قص حب ة الجزء الثالث و الرابع

وهذا الجزء الثالث من القصةفإهي حطت فبالها شخص معين .. من عيال الجيران ...
لكن اللي غير رايها .. انها الرسايل اللي استمر يطرشها لها يكتب فنهايتها اول حرف من اسمه ...
فعرفت انه هب اللي فبالها ..ألو السلام عليكم
بشاير : وعليكم السلام والرحمة .. نعم أي خدمة خويه ؟
؟؟؟ : أي خدمة ؟؟ والله انا مب متصل لكفتيريا والا مطعم والا ..
بشاير : لو سمحت حسن ألفاظك ، واذا متصل تبه خويه .. تراه مب موجود وتقدر تاخذ رقمه من أي واحد
،، و ان كان فنيتك تأذينا ، ترى ما قولك غير ، استح على ويهك ، تأذي الناس .. ما عندك خوات تلمهن وتغار عليهن ،
ما عندك أهل يعلمونك شقا تتعامل ويا الناس ؟
وتصك السماعة فويهه
فبداية اتصالاته المتكررة كان يختبرها ...
لكنها دوم تصك السماعة فويهه واول ما يوصلون اهلها تخبرهم عن السالفه ..
والوالد اظايج من السالفه ... و فخاطره يعرف هالريال ويسجنه بعد .. لأن اتصالاته اتعدت 20 اتصال فاليوم
ومسبب للكل ازعاج ..
لكن كل مرة يحاولون الأهل يعرفون هالشخص اللي مأذنهم ما يقدرون لأنه دوم يتصل من كباين ..( هواتف عموميه )
وف مرة اتصل نففس الشخص ...
واللي ردت عليه ( بشاير )
فمع الأيام ... قام يراقب متى يظهرون الأهل من البيت ويستغل الفرصة .. ويتصل لبيت هل بشاير
فدامها اهي اكبر وحدة .يعني اهي اللي بترد على التلفون ..
فرن التلفون ... ترن ترن !!!!!
وردت عليه بشاير ... :ألو
تسمع صوت هادي .. و بالصعوبه تلتقط كلامه ..
بشاير : ألو !!
؟؟ : يا مرحبا الساع والله ، يا مرحبا ببنت الحسب والنسب ، ويا مرااحب ملاين ولا يسدن ..
بشاير : بدينا .. نعم ؟ خير انشالله ؟ منو وياي
؟؟ : اذا تبين تعرفين منو اللي يطرش لج الرسايل ... لا تصكين السماعة
بشاير : شو ؟؟؟؟ منو انت ؟؟؟ وشو تبه ؟؟ و أي رسايل
؟؟ : أقولج ، أنا انا نفس الشخص اللي يرسل لج الرسايل ..
بس اهو قال جي ... عرفته على طول ،، لأنه عنده عقده فحرف الراء .. (غاء ) يعني اكيد فهمتوا
بشاير : منو ؟؟؟ علي ، قول ،، ليش ساكت ...
؟؟ : علي ؟؟ أي علي
بشاير : قول بكل صراحة ، الصراحة حركة مب حلوة منك
من بعد سكوت طويل .. ردعليها وقال
؟؟ : والله لو أقولج شاللي فقلبي لج ، مستحيل تصدقين !
ما بجذب عليج وبدوخ فراسج ، بس انتيه تعرفيني زين ، و انا ما حب ألعب فذيلي ،،، هيه انا علي
أنا علي اللي كنتي تسميني انتي والكل ( بالسفاح ) ..
انا اللي كل ما تحرش فيج أي واحد من الفريج ألعن له خير بوسلافه ..
أنا اللي كل ما جفتي فلم تركضين وتخبريني ..
أنا اللي كل ما غلطتي وخايفة من اهلج .... تركضين لي وتقوليلي ...
انا اللي كل ما ألاقي وردة ....لازم اعطيها لج ..
انا اللي كل ما احلم حلم .... أخبرج به .. وما خبي عليج أي شي يستوي لي ...
انصدمت بشاير .. لأنه ذكرها بأشياء جديمة .. وناسيتها تماما ً و اهو ذكرها و رجعها لأيام الطفوله
بشاير : بس بس بس يا علي
بشاير : علي
علي : عيون وقلب وحس علي .. تامرين أمر .. شو فخاطرج الغاليه؟
بشاير : لو سمحت علي .. هالكلام ما يمشي عليه ... غزل وكلام فاضي .. انا مش البنية اللي انت ادور عليها
صح اني أحس يمكن تكون صاج ... لكن دخيلك .. لا تجيسني ..
هذا شي راح وانتهى ... و انت كنت شي من الماضي ... شاللي رجعك ؟؟....
علي : لا يا بشاير شو هالرمسة .. انا لو ابه ألعب بذيلي أقدر ألعب على ستين وحدة ، لكن انتي غير
بشاير : علي اذا انت صاج فاللي تقوله ......... انسى .... انسى انك عرفتني فيوم ، أرجوك
أنا أكبر من انك توهمني .. و تقص عليه وفالنهاية تخلني متعلقه بأمل مفقود
علي : بشاير ...
أنا علي اللي كنتي تعرفينه وما تغيرت .. أحبج أكثر من أي شخص فالدنيا ،، انتي أهلي وناسي وكل دنيتي
بشاير : علي اذا صاج فرمستك ، لا تتصل البيت مرة ثانية ، لا تأذينا ، وانسى ان فحياتك وحدة اسمها بشاير
و السموحه يا علي طراخ
تصك السماعة فويهه
ومن يومها ما اتصل ...
بشاير فالحجرة ويا خواتها ،،، بشاير : مرايم ... شو فقولتج احينه ، علي صج يحبنيه و ما يجذب عليه ؟
مرايم : والله مادري به ،، ولادري اللي سويتيه به بيخليه ينساج او لا ..
كل اللي اعرفه انه كان شيطان على أيامج ... مادري به احينه يمكن عقل والله هداه
حصة : ريميه خلي بشوره على كيف كيفها ،،،،، تفكر فعلي وناسية ولد عمتها نواف ،، اللي على قولتها تحبه
بشاير : حصوه ،، تدرين ان نواف سافر ولا سأل عني ولا افتكر ، ما فكر يطرش سلام ويا خواته على الأقل
وانا أحبه هيه احبه ، سوي نفسج مكاني ،، شو بتسوين ؟
حصووه : والله انا واللي عليه سويته .. قتلج خلج منه ...
بشاير : اوكي فيج الخير ،، زين سويتي يالله اسكتيه ..
حصه : ههه أمزح وياج ... بس صج حسيتج مهتمة فيه .. غريبه..مب من عوايدج
بشاير وعلى وييها ابتسامة : انتي ما تيوزين عن سوالفج .. مب مهتمة ولاشي .. مب فايجه لمزاحج حصوه ..أفكار بشاير متشتته ....
شاللي بيصير يا ترى .. وهل بتظل بشاير على هالحال ...
وهل علي بيقطع اتصالاته وبينسى ؟ هل بتظل بشاير على حب نواف .. او ...
كل هذا بتعرفونه بالجزء الرابع ...
هذا الجزء الرابع ..ومر كم شهر على السالفه ..
ف مرة كانت بشاير ظاهره رايحة السوق ويا خالتها و خواتها وبنات عمتها .... يتشرون اغراض
تدرون بعد البنات وسيراتهن للمراكز ما تخلص ..
وفجأأأأأأأأة
يرن موبايل بشاير ... جافت الرقم ....!! ما عرفته ؟؟ غريبه هذا رقم منو
بشاير : فصول ، دخيلك جوف لي هذا رقم منو ؟؟ ---> > > فيصل اخوها الأصغر منها بسنه
فيصل : ها شو رديتي عالمكالمة ؟؟
بشاير : لا تخيل ،، رقم ما عرفه ...
اوكي لحظة شوي .. الرقم مب غريب عليّه ..... جايفه وين ؟؟ ويتصل فيصل على الرقم
فيصل : ألو ، مرحب
علي : اهلين وعليكم السلام
فيصل : صوتك هب غريب عليّ ... الشيخ اعرفك ؟
علي : ههه ربيع عمرك يارياال وناسي صورتي .. مب انت فيصل ... أمس كنت وياك فالكافي
فيصل : اها ... علي
و فز قلب بشاير يوم اسمعت اسم علي ... وادور فبالها أفكار وأفكار
و اول ما خلص اخوها من المكالمة سئلته ..
منو هذا ؟؟؟ وكيف عرف رقميه ؟؟ وشو يبه -------> > > كلته ..
فيصل : خت علي ولد ييراننا تعرف رقمج .. ؟؟؟
بشاير : والله مادري بها .. يمكن حد خبرها من ربيعاتيه ... ليش ؟؟
فيصل : لا أبد بس يقول انه جاف رقمج فموبايل اخته ... فحب يتأكد اذا كان صج هذا رقم بنيه ..
بشاير : اها .... عيل دامه بيسوي ويا كل وحدة من ربيعاتها هل الحركة عزى الله طاحن فيها ربيعاتها
وتظحك .....
بس ظلت تفكر فالسالفه ... معقوله ... اخته كيف يابت رقميه ؟؟ وليش يتصل على رقميه بالذات ..
الله يعين شاللي بيصير ..
بس فاعتقادكم شاللي بيصير ...
وكيف علي خذ رقم بشورة ؟؟
بتعرفون انشالله فالجزء الخامس
مع التحيه
منقوله