيب اقولك على سري الي ماقلته لحد قبلك
سارا : ايش هو
خالد : انا كمان خاطب بنت قرايبنا
سارا : ايش وليه ماقلتلي لهذي الدرجه انا رخيصه و...
خالد : انتي وش فيك صبر علي
خالد
: آه وعلى فكرة اسمها سارا وعمرها 18 وهي بنت ولا كل البنات
سارا : ايش تقصد ؟
خالد : اقصد ياعمري انا اسمي محمد ولسه متخرج وخاطب بنت عمي سوسو
سارا( بدون شعور سكرت بوجهه السماعه )
المهم بعد ماعقد قرانهم اجا عشان يشوفها ويجلس معها
هي كانت تبكي وتقوله ليش سويت كذا فيني حرام عليك
قالها لانك كنتي ماتحبيني وخليتك تحبيني غصب صح
قالتله : صح
وتبادلو الضحكات
و ان شاء الله تعجبكم
م ن ق و ل